Tuesday, August 16, 2022
ሌሎች ዓምዶች
    - Advertisement -
    - Advertisement -
    ዜናመንግሥት የአውሮፓ ፓርላማ በዶ/ር መረራ ጉዲና የፍርድ ሒደት ላይ ያወጣውን መግለጫ ተቃወመ

    መንግሥት የአውሮፓ ፓርላማ በዶ/ር መረራ ጉዲና የፍርድ ሒደት ላይ ያወጣውን መግለጫ ተቃወመ

    ቀን:

    • 14 የአሜሪካ ሴናተሮች የተቃዋሚዎች መብት እንዲከበር ጠይቀዋል

     

    ሐሙስ ግንቦት 10 ቀን 2009 ዓ.ም. የተሰበሰበው የአውሮፓ ፓርላማ አባላት፣ የኦሮሞ ፌዴራሊስት ኮንግሬስ (ኦፌኮ) ሊቀመንበር ዶ/ር መረራ ጉዲና በአስቸኳይ የዋስትና መብታቸው ተከብሮ  እንዲለቀቁና የተመሠረቱባቸው ክሶች በሙሉ ውድቅ እንዲደረጉ ጠየቁ፡፡ መንግሥት ደግሞ ጉዳያቸው በፍርድ ቤት እየታየ ባሉት የዶ/ር መረራ ጉዲና የፍርድ ሒደት ላይ ፓርላማው ያወጣው መግለጫ ሚዛናዊነት የጎደለው ብቻ ሳይሆን፣ አግባብነት የሌለው ነው ብሏል፡፡

    ዶ/ር መረራ በመንግሥት የታሰሩት እ.ኤ.ኤ. ኖቬምበር 9 ቀን 2016 ከሌሎች የተቃዋሚ ፓርቲ አመራሮች ጋር በአውሮፓ ፓርላማ ከተሳተፉ በኋላ ወደ ኢትዮጵያ ሲመለሱ መሆኑን ያስታወሰው የፓርላማው መግለጫ፣ ከዚያ በኋላ ዶ/ር መረራ ‹‹መንግሥት ላይ ጫና በመፍጠር›› እና ‹‹ብጥብጥ በመፍጠር ኅብረተሰቡን ሥጋት ላይ በመጣል›› ወንጀሎች ክስ እንደተመሠረተባቸው ይገልጻል፡፡

    የፓርላማው መግለጫ እ.ኤ.አ. በ2015 በመቶዎች የሚቆጠሩ ተቃውሞ አድራጊዎች የሞቱበት፣ መንግሥት ላይ ተቃውሞ እንዳላቸው የሚታመኑ የኦሮሞ ማኅበረሰብና የሌሎች ብሔሮች አባላት ላይ የተፈጸመው የሰብዓዊ መብት ጥሰት በተዓማኒ፣ ግልጽና ገለልተኛ አዳሪ እንዲገመገምም ይጠይቃል፡፡ የፓርላማው አባላት የኢትዮጵያ መንግሥት የፀረ ሽብርተኝነት ሕጉን በመጠቀም ተቀባይነት ያላቸውና ሰላማዊ ተቃዋሚዎችን ከመጨቆን እንዲቆጠብ፣ ሐሳብን በነፃነት የመግለጽና የመደራጀት መብት ላይ የሚጥለውን ገደብ እንዲያነሳ አሳስበዋል፡፡

    የውጭ ጉዳይ ሚኒስቴር ግንቦት 10 ቀን 2009 ዓ.ም. ለሪፖርተር በላከው መግለጫ፣ ኢትዮጵያ ከኅብረቱ ጋር ያላትን ግንኙነት እየተጠናከረ ባለበት ወቅት  ፓርላማው ግንቦት 10 ቀን 2009 ዓ.ም. ያወጣው መግለጫ የኢትዮጵያ ወቅታዊ ሁኔታ ካልተገነዘቡ አባላቱ ዕይታ በመነሳት የተሰጠ እንደሆነ ገልጿል፡፡ ‹‹የፓርላማው መግለጫ ሕገ መንግሥታዊ ሥርዓትን ለማሳነስ ከመሞከር የዘለለ ፋይዳ የለውም፤›› ሲልም ያትታል፡፡

    መግለጫው በመጨረሻም፣ ‹‹ሰላምና መረጋጋት እንዲሰፍን፣ እንዲሁም ሕዝቡ የልማቱ ተጠቃሚ እንዲሆንና የሕዝቡን ጥያቄ ለመመለስ በመንግሥት በኩል ጥረት እየተደረገ ባለበት ወቅት መግለጫው መውጣቱ፣ በኢትዮጵያና በአውሮፓ ኅብረት መካከል ላለው የትብብር መንፈስ ገንቢ አይደለም፡፡ በሕግ ጥላ ሥር ያሉ ወገኖችን በተመለከተ የተሰጠው አስተያየትም የኢትዮጵያን የፍትሕ አካሄድና ሥርዓት ያላገናዘበ ነው፡፡ በመሆኑም የኅብረቱ ፓርላማ መግለጫ በአገራችን የዕድገት ጎዳና ላይ ትርጉም ያለው ተፅዕኖ የሚያሳድር ባይሆንም፣ ኢትዮጵያ ከአውሮፓ ኅብረት ጋር እያሳየች ላለችው ስትራቴጂያዊ ግንኙነት የሚመጥን በመከባበር፣ በጋራ ጥቅም፣ በእኩልነት ላይ የተመሠረተና የአገራችንን ወቅታዊ ሁኔታ ያገናዘበ አመለካከት እንዲሰፍን በተጠናከረ መልኩ ከኅብረቱ ጋር ምክክር ትቀጥላለች፤›› ሲል አብራርቷል፡፡

    ይህ በዚህ እንዳለ 14 የአሜሪካ ሴናተሮች በጋራ ባወጡት መግለጫ፣ የኢትዮጵያ መንግሥት የተቃዋሚዎችን መብት እንዲያከብርና ማዋከቡን እንዲያቆም ጠይቀዋል፡፡ በሴናተሮች ቤን ካርዲንና ማርኮ ሩቢዮ የሚመራው ቡድን የፀጥታ ኃይሎች ከዓመት በፊት በነበረው ከፍተኛ ፀረመንግሥት የተቃውሞ እንቅስቃሴ የወሰዱት ዕርምጃ ተመጣጣኝ ስለመሆኑ ወይም አለመሆኑ በተዓማኒ አካል እንዲጣራ ጠይቀዋል፡፡ ሴናተሮቹ በመግለጫቸው፣ ‹‹በፀረ ሽብርተኝነት ላይ ከኢትዮጵያ ጋር በአጋርነት እንሠራለን ማለት የገዛ ሕዝቦቿን መብት ስትጥስ ዝም እንላለን ማለት አይደለም፤›› ብለዋል፡፡ መንግሥት የፖለቲካ ምኅዳሩን እንዲያሰፋም በአፅንኦት አሳስበዋል፡፡ 

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...