Saturday, August 13, 2022
ሌሎች ዓምዶች
    - ማስታወቂያ -
    - ማስታወቂያ -

    ከአዋሽ ባንክ ያለ ማስያዣ ከ16 ሚሊዮን ብር በላይ በመበደርና ኮሚሽን በማሳጣት የተጠረጠሩ ክስ ተመሠረተባቸው

    - ማስታወቂያ -

    ተዛማጅ ፅሁፎች

    ከአዋሽ ባንክ አክሲዮን ማኅበር ወልዲያ ቅርንጫፍ ያለምንም ማመልከቻና ማስያዣ፣ ከ16 ሚሊዮን ብር በላይ በመበደርና ባንኩ ማግኘት የነበረበትን ኮሚሽን በማሳጣት የተጠረጠሩ ስምንት ሰዎች ክስ ተመሠረተባቸው፡፡

    ተከሳሾቹ የባንኩ ቅርንጫፍ ሥራ አስኪያጅ ከነበሩት አቶ መኩሪያው አባተ ታዬ ጋር በመመሳጠር፣ ለግል ሕንፃ ሥራ ተቋራጭ ድርጅቶቻቸው በድምሩ 16,116,732 ብር መበደራቸውን የፌዴራል ጠቅላይ ዓቃቤ ሕግ የመሠረተባቸው ክስ ያመለክታል፡፡

    ባንኩ ያለምንም ማስያዣ ለአንደኛ ተከሳሽ አቶ አቻሙ አስረሴ ሕንፃ ሥራ ተቋራጭ፣ 1,955,891 ብር ለ180 ቀናት ለዋስትና ማበደሩን ዓቃቤ ሕግ በክሱ ገልጿል፡፡

    በተጨማሪም ለ300 ቀናት የሚቆይ 1,955,853 ብር፣ እንዲሁም ለተመሳሳይ 300 ቀናት 651,951 ብር በማበደር፣ ባንኩ በድምሩ ሊያገኝ የሚገባውን 272,620 ብር ኮሚሽን እንዲያጣ ማድረጋቸውን ዓቃቤ ሕግ በክሱ ገልጿል፡፡

    አቻሙ አስረሴ ሕንፃ ሥራ ተቋራጭ ብድሩን የወሰደው ከአማራ ክልል ትምህርት ቢሮ፣ ከኮንስትራክሽንና ቤቶች ልማት ኤጀንሲ (ሁለት ጊዜ) ጋር ለገባው ውል ዋስትና መሆኑን ክሱ ያስረዳል፡፡

    አቶ ተገኝ ብርሃኑ የተባሉት ተከሳሽ ደግሞ ተገኝ ብርሃኑ ሕንፃ ሥራ ተቋራጭ ከአማራ ክልል ኮንስትራክሽንና ቤቶች ልማት ኤጀንሲ ጋር ለገባው ውል ዋስትና፣ ከባንኩ 1,955,853 ብር ለ300 ቀናት ያለዋስትና የተበደሩ መሆኑንና ባንኩን 156,468 ብር ኮሚሽን ማሳጣታቸውን ገልጿል፡፡

    ከፍያለው ማሰው የተባሉት ተከሳሽ ደግሞ ከክልሉ ከተማ ልማትና ኮንስትራክሽን አክሲዮን ማኅበርና ጤና ቢሮ ጋር ለገቡት ውል ያለዋስትና 2,151,848 ብር ለ180 ቀናትና 721,095 ብር ለ150 ቀናት ያለዋስትና ተበድረው በድምሩ 114,916 ብር ኮሚሽን እንዲያጣ ማድረጋቸውን ክሱ ያስረዳል፡፡

    ከፍያለው ማሰው ሕንፃ ተቋራጭ ከኤሲኤፍ ጋር ለሁለት ጊዜ ለገባው ውል ዋስትና 208,019 ብር በመበደር 122,707 ብር ኮሚሽን ባንኩን ማሳጣቱን ዓቃቤ ሕግ አብራርቷል፡፡

    ያረጋል አክሊሉ፣ መከተ ጋሻው፣ ብርሃኑ አስማረው፣ ብርሃኑ ሃደራይና ጣሰው በላይ የተባሉትም ተከሳሾች በተመሳሳይ ሁኔታ ያለማስያዣ በድምሩ 5,026,199 ብር መበደራቸውንና ባንኩ 219,323 ብር ኮሚሽን እንዳያገኝ ማድረጋቸውን ዓቃቤ ሕግ በክሱ ገልጿል፡፡

    በድምሩ ስምንቱም ተከሳሾች 16,116,732 ብር መበደራቸውን ዓቃቤ ሕግ በክሱ አብራርቷል፡፡ በመሆኑም የወንጀል ሕግ ቁጥር 32(1ሀ)፣ 33 እና የሙስና ወንጀሎች አዋጅ ቁጥር 881/2007 አንቀጽ 13(1ሐ) እና (2)ን ተላልፈው በፈጸሙት የሕዝባዊ ድርጅትን ሥራ በማያመች አኳኋን መምራትና የሙስና ወንጀል ክስ፣ በፌዴራል ከፍተኛ ፍርድ ቤት ልዳታ ምድብ 18ኛ ወንጀል ችሎት ቀርቦባቸዋል፡፡ 

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች