Monday, August 8, 2022
ሌሎች ዓምዶች
    - Advertisment -
    - Advertisment -

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    • ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል።
    • በጣም ጥሩ ዜና ነው።
    • በጣም እንጂ። የሚገርምዎት ነገር ክቡር ሚኒስትር …
    • እህ…
    • ምክራችንን ተቀብለው አርሶ አደሮቻችን በኩታ ገጠም ያለሙት የስንዴ ማሳ ከግዝፈቱ የተነሳ በአየር ካልሆነ ተጉዘው አይጨርሱትም።
    • ‹የስንዴ ምንቸት ግባ› ለማለት ተቃርበናል በለኛ፡፡
    • በመጪው ዓመት የሚሳካልን ይመስለኛል። ግን ክቡር ሚኒስትር …
    • ግን ብለህ እስካሁን ያወራኸውን ልታፈርሰው እንዳይሆን ብቻ?
    • አይደለም ክቡር ሚኒስትር።
    • ታዲያ ምንድነው?
    • አርሶ አደሮቻችን እንዲህ እየለፉ ቢሆንም በአመራሮቻችን በተለይም በታችኛው መዋቅራችን ላይ ቅሬታ አላቸው። 
    • ለምን?
    • ለሚዲያ ፍጆታ ብቻ በሚተጉ አመራሮች ተንገላታን ነው የሚሉት።
    • እንዴት? አልገባኝም። 
    • አንዴ የዞን አመራሮች የሰንዴ ማሳ ሊጎበኙ መጥተዋል ተብለው አስጎብኙ ይባላሉ።
    • እሺ…
    • ደግሞ ከወረዳ መጥተዋል… ቀጥሎ ከቀበሌ ይባሉና ይጠራሉ፣ ያለማቋረጥ ሲያስጎበኙ ይወላሉ። 
    • እንዴት ያለ ነገር ነው…?
    • አርሶ አደሮቹ አስጎብኙ በመባላቸው አይደለም ቅር የተሰኙት ክቡር ሚኒስትር።
    • ታዲያ በምንድነው ቅር የተሰኙት? 
    • የጉብኝቱ ዋነኛ ዓላማ ሌላ መሆኑን በማወቃቸው ነው።
    • እንዴት ….ዋነኛ ዓለማው ምንድነው?
    • አመራሮቹ የስንዴ ማሳ ለመጎብኘት ፊልድ ወጥተናል እያሉ የውሎ አበል ክፍያ ለመሰብሰብ እንደሚጎበኟቸው በማወቃቸው ነው ያዘኑት።
    • እንዲህ ሊሆን አይችልም፡፡
    • እንደዚያ ነው ክቡር ሚኒስትር። እኛም ቅሬታውን ከሰማን በኋላ ባደረግነው ማጣራት በየአካባቢው ለስንዴ ማሳ ጉብኝት ተብሎ ለአመራሮች የተከፈለው የውሎ አበል ወጪ አሰደንግጦናል። 
    • ምን ዓይነት ጉድ ነው ይኼ?
    • ቢሆንም ክቡር ሚኒስትር አርሶ አደራችንም የዋዛ አይምሰልዎት። 
    • እንዴት? 
    • ከበላይ አካል መፍትሔ እስኪመጣ ሳይጠብቅ በየአካባቢው መፍትሔ ያለውን የራሱን ዕርምጃ ወስዷል፡፡
    • ምን ዓይነት ዕርምጃ ወሰደ?
    • የስንዴ ማሳ ልጎብኝ እያለ የሚተመውን አመራር በጥያቄ አፋጧል። 
    • ምን ብሎ ነው ያፋጠጣቸው?
    • ከማፋጠጥ አልፎም ያቀረብኩት ጥያቄ ካልተመለሰ የስንዴ ማሳውን አላስጎበኝም እያለ ወደመጡበት እየመለሰ ነው።
    • አርሶ አደሩ ያቀረበው ጥያቄ ምንድነው?
    • ለእኔም ይከፈለኝ፡፡ 
    • ምን?
    • አበል! 
    • ታዲያ አመራሩ ምን አለ?
    • ለማወራረድ አይመችም። 

    [ክቡር ሚኒስትሩ ለሕዝብ መገለጽ አለበት ተብሎ የሕዝብ ግንኙነት አማካሪ ኮሚቴው ባቀረበው ጉዳይ ላይ እየተወያዩ ቢሆንም ነገሩ አልጣማቸውም]

