Tuesday, August 16, 2022
ሌሎች ዓምዶች
    - ማስታወቂያ -
    - ማስታወቂያ -

    የአዲስ አበባ ቀላል ባቡር ፕሮጀክት 16 ቢሊዮን ብር ኪሳራ እንደደረሰበት ተገለጸ

    - ማስታወቂያ -

    ተዛማጅ ፅሁፎች

    ከ41 ባቡሮች 17 በብልሽት ቆመዋል

    የአዲስ አበባ ቀላል ባቡር ፕሮጀክት አገልግሎት ከጀመረበት ከ2008 ዓ.ም. እስከ ነሐሴ 2013 ዓ.ም. ድረስ 16 ቢሊዮን ብር ኪሳራ እንደደረሰበት፣ የፌዴራል ዋና ኦዲተር መሥሪያ ቤት አስታወቀ፡፡

    የኢትዮጵያ ምድር ባቡር ኮርፖሬሽን ለአዲስ አበባ ቀላል ባቡር ፕሮጀክት የሚውል፣ በውሉ መሠረት ዋናውን ብድርና ወለዱን በዓመት ሁለት ጊዜ እየከፈለ በአሥር ዓመታት ውስጥ የተገነባበትን ወጪ እንዲከፍል መስማማቱን የዋና ኦዲተር ሪፖርት ያሳያል፡፡

    ይሁን እንጂ ኮርፖሬሸኑ በውሉ መሠረት ጊዜውን ጠብቆ ባለመክፈሉና በውጭ ምንዛሪ ልዩነት የተነሳ ከፍተኛ ኪራ እያስመዘገበ መሆኑን፣ እስካሁን ካስመዘገበው ኪሳራ ውስጥ 95 በመቶ የሚሆነው ለኢንቨስትመንት ወጪና በውጭ ምንዛሪ ልዩነት የመጣ መሆኑ ተገልጿል፡፡

    የዋና ኦዲተር ሪፖርት እንደሚያሳየው፣ የኮርፖሬሽኑ ኃላፊዎች የቀረውን የፕሮጀክት ዕዳ በሦስት ዓመታት ከስድስት ወራት ውስጥ ለመክፈል እየሠሩ መሆኑን ተናግረዋል፡፡

    የኢትዮጵያ ምድር ባቡር ኮርፖሬሽን ከውጭ ባንክ ለአዲስ አበባ ቀላል ባቡር ፕሮጀክት ማስፈጸሚያ የተበደረው ገንዘብ በአጠቃላይ ከ2008 እስከ 2011 ዓ.ም. ባሉት ጊዜያት መሆኑን፣ ኮርፖሬሽኑ ብድሩን የከፈለው ከኢትዮጵያ ንግድ ባንክ አዲስ ብድር እየወሰደ እንደሆነ፣ ለቻይና ኤግዚም ባንክ የቀላል ባቡር ፕሮጀክት የተገነባበትን ብድር ሲከፍል በብድር መዘግየት ምክንያት ለተጨማሪ ወለድና ቅጣት 85 ሚሊዮን ብር መክፈሉ ተገልጿል፡፡

    በተመሳሳይ ዜና የአዲስ አበባ ቀላል ባቡር ወደ ሥራ ሲገባ ካስገባቸው አጠቃላይ 41 ባቡሮች፣ አሁን ላይ በሥራ የሚገኙት 24 የሚሆኑት ብቻ መሆናቸውን የዋና ኦዲተር ሪፖርት ያስረዳል፡፡

    ፌዴራል ዋና ኦዲተር እስከ መጋቢት 2014 ዓ.ም. ድረስ ያለውን የአዲስ አበባ ቀላል ባቡር የክትትል ኦዲት ሪፖርት ውሳኔ ይፋ አድርጓል፡፡ በመለዋወጫ ዕቃ እጥረት፣ በባቡር ጎማ (ኩሽኔታ) ብልሽት፣ እንዲሁም በጥገና መሣሪያዎችና በክህሎት እጥረት የተነሳ 17 ባቡሮች ከአገልግሎት ውጭ ሆነዋል ብሏል፡፡

    የፌዴራል ዋና ኦዲተር ሪፖርት እንደሚያሳየው፣ የምድር ባቡር ኮርፖሬሽን ከቻይና መንግሥት ዕርዳታን በማፈላለግ የተጀመሩ ሥራዎችን ለማጠናቀቅና የመለዋወጫ ዕቃዎችን እጥረት ለማሟላት እየሠራሁ ነው ብሏል፡፡

    ባቡሮቹ በመበላሸታቸውና  ተጠግነው በቶሎ ወደ አገልግሎት ባለመመለሳቸው ከትኬት ሽያጭ የተገኘ ገቢም ሆነ፣ የተገልጋዮች ተሳፋሪ ብዛት መቀነሱን በሪፖርቱ ተመልክቷል፡፡

    በመጀመርያ የባቡር ግዥ ወቅት ከባቡሩ ጋር በቂ የሆነ የመለዋወጫ አቅርቦት ግዥ ባለመከናወኑ በየደረጃው ላሉ የመንግሥት አካላት ጥያቄ የቀረበ ቢሆንም፣ ምላሽ አለመገኘቱን የኮርፖሬሽኑ የበላይ ኃላፊዎች መግለጻቸውን የዋና ኦዲተር የኦዲት ሪፖርት ያሳያል፡፡

    ለአዲስ አበባ ቀላል ባቡር የተደራጀ ጥበቃ ባለመኖሩ፣ የሲግናሊንግና የኮሙዩኒኬሽን መሣሪያዎች የካሜራና የእሳት ማጥፊያዎች ስርቆት መኖሩ በሪፖርቱ ተገልጿል፡፡

    ለአብነት ከየካቲት 2009 ዓ.ም. እስከ ኅዳር 2012 ዓ.ም. በባቡር መሠረተ ልማት በደረሱ የተለያዩ ጉዳቶች፣ በተለይም በባቡር አጥር፣ በኤሌክትሪክ ገመዶችና አምፖሎች፣ በኮንክሪቶች፣ በሲግናልና በኮሙዩኒኬሽን መሣሪያዎች፣ በመሸጋገሪያ ድልድዮችና ከተሽከርካሪዎች ግጭት ጋር በተገናኘ ከ14 ሚሊዮን ብር በላይ ጉዳት መድረሱ ተጠቁሟል፡፡ በተመሳሳይ በ2014 ዓ.ም. ለተወሰኑ ጊዜያት ከፍተኛ የሆነ የኤሌክትሪክ ገመድ ስርቆት አጋጥሞ እንደነበር፣ በዚህም የባቡር ትራንስፖርት አገልግሎት ቆሞ እንደነበር በሪፖርቱ የተጠቆመ ሲሆን፣ በተደጋጋሚ መዘገቡ ይታወሳል፡፡

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች