Sunday, August 14, 2022
ሌሎች ዓምዶች
    - Advertisement -
    - Advertisement -
    ስፓርትየመከላከያ እግር ኳስ ክለብ ተጫዋች አበረታች ቅመም በመጠቀሙ ቅጣት ተላለፈበት

    የመከላከያ እግር ኳስ ክለብ ተጫዋች አበረታች ቅመም በመጠቀሙ ቅጣት ተላለፈበት

    ቀን:

    የመከላከያ እግር ክለብ ተጫዋች የሆነው አሌክስ ተሰማ ኃይሌ የፀረ አበረታች ቅመሞች የሕግ ጥሰት ፈፅሞ በመገኘቱ፣ ለአንድ ዓመት በማንኛውም የእግር ኳስ ውድድሮች ላይ እንዳይሳተፍ ቅጣት ተጣለበት።

    የኢትዮጵያ ፀረ አበረታች ቅመሞች ባለሥልጣን (ናዶ) በፕሪሚየር ሊጉ ተጫዋቾች ላይ እ.ኤ.አ. ታኅሣሥ 10 ቀን 2021 ባደረገው የአበረታች ቅመሞች (ዶፒንግ) ምርመራ፣ የመከላከያ ተጫዋች የሆነው አሌክስ ተሰማ ኃይሌ የተከለከለ አበረታች ቅመም መጠቀሙን የሚያረጋግጥ ምልክት ማግኘቱን ይፋ አድርጓል።

    ባለሥልጣኑ የምርመራውን ሒደት በተመለከተ እ.ኤ.አ. ከየካቲት 23 ቀን 2022 ጀምሮ ተጫዋቹ በየትኛውም የእግር ኳስ ውድድር ላይ እንዳይሳተፍ ጊዜያዊ ዕገዳ በመጣል፣ በጉዳዩ ዙሪያ ጥልቀት ያለው ተጨማሪ የምርመራና የማጣራት ተግባራትን ሲያከናውን ከቆየ በኋላ፣ ካቲኖን (Cathinone) የተባለውን የተከለከለ አበረታች ቅመም የተጠቀመ መሆኑን ማረጋገጥ ተችሏል ብሏል።

    ስለሆነም አትሌት አሌክስ ተሰማ ኃይሌ የመጀመርያው ጊዜያዊ ዕገዳ ከተጣለበት፣ ማለትም እ.ኤ.አ. ከየካቲት 23 ቀን 2022 ጀምሮ እስከ የካቲት 23 ቀን 2023 ድረስ በማንኛውም ስፖርታዊ ውድድር እንዳይሳተፍ ዕገዳ የተጣለበት መሆኑን በመግለጽ፣ የኢትዮጵያ እግር ኳስ ፌዴሬሽን ተጫዋቹ ቅጣቱን ጨርሶ ዕገዳው እስኪነሳለት ድረስ በማንኛውም ውድድር ላይ እንዳይሳተፍ ክትትል እንዲያደርግ ባለሥልጣኑ አሳውቋል።

    በሌላ በኩል የኢትዮጵያ የፀረ አበረታች ቅመሞች ባለሥልጣን፣ በ2014 በጀት ዓመት አበረታች ቅመሞችን በመከላከልና በመቆጣጠር ረገድ ሲያከናውን የቆየውን ተግባር ክንውን ይፋ አድርጓል፡፡

    ባለሥልጣኑ በማኅራዊ ትስስር ገጹ እንዳስታወቀው፣ ተቋማዊ አቅም መገንባት፣ የሕግ ማዕቀፎችን መዘርጋትና ማሻሻል፣ ረቂቅ ፖሊሲን በማዘጋጀት፣ የአሠራር ሥርዓቶችን በመከለስ ሥራዎችን ሲሠራ ቆይቷል፡፡ በዚህም በ2014 ዓ.ም. የውድድር ዓመት እግር ኳሱን ጨምሮ ለ533 ስፖርተኞች ምርመራ ማድረጉን በማሳያት ጠቅሷል፡፡

    ባለሥልጣኑ የምርመራውን ውጤት በተመለከተ፣ የተወሰኑ አትሌቶች በዋናነት እግር ኳስና አትሌቲክስ ላይ የሕግ ጥሰት ሒደቶች ስለመታየታቸው ጭምር አስታውቋል፡፡

    የስፖርት ፀረ አበረታች ቅመሞችን በመከላከል ረገድ ቁልፍ ሚና እንዳላቸው ለሚታመንባቸው፣ ማለትም የብሔራዊ ቡድንና የክለብ አሠልጣኞች እንዲሁም የአትሌት ማናጀሮችና ወኪሎች የተሳተፉበት መድረክ በማዘጋጀት ውይይት ማድረጉን ተናግሯል፡፡

    በውይይቱ አትሌቶች በሕክምና ተረጋግጦ በሐኪም ፈቃድ ካልታዘዘላቸው በስተቀር የትኛውንም ድጋፍ ሰጪ ምግብ (መድኃኒቶችን) እንዳይጠቀሙ ማሳሰቢያ ስለመስጠቱ ጭምር ባለሥልጣን በመግለጫው አክሏል፡፡      

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...