    • ክቡር ሚኒስትር ሕዝቡ ተጨንቋል…
    • በምን ምክንያት?
    • ሚኒስትሩ ከሚዲያ በመጥፋታቸው ተጨንቋል። ኧረ እንደውም ነገሩ ከመጨነቅ ያልፋል!
    • እንዴት?
    • ምክንያቱም ሚኒስትሩ ከሚዲያ መጥፋታቸው ብቻ አይደለም እየተወራ ያለው። 
    • ሌላ ምን እየተወራ ነው?
    • ሚኒስትሩ አንድ ነገር ቢሆኑ ነው የጠፉት እያለ ነው ሕዝቡ።
    • ሕዝቡ …ሕዝቡ የምትለው ነገር አይዋጥልኝም። 
    • እንዴ ክቡር ሚኒስትር …ሕዝቡ መጨነቁን ዓይቼ እንጂ እኔ ከየት አመጣዋለሁ?
    • ሕዝቡ …አሁንም ሕዝቡ… ማነው ሕዝቡ? 
    • ክቡር ሚኒስትር…
    • ቆይ ሕዝቡ ተጨንቋል የምትለው የት አይተኸው ነው?
    • ማኅበራዊ ሚዲያ አይከታተሉም እንዴ ክቡር ሚኒስትር?
    • አየህ …የፈራሁት ይኼንን ነበር! ጭንቀት የምትለው ማኅበራዊ ሚዲያ ላይ የሚራገብ ወሬን እንደሆነ ጠርጥሬ ነበር።
    • ክቡር ሚኒስትር ማኅበራዊ ሚዲያን ባይንቁ ጥሩ ነው።
    • ለምን አልንቅም?
    • ምክንያቱም የዘመኑ የመረጃ ገበያ ማኅበራዊ ሚዲያ ነው። መንግሥትም ይህንን አምኖ እየተጠቀመበት ነው። ስማቸውን ቀይረው ቢሆንም ሁሉም ሚኒስትሮች ማኅበራዊ ሚዲያን ይጠቀማሉ።
    • እንተም በሌላ ስም ትጠቀማለህ እያልከኝ ነው?
    • እንደዚያ አላልኩም። 
    • እና ምን እያልክ ነው?
    • ቢጠቀሙ ግን ጥሩ ነው እያልኩ ነው።
    • ምን ጥሩ ነገር አለው?
    • ቢያንስ የሕዝቡን ትርታ ያደምጡበታል። ማስተላለፍ የሚፈልጉት ነገር ያለ እንደሆነም በቀላሉ ሚሊዮኖች ጋር ማድረስ ይችላሉ።
    • የሕዝቡን ትርታ ለማዳመጥ እንኳን ጠቃሚ ነው። እኔም አልፎ አልፎ እመለከታለሁ አንዳንዴም እጠቀማለሁ።
    • ማኅበራዊ ሚዲያ ላይ አሉ? …እንዴት አይቼዎት አላውቅም?
    • የለሁም ግን አልፎ አያለሁ፡፡ 
    • እንዴት አድርገው?
    • እሱን ተወውና ወደ ዋና ገዳያችን ብንመለስ?
    • ጥሩ ክቡር ሚኒስትር። እኔ እያልኩ ያለሁት ሕዝቡ ሚኒስትሩ ለምን ጠፉ ብሎ ተጨንቋል ነው። ባይጨነቅ እንኳ እኛ የማሳወቅ ግዴታ አለብን። 
    • የምን ግዴታ አለብን?
    • ምክንያቱም ሕዝቡ ሚኒስትሩ ያሉበትን ሁኔታ የማወቅ መብት አለው። የማወቅ መብት አለው ማለት ደግሞ እኛ የማሳወቅ ግዴታ አለብን ማለት ነው። በተጨማሪም …
    • በተጨማሪ ምን?
    • እንደዚህ ያሉ ነገሮች ፈጣን መረጃ ካልተሰጠባቸው ሕዝቡን ለተሳሳቱ መላምቶች ይዳርጋል። ጠላቶቻችን ደግሞ ክፍተቱን ሊጠቀሙበት ይችላሉ። 
    • ስለዚህ ምን መደረግ አለበት ነው የምትለው?
    • ሚኒስትሩ በመደበኛ ሥራቸው ላይ እንደሚገኙና በማኅበራዊ ሚዲያዎች የሚነዛው አሉባልታ እንደሆነ የሚገልጽ መግለጫ ብናወጣ ጥሩ ነው። 
    • ግን ይህንን እኛ ማድረግ አንችልም።
    • ለምን?
    • መደበኛ ሥራቸው ላይ ባይሆኑስ? እውነት ለመናገር እኔም አግኝቻቸው አላውቅም። 
    • ለምን በቀጥታ ደውለው አይጠይቋቸውም።
    • ምን?
    • አዎ ክቡር ሚኒስትር። ደውለው ሥጋታችን ያስረዷቸውና መደበኛ ሥራቸው ላይ መሆናቸው በዘዴ በሚዲያ ይተላለፍ?
    • እንደዚያ ማድረግ አልችልም።
    • ለምን ክቡር ሚኒስትር? ለምን?
    • ባለፈው ፓርላማውን ሲቆጡ ያየ እንደዚህ ዓይነት ጥያቄ ዳግመኛ አያቀርብም። 
    • ፓርላማውን ተቆጥተዋል እንዴ? 
    • አላየህም እንዴ? 
    • አላየሁም። ምን ብለው ተቆጡ?
    • ፓርላማው ባልሰጠኝ በጀት ላይ ሊጠይቀኝ አይችልም ብለው ነዋ።
    • እንደዚህ ብለው ተቆጥተዋል? 
    • ታዲያ?!
    • አልሰማሁም። እንደዚያ ከሆነማ
    • እ….
    • ይቅርብን!

