Monday, August 8, 2022
ሌሎች ዓምዶች
    - Advertisement -
    - Advertisement -
    ኪንና ባህልየዳግማዊ ምኒልክ ትምህርት ቤት የተማሪዎች ማርች ባንድ ዳግም ማንሰራራት

    የዳግማዊ ምኒልክ ትምህርት ቤት የተማሪዎች ማርች ባንድ ዳግም ማንሰራራት

    ቀን:

    የተማሪዎች ማርች ባንድ በቀዳማዊ ኃይለ ሥላሴ ጊዜ ከተቋቋሙባቸው ትምህርት ቤቶች ውስጥ የደሴው ወ/ሮ ስህን፣ የአዲስ አበባው ዳግማዊ ምኒልክ፣ የአርሲው የራስ ዳርጌ፣ የናዝሬቱ አፄ ገላውዲዮስና ሌሎችም ይገኙበታል፡፡

    ተማሪዎች ከትምህርታቸው ጎን ለጎን ክህሎታቸውን የሚያዳብሩበት፣ ችሎታቸውን የሚያወጡበት በየትምህርት ቤቶቹ የተቋቋሙ የተማሪዎች ማርች ባንዶች ለበርካታ ሙዚቀኞች መውጣትም ምክንያት ሆነዋል፡፡

    በአየር ኃይል፣ ባህር ኃይል መከላከያና በተለያዩ ተቋማት በመግባት ያገለገሉም በርካቶች ናቸው፡፡ በናዝሬቱ አፄ ገላውዴዮስ ሁለተኛ ደረጃ ትምህርት ቤት በ1970ዎቹ መጀመርያ ላይ የተማሪዎች ማርች ባንድ አባል የነበሩት ሌተና ኮሎኔል ሲሳይ ፈቃዱ አንዱ ናቸው፡፡

    በየትምህርት ቤቶቹ ተቋቁመው የነበሩትና ከ43 ዓመታት በፊት ደብዛቸው ጠፍተው የቀሩት የተማሪዎች የሙዚቃ ባንድና ማርች ባንድ በወቅቱ በትምህርት ቤቶች ላሉ ዝግጅቶች ድምቀት እንደነበሩ ያስታውሳሉ፡፡

    የተለያዩ የማርች ሙዚቃ በማሰማት፣ በማነቃቃትና የተለያዩ ዝግጅቶችን በማጀብ ለሚሳተፉና ፍላጎቱ ለነበራቸው ተማሪዎችም የሙዚቃ ሥርዓተ ትምህርት ተቀርፆ የሙዚቃ ትምህርት ይሰጥ ነበር፡፡

    እንደ ሌተና ኮሎኔል ሲሳይ፣ ይህ በወቅቱ ለነበረው የሙዚቃ ዕድገትና መስፋፋት ጎልህ አስተዋጽኦ ነበረው፡፡ እሳቸውም ከዚህ ተነስተው የመከላከያ ሙዚቃ ትምህርት ቤት መምህርና ኃላፊ ሆነው እስከ መሥራት ደርሰዋል፡፡

    አሁን ጡረታ እንደወጡ የነገሩን ሌተና ኮሎኔል ሲሳይ፣ በበጎ ፈቃድ ሥራ ላይ በመሰማራት ከ43 ዓመታት በፊት የተቋረጠውን የተማሪዎች የማርች ሙዚቃ ትምህርት ለማስቀጠልና ፍላጎቱ ያላቸውን ተማሪዎች ለማውጣት ሥራቸውን በዳግማዊ ምኒልክ ሁለተኛ ደረጃ ትምህርት ቤት አድርገዋል፡፡

    የዳግማዊ ምኒልክ ትምህርት ቤት የተማሪዎች ማርች ባንድ ዳግም ማንሰራራት | Ethiopian Reporter | ሪፖርተር

    30 ተማሪዎችን በማርች ባንድ 20 ተማሪዎችን ደግሞ በኦርኬስትራና በባህል በማሠልጠን ሥራ የጀመሩት የሙዚቃ ሙያተኛና መምህር፣ ትምህርት ሚኒስቴር፣ ትምህርት ቢሮና ሌሎችም አካላት ቢተባበሯቸው የሙዚቃ ጥበቡን ለማስፋፋትና  የጀመሩትን ሥራ ለማጠናከር እንደሚቻል ነግረውናል፡፡

    የግል የሙዚቃ መሳሪያዎቻቸውን ማለትም ትራምፔት፣ ሳክስፎን፣ ትሮምቦን፣ ኢሮኒየምና ሌሎችንም በነፃ እንዲጠቀሙ በማድረግ ሥልጠና በመስጠት የተማሪዎች ማርች ባንድ እንዲጠናከር ጥረት እያደረጉ እንደሚገኙ የሙዚቃ መሳሪዎቹን ጡረታ ከወጡ በኋላ መግዛታቸውንና ተማሪዎችንም በፍላጎታቸው መሠረት በመመልመል በነፃ ሥልጠና በመስጠት ላይ መሆናቸውን ተናግረዋል፡፡ እሳቸው የድርሻቸውን እየተወጡ እንደሚገኙና በሌሎች ትምህርት ቤቶች ውስጥ እንዲስፋፋም በትኩረት ሊሠራበት እንደሚገባ ጠቁመዋል፡፡

    የሙዚቃ ትምህርትን በማጠናከር ተማሪዎች በፍላጎታቸው በትምህርት ቤት ውስጥ በተቋቋሙ የተማሪ የሙዚቃ ባንዶችና ማርች ባንዶች መሠልጠናቸው፣ ታዋቂ ሙዚቀኞችን ማፍራት እንዳስቻለ ያስታወሱት ሌተና ኮሎኔል ሲሳይ፣ በዳግማዊ ምኒልክ የጀመሩትን የሙዚቃ ማሠልጠን ፕሮጀክት ወደ ሌሎች ትምህርት ቤቶች ለማስፋፋት ትብብር እንደሚፈልጉ ገልጸዋል፡፡

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    የአገሪቱ ባንኮች ካፒታል 199.1 ቢሊዮን ብር ደረሰ

    ከታክስ በኋላ 50 ቢሊዮን ብር ማትረፋቸውን ብሔራዊ ባንክ አስታወቀ የአገሪቱ...

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...