Saturday, August 13, 2022
ሌሎች ዓምዶች
    - Advertisement -
    - Advertisement -
    ማኅበራዊበዕርዳታ ላይ የሚደረግ የበጀት ቅነሳ በአፍሪካ የተከሰተውን ረሃብ ያባብሰዋል

    በዕርዳታ ላይ የሚደረግ የበጀት ቅነሳ በአፍሪካ የተከሰተውን ረሃብ ያባብሰዋል

    ቀን:

    በአፍሪካ ከ70 ዓመታት በፊት ወዲህ ታጥቶ የማይታወቀውን ድርቅና ረሃብ ለመታደግ የዕርዳታ ሰጪዎች ዕርጥባን ወሳኝ ቢሆንም፣ ሰብአዊ አገልግሎት ላይ ለሚሠሩ ድርጅቶች የሚደረግን የበጀት ድጎማ መቀነስ ሊነገር የማይችል ቀውስ እንደሚመጣ በአፍሪካ የዓለም ምግብ ፕሮግራም አስታውቋል፡፡

    የአሜሪካ ፕሬዚዳንት ዶናልድ ትራምፕ ለውጭ አገሮች ከሚውለው በጀት የ10 ቢሊዮን ዶላር ቅነሳ ለማድረግ ያቀረቡትን ምክረ ሐሳብ ተከትሎ መግለጫ የሰጡት በአፍሪካ የዓለም ምግብ ፕሮግራም ቃል አቀባይ ዴቪድ ኦር እንዳሉት፣ አሜሪካ ለውጭ ዕርዳታ የምታውለውን በጀት ከቀነሰች ማናቸውም የተባበሩት መንግሥታት ድርጅት (ተመድ) ኤጀንሲዎችም ሆኑ ሌሎች ዕርዳታ ድርጅቶች ተጎጂ ይሆናሉ፡፡

    ሲሲቲቪ እንደዘገበው፣ አሜሪካ የዓለም አቀፍ የምግብ ፕሮግራም ትልቋ ረጂ ስትሆን ዓምና ብቻ ከሁለት ቢሊዮን ዶላር በላይ ለግሳለች፡፡ ይህም ከድርጅቱ አጠቃላይ በጀት 24 በመቶ ያህል ነው፡፡ ተመድ በደቡብ ሱዳን፣ሶማሊያ፣ በናይጀሪያና በየመን ለሚያከናውነው ዕርዳታ ከ5.6 ሚሊዮን ዶላር በላይ የሚያስፈልገው ሲሆን፣ ድርጅቱ ያገኘው ዕርዳታ ግን 90 ሚሊዮን ዶላር ብቻ ነው፡፡

    በማንኛውም ዕርዳታ ላይ የሚደረግ የበጀት ቅነሳ በድርቅና በረሃብ በተጎዱት አገሮች ሕዝቦች ላይ ከባድ ሰቆቃ ያስከትላል ያሉት ኦር፣ ሰዎች በረሃብ እየሞቱ መሆኑን አስገንዝበዋል፡፡

    በደቡብ ሱዳን 100 ሺሕ ሰዎች እየተራቡ ሲሆን፣ በሶማሊያ በተፈጸመው ሳምንታ በ24 ሰዓት ውስጥ ብቻ 110 ሰዎች በረሃብ ሞተዋል፡፡ 120 ሺ ናይጀሪያውያን ደግሞ ቦኮ ሃራም በፈጠረው ቀውስ በረሃቡ ተጠቂ ሆነዋል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የታላቁ የኢትዮጵያ ህዳሴ ግድብ ሁለተኛው ተርባይን ኃይል ማመንጨት ጀመረ

    ሦስተኛ ዙር ሙሌት በዛሬው ዕለት እንደሚጠናቀቅ ይጠበቃል የታላቁ የኢትዮጵያ ህዳሴ...

    የክላስተር አደረጃጀት ፖለቲካዊ ውዝግብ

    መንግሥት የደቡብ ብሔር ብሔረሰቦችና ሕዝቦች ክልል ይባል የነበረውን አደረጃጀት...

    በወለድ ነፃ የባንክ አገልግሎት የተሰበሰበው ከፍተኛ ሀብት ጥቅም ላይ እየዋለ አይደለም ተባለ

    በኢትዮጵያ ከወለድ ነፃ የባንክ አገልግሎት የተሰበሰበው የተቀማጭ ገንዘብ መጠን...