የድንች ሽሮ (ለ 3 ሰው)

አስፈላጊ ጥሬ ዕቃዎች

  • 2 መካከለኛ ጭልፋ (300 ግራም) ተልጦ የተፈጨ ድንች
  • 1 መካከለኛ ጭልፋ (150 ግራም) የደቀቀ ቀይ ሽንኩርት
  • 1 የሾርባ ማንኪያ አዋዜ
  • ግማሽ የሻይ ማንኪያ ርጥብ ቅመም
  • 3 የሾርባ ማንኪያ ዘይት
  • 1 የሻይ ማንኪያ መከለሻ
  • 1 የሻይ ማንኪያ ጨው

አዘገጃጀት

  1. ቀይ ሽንኩርት በውኃ ብቻ ማቁላላት
  2. ትንሽ ውኃ ጨምሮ ጠብ እያደረጉ ማብሰል
  3. ዘይት ጨምሮ ሽንኩርት መብሰሉን ማረጋገጥ
  4. አዋዜ መጨመርና ድብን አድርጐ ማቁላላት
  5. ድንቹን መጨመር
  6. ርጥብ ቅመም መጨመርና ጨው ማስተካከል
  7. መከለሻ ነስንሶ ወጡ እንደ ሽሮ ደረቅ ብሎ ሲንተከተክ አውጥቶ ቀዝቀዝ ሲል ለገበታ ማቅረብ
  • ደብረወርቅ አባተ (ሱሼፍ) “የባህላዊ ምግቦች አዘገጃጀት” (2003)