Tuesday, August 16, 2022
ሌሎች ዓምዶች
    - Advertisement -
    - Advertisement -
    ዜናኢትዮጵያ ከግብፅና ከሱዳን ጋር በካርቱም እየመከረች ነው

    ኢትዮጵያ ከግብፅና ከሱዳን ጋር በካርቱም እየመከረች ነው

    ቀን:

    ጥናት የሚያደርጉ ድርጅቶችን ይመርጣሉ

    የታላቁ የኢትዮጵያ ህዳሴ ግድብን በተመለከተ ሁለት የተፅዕኖ ሥጋቶችን ለማጥናት በተስማሙት መሠረት የኢትዮጵያ፣ የግብፅና የሱዳን ሚኒስትሮችና ባለሙያዎች ጥናቱን ለማካሄድ የቀረቡ ድርጅቶችን ለመምረጥ ካርቱም ላይ ተገናኝተው እየመከሩ ነው፡፡

    በሱዳን ካርቱም እየተካሄደ የሚገኘውን ስብሰባ የሦስቱ አገሮች የውኃ ሚኒስትሮችና የውጭ ጉዳይ ሚኒስትሮች በጋራ ከፍተውታል፡፡ በሚኒስትሮቹ የመክፈቻ ሥነ ሥርዓት አቅጣጫ ከተሰጠ በኋላ በሦስቱ አገሮች የተቋቋመው የጋራ ኮሚቴ ከሐሙስ ጀምሮ ዝግ ስብሰባ በማድረግ፣ የቴክኒክና የፋይናንስ ፕሮፖዛላቸውን ካቀረቡ አራት ኩባንያዎች መካከል አንድ ወይም ሁለት ኩባንያዎችን እንደሚመርጡ ይጠበቃል፡፡

    ኩባንያዎቹ ለሦስቱም አገሮች ፕሮፖዛላቸውን ያቀረቡ ሲሆን፣ አገሮቹ በባለሙያዎቻቸው አማካይነት የተናጠል ግምገማ ማድረጋቸውን የኢትዮጵያ ውኃ፣ መስኖና ኢነርጂ ሚኒስቴር የወሰንና ወሰን ተሻጋሪ ወንዞች ዳይሬክቶሬት ዳይሬክተር የሆኑት አቶ ተሾመ አጥናፉ ለሪፖርተር ገልጸዋል፡፡

    ከአራቱ ኩባንያዎች መካከል ሁለቱ የፈረንሣይ ኩባንያዎች ቢአርኤል ኢንጂነርስና አርቴል ዴልታረዝ የሚባሉ ናቸው፡፡ ከተቀሩት ኩባንያዎች መካከል ስሜክ የተባለው የኔዘርላንድ ኩባንያና አንድ የአውስትራሊያ ኩባንያ ናቸው፡፡

    ቢአርኤል ኢንጂነርስ በኃይድሮ ኢንጂነሪንግ የማማከርና የዲዛይን ፕሮጀክቶችን በመሥራት በዓለም ደረጃ የታወቀ ነው፡፡ ይህ ኩባንያ ዋና መቀመጫው በፈረንሣይ  ሲሆን፣ በ80 አገሮች የተለያዩ ፕሮጀክቶችን ከዓለም ባንክ፣ ከአፍሪካ ልማት ባንክ፣ ከስዊድንና ከጀርመን ልማት ባንኮች ጋር በመሆን እንዳከናወነ ለማወቅ ተችሏል፡፡ ኢትዮጵያን ጨምሮ በበርካታ የአፍሪካ አገሮች የሚንቀሳቀስና ከአጠቃላይ ገቢውም 20 በመቶ የሚሆነውን የሚያገኘው በአፍሪካ ከሚገኙ ፕሮጀክቶች መሆኑን ለማወቅ ተችሏል፡፡

    ሦስቱ አገሮች ያቋቋሙት የጋራ ኮሚቴ እስከ መጪው እሑድ ድረስ በመምከር ሊጠኑ የተፈለጉትን ሁለት ጥናቶች በጋራ ማጥናት የሚችል አንድ ኩባንያ ወይም በተናጠል ለማጥናት ሁለት ኩባንያዎችን ይመርጣል ተብሎ ይጠበቃል፡፡ ይህ ከሆነ በቀጣዮቹ ሳምንታት የኮንትራት ፊርማ በአዲስ አበባ ይከናወናል ተብሎ ይጠበቃል፡፡

    ሦስቱ አገሮቹ በጋራ እንዲያጠኗቸው በዓለም አቀፍ ባለሙያዎች የተሰጠው ምክረ ሐሳብ ሁለት ሲሆን፣ አንደኛው የህዳሴው ግድብ በተለያዩ የዝናብ ወቅቶች የሚሞላበትና የሚለቀቅበት ሞዴል (ኃይድሮ ሲሙሌሽን ሞዴል) ነው፡፡ ሁለተኛው ደግሞ ግድቡ በታችኛው የተፋሰሱ አገሮች ላይ ማለትም በግብፅና በሱዳን ላይ ሊያስከትል የሚችለው ማኅበራዊና ኢኮኖሚያዊ ተፅዕኖን የሚመለከት ነው፡፡

      

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...