    በብዛት የተነበቡ ፅሁፎች

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    የዩኒቨርሲቲ መምህራን ከደመወዝ ጭማሪና ከዕርከን ዕድገት ጋር በተያያዘ መንግሥትን አስጠነቀቁ

    ‹‹የደመወዝ ጉዳይ የትምህርት ሚኒስቴር ብቻ ሳይሆን የሲቪል ሰርቪስ ኮሚሽንም...
    - Advertisment -

    ትኩስ ፅሁፎች

    የአገሪቱ ባንኮች ካፒታል 199.1 ቢሊዮን ብር ደረሰ

    ከታክስ በኋላ 50 ቢሊዮን ብር ማትረፋቸውን ብሔራዊ ባንክ አስታወቀ የአገሪቱ...

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...
    spot_img

    ተዛማጅ ፅሁፎች

    [ክቡር ሚኒስትሩ የሚመሩት የሥራ አስፈጻሚ ኮሚቴ ስብሰባ አጀንዳ አድርጎ በያዘው ወቅታዊ የፀጥታና ደኅንነት ጉዳዮች ላይ ትኩረት በመስጠት ቢጀመርም በስተመጨረሻ አጀንዳውን ስቶ ስለ መዋደድ እየተጨቃጨቀ...

    በዛሬው መደበኛው መድረካችን አጀንዳ የተለመደው የፀጥታና ደኅንነት ጉዳይ ይሆናል። ሌላ አጀንዳ የምታስይዙት አጀንዳ ከሌለ በቀር ማለቴ ነው። ክቡር ሚኒስትር... እሺ ...ቀጥል አመሰግናለሁ ክቡር ሚኒስትር። መደበኛ አጀንዳው እንደተጠበቀ...

    [ክቡር ሚኒስትሩ ወደ መኖሪያ ቤታቸው ሲገቡ ባለቤታቸው የኢትዮጵያ አትሌቶች በዓለም ሻምፒዎና መንገሣቸውን እያነሱ ደስታቸውን ሲገልጹ አገኟቸው]

    እሰይ አገሬ... እሰይ አገሬ እልልል ምን ተገኘ ደግሞ ዛሬ? የአትሌቶቻችንን ድል ነዋ! በክፉ ሲነሳ የቆየውን የአገራቸውን ስም በወርቅ እያደሱ እኮ ነው?  አየሽ፣ መንግሥት የአገራችን ችግር ያልፋል ስሟም...

    [ክቡር ሚኒስትሩ መንግሥት የዜጎችን ደኅንነት ማስጠበቅ አልቻለም ተብሎ መወቀሱ አልተዋጠልኝም እያሉ ከፖለቲካ አማካሪያቸው ጋር እየተወያዩ ነው]

    እንዴት መንግሥት የዜጎችን ደኅንነት ማስጠበቅ አልቻለም ይባላል? መንግሥት ስንት ነገር እያደረገ እንዴት ይወቀሳል? እንዴት ክቡር ሚኒስትር?  አንተም ጥያቄ አለህ? ለመወያየት እንጂ እንዳሰቡት አይደለም ክቡር ሚኒስትር። እንዴት እንዲህ አልክ?  ለማለት...