Tuesday, August 16, 2022
ሌሎች ዓምዶች
    - Advertisement -
    - Advertisement -
    ማኅበራዊተፈናቃዮች የሚጠቀሙበት የ145 ሚሊዮን ብር ፕሮጀክት ይፋ ሆነ

    ተፈናቃዮች የሚጠቀሙበት የ145 ሚሊዮን ብር ፕሮጀክት ይፋ ሆነ

    ቀን:

    በሰሜኑ ጦርነት ምክንያት ከቀያቸው ተፈናቅለው በተለያዩ ቦታዎች ላይ የሚገኙ ወገኖች ተጠቃሚ የሚሆኑበት የ145 ሚሊዮን ብር ፕሮጀክት ይፋ ማድረጉን ኤስኦኤስ የሕፃናት መንደር አስታወቀ፡፡

    ተቋሙ ይህንን ያስታወቀው ረቡዕ ሰኔ 1 ቀን 2014 ዓ.ም. ሲሆን፣ ፕሮጀክቱም መቀመጫው በጀርመን የሆነው የኤስኦኤስ ችልድረን ቪሌጅ ባደረገው የገንዘብ ድጋፍ ዕውን እንደሚሆን ተገልጿል፡፡

    ፕሮጀክቱን ዕውን ለማድረግ 225 ሚሊዮን ብር መበጀቱን፣ ከዚህ ውስጥ 145 ሚሊዮን ብሩ በአማራ ክልል ለተፈናቀሉ ወገኖች እንደሚውል የኤስኦኤስ ችልድረን ቪሌጅ የሰብዓዊ ድጋፎች ሥራ አስተባባሪ አቶ ቢኒያም አስፋው አስረድተዋል፡፡

    እንደ አቶ ቢኒያም ገለጻ፣ ድጋፉ ተግባራዊ የሚደረገው በሰሜን ወሎና ደቡብ ወሎ አካባቢ ለሚገኙ አርሶ አደሮች የቅድሚያ ቅድሚያ በመስጠት ነው፡፡

    አርሶ አደሮች የቅድሚያ ቅድሚያ የተሰጣቸው ዋነኛ ምክንያት ወቅቱ የእርሻ ወቅት በመሆኑ ነው ያሉት አቶ ቢኒያም፣ ለእነዚህም አርሶ አደሮች የማዳበሪያና ለእርሻ የሚሆኑ የቀንድ ከብቶችን በማቅረብ ተጠቃሚ እንዲሆኑ ይደረጋል ብለዋል፡፡

    ከተደረገው ድጋፍ ቀሪው ገንዘብ በአፋርና በትግራይ ክልል የሚውል ሲሆን፣ በቀጣይም ተጨማሪ በጀቶችን በመጠየቅ በሁለቱ ክልሎች ተደራሽ የሚደረግ መሆኑን ጠቁመዋል፡፡

    ፕሮጀክቱም በዋናነት ትኩረት የሚያደርገው የጤናና የትምህርት ተቋማትን መልሶ ከማቋቋም ባለፈ ለተጎዱ ወገኖች ምግብ ነክ የሆኑ ግብዓቶች ተደራሽ ማድረግ እንደሆነ አክለዋል፡፡

    በአማራ ክልል ለ231 ሺሕ ሰዎች ድጋፉን ለመስጠት መታቀዱን ጠቅሰው፣ ወላጆቻቸውን ያጡ ከወላጆቻቸው የተለያዩ ሕፃናትን የማገናኘት ሥራም የሚሠራ መሆኑን አብራርተዋል፡፡

    ወላጆቻቸውንም ያጡ ሕፃናትን በቋሚነት ለመርዳት ተቋሙ የሚሠራ መሆኑን፣ ለዚህም መነሻ የሆነ በጀት ከተለያዩ ድርጅቶች በመጠየቅ ተግባራዊ እንደሚደረግም ተናግረዋል፡፡

    የሲቪል ማኅበረሰብ ድርጅቶች ባለሥልጣን ምክትል ዋና ዳይሬክተር አቶ ፋሲካው ሞላ እንደገለጹት፣ ሰው ሠራሽና የተፈጥሮ አደጋዎች በሚከሰቱበት ጊዜ ቀድሞ በመድረስ ተቋሙ ኃላፊነቱን እየተወጣ ይገኛል፡፡

    ‹‹በጦርነቱ ምክንያት የሰብዓዊ መብት ጥሰቶች ደርሷል፤›› የሚሉት ምክትል ዋና ዳይሬክተሩ፣ ይህንን ታሳቢ በማድረግ ለተጎዱ ወገኖች የሕግም ሆነ የሞራል ምክር እንደተሰጣቸው አስረድተዋል፡፡

    በኢትዮጵያ ከ3,800 በላይ የሲቪል ማኅበረሰብ ድርጅቶች እንዳሉና እነዚህ ድርጅቶች በድርቅ፣ በጦርነትና በሰው ሠራሽ አደጋዎች ለተጋለጡ ወገኖች ፈጥነው በመድረስ አስፈላጊውን ድጋፍ ማድረግ እንደቻሉ አስታውሰዋል፡፡ ከአራት ወራት በፊት ተቋሙ ባደረገው ጥሪ መሠረት የተፈናቀሉ ወገኖችን ወደ ቀዬአቸው እንዲመለሱና የምግብም ሆነ የተለያዩ ድጋፎችን እንዲያገኙ መደረጉን በቀጣይም ድጋፉ ይቀጥላል ብለዋል፡፡

    የጤና፣ የትምህርት ተቋማቶችን መልሶ ለመገንባት የሲቪል ማኅበረሰብ ድርጅቶች በቢሊዮን የሚቆጠር ብር ድጋፍ ማድረጋቸውን ያስታወሱት ዳይሬክተሩ፣ በተለይ በአፋርና በአማራ በተከሰተው ጉዳት 440 ሚሊዮን ብር ድጋፍ ማድረጋቸውን ከዚሁ ጎን ለጎን ከሠራተኞች ደመወዝ በየወሩ በማስቆረጥ 17 ሚሊዮን ብር በካሽ መስጠቱን ጠቁመዋል፡፡

    የሲቪል ማኅበረሰብ ድርጅቶች የግጭት አፈታት ሁኔታን በማጥናት ዘላቂ የሆነ የአፈታት የአፈታት ሥርዓት ለመዘርጋት እየሠሩ እንደሆነ ይሄንንም አጠናክሮ ለመቀጠል ከኤስኦኤስ ችልድረን ጋር በቅንጅት እየሠራ መሆኑን ገልጸዋል፡፡

    የኤስኦኤስ ችልድረን ቪሌጅ በዓለም አቀፍ ደረጃ በ137 አገሮች ላይ መቀመጫውን ያደረገ ሲሆን፣ በአፍሪካ ደግሞ 48 አገሮች ላይ እየሠራ ይገኛል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...