አዲሱን ድረ ገጽ ይሞክሩ!
አዲሱን ድረ ገጽ ይሞክሩ!

ገበያውን ዘግይቶ የተቀላቀለው ዘቢዳር ቢራ በጣት የሚከፈት የጠርሙስ ቢራ አቀረበ

በ1.2 ቢሊዮን ብር ኢንቨስትመንት በቤልጂየሙ ዩኒብራና በጀማር ሁለገብ ኢንዱስትሪ ኩባንያዎች አክሲዮን ድርሻ የተቋቋመው ዘቢዳር ቢራ አክሲዮን ማኅበር፣ ለቢራ ኢንዱስትሪው አዲስ የሆነና የጠርሙስ መክፈቻ ሳያስፈልገው በጣት የሚከፈት ቢራ ለገበያ አቀረበ፡፡ ዘቢዳር ቢራ ሐሙስ ታኅሳስ 27 ቀን 2009 ዓ.ም. በገበያ ላይ ያዋለው ቢራ በደቡብ ክልል፣ ከአዲስ አበባ በደቡብ ምዕራብ በኩል 167 ኪሎ ሜትር ርቃ፣ ከወሊቂጤ ከተማ አቅራቢያ በምትገኘው ጉብርየ ተብላ በምትጠራው መንደር ውስጥ የተጠመቀ ነው፡፡ ቢራው ለገበያ መቅረቡን በማስመልከት በጎልፍ ክለብ ቅጥር ግቢ ውስጥ በተከናወነ ሥነ ሥርዓት ላይ፣ አንድ ሺሕ ያህል ሰዎች የተሳተፉበት በቢራ ቅርፅ የተዘጋጀ የሰዎች ትዕይትንም ተከናውኗል፡፡ ይህ ትዕይንት በጊነስ የድንቃ ድንቅ መዝገብ ላይ ሊሰፍር እንደሚችል ይገመታል፡፡ መጠሪያውን በደቡብ ክልል ጉራጌ ዞን ውስጥ ከሚገኘው የዘቢዳር ማሲፍ ተራራ የተዋሰው ዘቢዳር ቢራ፣ በ150 ሺሕ ካሬ ሜትር ቦታ ላይ የተገነባ ፋብሪካው በዓመት 350 ሺሕ ሔክቶ ሊትር የማምረት አቅም እንዳለው የቢራ ፋብሪካው ኃላፊዎች ገልጸዋል፡፡ ዝርዝር ዘገባውን ለመመልከት እዚህ ላይ ይጫኑ፡፡