Sunday, August 14, 2022
ሌሎች ዓምዶች
    - Advertisement -
    - Advertisement -
    ስፓርትፊፋ እና ካፍ የአፍሪካን እግር ኳስ ለማሳደግ ተስማሙ

    ፊፋ እና ካፍ የአፍሪካን እግር ኳስ ለማሳደግ ተስማሙ

    ቀን:

    የአፍሪካ እግር ኳስን ወደ ተሻለ የዕድገት ደረጃ ለማድረስ የዓለም አቀፍ እግር ኳስ ማኅበር (ፊፋ) እና የአፍሪካ እግር ኳስ ኮንፌዴሬሽን (ካፍ) በቁርኝት ለመሥራት ተስማሙ፡፡
    በኢኳቶሪያል ጊኒ የተካሄደውና በአይቮሪኮስት አሸናፊነት በተጠናቀቀው የአፍሪካ ዋንጫ አጋጣሚ ፊፋ እና ካፍ ስምምነት ላይ የደረሱት በቴክኖሎጂና ትምህርት፣ የተጫዋቾች ልምምድ፣ በዳኝነት ሕጋዊ ፈቃድና ዕድገት፣ በተጫዋቾች ሕጋዊ የአመዘጋገብ ዋስትና አመራርና በስፖርት የሕክምና ዕድገትን እንቅስቃሴን ላይ መሆኑን ካፍ በድረ ገጹ አስፍሮታል፡፡
    የሁለቱ ተቋማት ስምምነት ተከትሎ በተሰጠው ጋዜጣዊ መግለጫ፣ አዘጋጅዋ ኢኳቶሪያል ጊኒና ጋና ባደረጉት ጨዋታ ስለተፈጠረው ውዝግብ የፊፋ ፕሬዚዳንት ሴፕ ብላተር ተጠይቀው፣ ‹‹በአጠቃላይ ኃላፊነቱን መውሰድ ያለበት ካፍ ነው፤›› ብለዋል፡፡ የካፍ ፕሬዚዳንት ኢሳ ሐያቱ በበኩላቸው፣ ‹‹የተፈጠረውን ግጭት ተከትሎ ውሳኔ የተሰጠው በደንቡ መሠረት ነው፤›› በማለት መልስ ሰጥተዋል፡፡
    የ30ኛ አፍሪካ ዋንጫን ከ23 ዓመት በኋላ ያነሳችው የምዕራብ አፍሪካዋ አይቮሪኮስት ተጋጣሚዋን ጋናን በ9 ለ8 መለያ ምት በማሸነፍ ነው፡፡ ሁለተኛ ደረጃን ይዛ ያጠናቀቀችው ጋና ከ33 ዓመት በፊት ከ13ኛው አፍሪካ ዋንጫ አዘጋጅዋ ሊቢያ ጋር ተገናኝታ በተመሳሳይ ሁኔታ በመለያ ምት ማሸነፏ ይታወሳል፡፡
    በአፍሪካ ዋንጫ ታሪክ ስድስት ጊዜ በማሸነፍ ግብፅ ስትመራ፣ ጋናና ካሜሮን በተመሳሳይ ሁኔታ አራት አራት ጊዜ አሸናፊ ሆነዋል፡፡ ናይጄሪያ ደግሞ ሦስት ጊዜ በማሸነፍ ትከትላለች፡፡

     

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...