Monday, August 8, 2022
ሌሎች ዓምዶች
    - ማስታወቂያ -
    - ማስታወቂያ -

    የአትክልት ተራ – ምኒልክ አደባባይ – ውቤ በረሃ መንገድ በቀናት ውስጥ ለትራፊክ ክፍት ሊሆን ነው

    - ማስታወቂያ -

    ተዛማጅ ፅሁፎች

    የአቡነ ጴጥሮስ ሐውልትን ወደነበረበት ለመመለስ ጥረት መጀመሩ ተገልጿል

    በቀላል ባቡር ግንባታ ምክንያት ከሁለት ዓመታት በላይ አገልግሎት መስጠት አቁሞ የነበረው ከአትክልት ተራ – አቡነ ጴጥሮስ – ምኒልክ አደባባይ – ውቤ በረሃ መንገድ እንደ አዲስ ተገንብቶ በመጠናቀቁ፣ በዚህ ሳምንት ውስጥ ሙሉ በሙሉ ለትራፊክ ክፍት እንደሚደረግ የአዲስ አበባ ከተማ መንገዶች ባለሥልጣን አስታወቀ፡፡

    አገር በቀል የሥራ ተቋራጭ የሆነው የአሰር ኮንስትራክሽን ምክትል ዋና ሥራ አስኪያጅ ኢንጂነር ሚካኤል አብርሃ የግንባታውን አፈጻጸም አስመልክቶ ለአዲስ አበባ ከተማ መንገዶች ባለሥልጣን እንዳስታወቁት፣ ሥራ ተቋራጩ ለግንባታው ውል ከፈረመ ጀምሮ የትራፊኩን እንቅስቃሴ ወደነበረበት ለመመለስ በሙሉ አቅም ጥራቱን በጠበቀ ደረጃ ለመሥራት ችሏል፡፡

    ፕሮጀክቱ በአጠቃላይ በ460 ሜትር ርዝመትና በ40 ሜትር ስፋት የተከናወነ ነው፡፡ ኢንጂነር ሚካኤል አክለው እንደገለጹት፣ የግንባታ ሥራው በሁለት ክፍል ተከፍሎ የተካሄደ ሲሆን፣ በኅዳር 2007 ዓ.ም. መጀመሪያ ሳምንት ግንባታው የተጀመረው የአትክልት ተራ – አቡነ ጴጥሮስ – ምኒልክ አደባባይ ሙሉ ለሙሉ አስፓልት የማልበስ ሥራ ተጠናቋል፡፡ ሌላው የግንባታው ክፍል የሆነው ከምኒልክ አደባባይ – ደጃች ውቤ የመንገድ ሥራ ታኅሳስ ወር መጨረሻ ተጀምሮ በተያዘው ሳምንት ውስጥ ሙሉ በሙሉ የአስፓልት ማንጠፍ ሥራው ተጠናቆ ለተገልጋዮች ክፍት እንደሚሆን ታውቋል፡፡

    የፕሮጀክቱ ሥራ ሲጠናቀቅ በባቡር ግንባታ ምክንያት ተነስቶ የነበረው የአቡነ ጴጥሮስ ሐውልት ከሚመለከታቸው የባህልና ቱሪዝም፣ ከአማካሪ ድርጅትና ከምድር ባቡር ኮርፖሬሽን የጋራ ኮሚቴ ተቋቁሞ ወደነበረበት ለመመለስ የሚያስችል ሥራ እየተከናወነ መሆኑ ተገልጿል፡፡ ዩናይትድ ኮንሰልቲንግ የቁጥጥርና የማማከር ሥራውን እያከናወነ ሲሆን፣ በአጠቃላይ ለመንገዱ ሥራ ከ84 ሚሊዮን ብር በላይ ውል የተገባበት ዋጋ መሆኑን፣ ከኢንጂነር ሚካኤል ገለጻ ለመረዳት ተችሏል፡፡

    ከአትክልት ተራ እስከ ደጃች ውቤ ያለውን የመንገድ ግንባታ እስከ መጋቢት መጨረሻ ድረስ ለማጠናቀቅ ተቋራጩ ውል የፈጸመበት ነው ተብሏል፡፡ በቀጣይ ተጨማሪ ሥራዎች የሆኑትን ከማስተር ፕላን ጽሕፈት ቤት ጋር በመነጋገር የታክሲና የአውቶቡስ መናኸሪያ እንዲሁም የአረንጓዴ ቦታ እንደሚገነባ ባለሥልጣኑ አስታውቋል፡፡ ለዚህ ማስፈጸሚያ በአጠቃላይ 113 ሚሊዮን ብር መያዙንና ተጨማሪ ሥራዎችን ጨምሮ በተያዘው ዓመት መጨረሻ ድረስ ለማጠናቀቅ መታቀዱን፣ የአዲስ አበባ ከተማ መንገዶች ባለሥልጣን ዋና ሥራ አስኪያጅ ኢንጂነር ፍቃዱ ኃይሌ ከተቋራጩ ጋር ውል በገቡበት ወቅት መግለጻቸው የሚታወስ ነው፡፡

        

     

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች