Tuesday, August 16, 2022
ሌሎች ዓምዶች
    - ማስታወቂያ -
    - ማስታወቂያ -

    የኢጋድ ቢዝነስ ፎረም ዓለም አቀፍ የግልግል ዳኝነት በጂቡቲ እንዲከፈት ወሰነ

    - ማስታወቂያ -

    ተዛማጅ ፅሁፎች

    የምሥራቅ አፍሪካ የልማት በይነ መንግሥት ድርጅት (ኢጋድ) ዓለም አቀፍ የግልግል ዳኝነት በጂቡቲ እንዲቋቋም ባለፈው ሳምንት ባካሄደው ጠቅላላ ጉባዔው ወሰነ፡፡

    የበይነ መንግሥቱ ቢዝነስ ፎረም ጠቅላላ ጉባዔ አባላት የኢትዮጵያ፣ የኬንያ፣ የጂቡቲ፣ የሱማሊያ፣ የሱዳን፣ የደቡብ ሱዳንና ኡጋንዳ የንግድ ምክር ቤቶች ናቸው፡፡

    ቢዝነስ ፎረሙ ጉባዔ ባለፈው ሳምንት ለአምስተኛ ጊዜ የተካሄደ ነው፡፡ ዓለም አቀፍ የንግድ ተቋማትና የውጭ ኢንቨስተሮች የግል ችግር አፈታት ዘዴዎችን ማለትም እንደ የግልግል ዳኝነት የመሳሰሉትን መጠቀም የሚፈልጉ በመሆኑ፣ ዓለም አቀፍ የግልግል ዳኝነት ማዕከልን በማቋቋም የኢጋድ አባል አገሮችን እንዲያገለግል ማድረግ ተገቢ ነው በማለት ባወጣው የውሳኔ ሐሳብ አስታውቋል፡፡

    የጂቡቲ የንግድ ምክር ቤት የግልግል ዳኝነቱን በማዋቀር እንዲሳተፍና የማዕከሉም መቀመጫ በጂቡቲ እንዲሆን ተወስኗል፡፡

    የጂቡቲ ንግድ ምክር ቤት ፕሬዚዳንት ሙሳ ደዋሌ ለሪፖርተር እንደገለጹት፣ የግልግል ዳኝነቱ መቋቋም ለአፍሪካ ቀንድ አካባቢ አገሮች የቢዝነስ ከባቢ በጐ አስተዋጽኦ እንደሚኖረውና ዓለም አቀፍ የንግድ አንቀሳቃሾችና የውጭ ኢንቨስተሮች በኢጋድ አካባቢ ኢንቨስት ለማድረግ ያበረታታቸዋል፡፡

    ጠቅላላ ጉባዔው ባስተላለፈው ውሳኔ መሠረትም የኢጋድ ቢዝነስ ፎረም በኢጋድ አገሮች ዕውቅና እንዲኖረውና የሚያሳልፋቸው ውሳኔዎችም በመንግሥታቱ ተቀባይነት የሚኖራቸው ሲሆን፣ ተግባራዊ እንዲሆኑ መሠራት አለበት ብሏል፡፡

    ይህንንም እውን ለማድረግ አንድ ኮሚቴ ያቋቋመ ሲሆን፣ ኮሚቴው ከሁሉም የአካባቢው አገሮች የንግድ ምክር ቤት የሚወከሉ፣ እንዲሁም የኢጋድ ሴክሬተሪያትና የፓን አፍሪካ ንግድ ምክር ቤት የሚወከሉበት መሆኑ ታውቋል፡፡

    ይህ በእንዲህ እንዳለ የኢትዮጵያ ንግድና ዘርፍ ማኅበራት ምክር ቤት  ፕሬዚዳንት አቶ ሰለሞን አፈወርቅ፣ ከጂቡቲ አቻቸው ሙሳ ደዋሌ ጋር የትብብር የመግባቢያ ስምምነት ተፈራርመዋል፡፡

    ስምምነቱ የጂቡቲ ኢንቨስተሮችን የኢትዮጵያ ንግድ ምክር ቤት ለማገልገል፣ በተመሳሳይም የጂቡቲ ንግድ ምክር ቤት በጂቡቲ የኢትዮጵያውያን ባለሀብቶችን ችግር ለመቅረፍ ያስችላል ተብሏል፡፡

     

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች