የአረንጓዴ ላዛኛ አሠራር

ግብዓቶች

  • ሁለት ኩባያ ፉርኖ ዱቄት፣
  • ሁለት ትልልቅ እንቁላል፣
  • አምስት የሾርባ ማንኪያ በስሎ የተጨመቀና የተፈጨ እስፒናች፣
  • ትንሽ ውኃ፣
  • ስጎ፣
  • ባሽመል፣
  • አምስት የሾርባ ማንኪያ ፎርማጆ፣
  • ጨው እንዳስፈላጊነቱ

 አዘገጃጀቱ እንደሚከተለው ነው፤

  • ዱቄቱን በጠረጴዛ ላይ ነፍተን ጨው መጨመር፣
  • ዱቄቱን ስብስብ አድርገን መሀሉን ከፍተን እስፒናች እንቁላል አስፈላጊ ከሆነም ውኃ ጨምረን ማቡካት፣
  • የፉርኖ ዱቄት በተነሰነሰበት ጠረጴዛ ላይ ሊጡን ለአሥር ደቂቃ ያህል ማቆየት፣
  • ቀጥሎም በድቡልቡል እንጨት እየዳመጥን ስስ በማድረግ የምንሠራበትን ድስት መጠን እየለካን መቁረጥ፣
  • በንፁህ ጨርቅ በተሸፈነ ወንበር ላይ ለሃያ ደቂቃ ያህል መዘርጋት፣
  • ቅባት በተቀባ መጋገሪያ ላይ ከሊጡ ወስደን ከሥር ማንጠፍ፣
  • ቀጥሎም ባሽመል፣ ፎርማጆና ስጎ መጨመር፣
  • እንደገና ላዛኛ፣ ስጎ፣ ባሽመልና ፎርማጆ እየጨመርን ያዘጋጀናቸውን በሙሉ እስኪያልቁ ድረስ መደርደር፣
  • በመጨረሻም ማብሰያ ምድጃ ውስጥ ከሃያ እስከ ሠላሳ ደቂቃ ካበሰሉ በኋላ በአራት ማእዘን ቆራርጦ በትኩሱ ማቅረብ።
    • ሰዋስው ‹‹ባህላዊ ምግብ አዘገጃጀት››