Sunday, August 7, 2022
ሌሎች ዓምዶች
    - Advertisement -
    - Advertisement -
    ዜናኦፌኮ ዓርማው ላልተፈለገ ዓላማ እየዋለበት እንደሆነ አስታወቀ

    ኦፌኮ ዓርማው ላልተፈለገ ዓላማ እየዋለበት እንደሆነ አስታወቀ

    ቀን:

    ሰሞኑን በኦሮሚያ ክልል የተለያዩ ሥፍራዎች በተደረጉ ሰላማዊ ሠልፎች ላይ የፓርቲውን ዓርማ ይዘው በማውለብለብና ፎቶ በመነሳት የተከናወኑ ተግባራት፣ የኦሮሞ ፌዴራሊስት ኮንግረስን (ኦፌኮ) እንደማይወክሉ ፓርቲው አስታወቀ፡፡

    ፓርቲው ይህን ያስታወቀው ዓርብ ጥቅምት 10 ቀን 2010 ዓ.ም. ስድስት ኪሎ አካባቢ በሚገኘው የኢትዮጵያ ፌዴራላዊ አንድነት መድረክ (መድረክ) ዋና ጽሕፈት ቤት ውስጥ በሰጠው ጋዜጣዊ መግለጫ ወቅት ነው፡፡

    ሕዝቡ የመንግሥት የሥልጣን ምንጭ መሆኑን ተረድቶ መብቱን ለማስከበር የሚያደርገው ሰላማዊ ትግል፣ ፓርቲው ከሚያራምደው የሰላማዊ ትግል ሥልት ጋር የሚጣጣም መሆኑን የፓርቲው መግለጫ ያትታል፡፡

    ምንም እንኳን የሕዝቡን እንቅስቃሴ የሚደግፍ ቢሆንም፣ ‹‹ጥቂት በሚባሉ ቦታዎች ላይ በሰው ሕይወትና በንብረት ላይ ጉዳት መድረሱ አሳዝኖናል፡፡ እጅግ በወረደ ሁኔታ ደግሞ የፓርቲያችንን ዓርማ በመያዝና በማውለብለብ ፎቶግራፍ ይነሳሉ፤›› በማለት ዓርማውን የሚያውለበልቡት ግለሰቦች ከፓርቲው ጋር ግንኙነት እንደሌላቸው አስታውቋል፡፡

    ‹‹ከዚህ በተጨማሪም ሰዎች ስለሚይዙት ዓርማ ሚዛናዊ አስተያየት ቢኖረንም፣ የፓርቲያችንን ህልውና ለመፈታተን ዶክመንተሪ ፊልም ሊሠራበት እንደሆነ ከሚደርሱን መረጃዎች ለማወቅ ችለናል፤›› በማለት፣ በኦሮሚያ ክልል በተካሄዱ ሠልፎች የፓርቲው ዓርማ መውለብለቡ ፓርቲው ላይ ጉዳት ለማድረስ የተደረገ ሴራ እንደሆነ እንደሚገነዘብ አስታውቋል፡፡

    ይህን ተግባር የሚፈጽሙት ግለሰቦች ቁጥራቸው ቀላል የሚባል ስላልሆነ፣ ኅብረተሰቡ ለወደፊት ከእንደዚህ ዓይነት ሥውር እንቅስቃሴዎች ራሱን እንዲጠብቅ ጥሪ አስተላልፏል፡፡

    ከዚህ በተጨማሪም መንግሥት ለሕዝቡ ጥያቄዎች ትኩረት በመስጠት በአገሪቱ ውስጥ የሚገኙ የፖለቲካ እስረኞች ሁሉ እንዲፈቱ፣ ዜጎች በየትኛውም የአገሪቱ ክልል ላይ ሠርተው መኖር ይችሉ ዘንድ ሕገ መንግሥታዊ መብታቸው እንዲከበርላቸውና መፈናቀል እንዲቆም፣ በግፍ ለተገደሉ ዜጎች ቤተሰቦች ጉማ ወይም የደም ካሳ እንዲከፈላቸው ፓርቲው ጥያቄውን አቅርቧል፡፡

    ኦፌኮ የአራት ፓርቲዎች ስብስብ የሆነው የመድረክ አባል ፓርቲ ሲሆን፣ በስብስቡ ውስጥ ያሉት ሌሎች ፓርቲዎች የኢትዮጵያ ሶሻል ዴሞክራሲ ፓርቲ (ኢሶዴፓ)፣ አረና ትግራይ ለዴሞክራሲና ሉዓላዊነት (አረና)፣ እንዲሁም የሲዳማ አርነት ንቅናቄን (ሲአን) ናቸው፡፡  

     

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...