ሥጋና አትክልት በፉርኖ

አስፈላጊ ጥሬ ዕቃዎች

  • 5 ካሮት፣ ተልጦ በቁመቱ የተቆረጠ
  • ¼ ኪሎ ተልጦ በቁመቱ የተቆረጠ ድንች
  • ¼  ፔፐሮኒ ፍሬው ወጥቶ በቁመቱ የተቆረጠ
  • 2 ዝኩኒ በክብ የተቆረጠ
  • ¼  ኪሎ ጭቅና ሥጋ፣ የተዘለዘለ
  • 5 ፍንካች ነጭ ሽንኩርት፣ የተፈጨ
  • 2 የሾርባ ማንኪያ ፐርሰሜሎ የተፈጨ
  • 1 ቀይ ሽንኩርት በደቃቁ የተከተፈ
  • 4 የሾርባ ማንኪያ ዘይት፣ የሱጎ መሥሪያ
  • ¼  ኪሎ የተፈጨ ቲማቲም

ጨው፣ ቁንዶ በርበሬ ዘይት ለጎመን መጥበሻ

አሠራር 

  1. ካሮት፣ ድንች፣ ፔፐሮኒ፣ ዝኩኒ በሙሉ አጥቦ በንፁሕ ጨርቅ ማድረቅ፣
  2. በመጥበሻ ላይ አድርጎ ለየብቻው በዘይት መጥበስ
  3. በአንድ ድስት ውስጥ ቀይ ሽንኩርት፣ ነጭ ሽንኩርት፣ ዘይት ፐርሰሜሎና ሥጋ አንድ ላይ ማቁላላት፡፡
  4. የተፈጨ ቲማቲም መጨመር፣ ጨውና ቁንዶ በርበሬ ጨምሮ ማውረድ
  5. የተጠበሰውን ጎመን በአንድ ሰፊ ድስት ውስጥ ማደባለቅ፣ በተራ ቁጥር 3 ከተዘጋጀው ሱጎ ጋር ማዋሐድ፡፡ ደረቅ እስኪል ድረስ በምድጃ ውስጥ ወይም በፎርኔሎ ላይ አቆይቶ በትኩሱ ማቅረብ፡፡

ስምንት ሰው ይመግባል፡፡

  • ጽጌ ዑቁባሚካኤል ‹‹የእናት ጓዳ›› (1984)

* * *