Thursday, August 18, 2022
ሌሎች ዓምዶች
    - Advertisement -
    - Advertisement -
    ማኅበራዊጃፓን በጋምቤላ የሚገኙ ስደተኞችን ለመርዳት ከ11 ሚሊዮን ዶላር በላይ ለገሰች

    ጃፓን በጋምቤላ የሚገኙ ስደተኞችን ለመርዳት ከ11 ሚሊዮን ዶላር በላይ ለገሰች

    ቀን:

    ጃፓን በጋምቤላ ክልል የሚገኙ የደቡብ ሱዳን ስደተኞችንና የአካባቢውን ነዋሪዎች ለመርዳት የሚውል 11.8 ሚሊዮን ዶላር ለገሰች፡፡

    ገንዘቡን በጋምቤላ ክልል በስደተኞቹ ዙሪያ የሚሠሩት የተባበሩት መንግሥታት ድርጅት የስደተኞች ጉዳይ ከፍተኛ ኮሚሽን፣ የዓለም ጤና ድርጅትና የዓለም ምግብ ፕሮግራም የሚካፈሉት ሲሆን ለመጠለያ ግንባታ፣ ለሕክምና፣ ለትምህርትና ለምግብ አቅርቦት ይውላል፡፡

    5.8 ሚሊዮን ዶላሩ ለስደተኞች ጉዳይ ከፍተኛ ኮሚሽን የሚውል ሲሆን፣ አምና  በጎርፍ ከተጠቃው ሌችሆር ካምፕ የተፈናቀሉ 50,000 ደቡብ ሱዳናውያን ስደተኞችን ለማስፈር አዲስ ለሚገነባው ጃዊ ካምፕ ግንባታ የሚውል ይሆናል፡፡

    መጋቢት 16 ቀን 2007 ዓ.ም. ልገሳው በኢትዮጵያ የጃፓን ኤምባሲ ይፋ ሲሆን ኮሚሽኑ እንዳስታወቀው፣ ዕርዳታው በካምፖቹ የተጠለሉትን ስደተኞችና በአካባቢው የሚኖሩትን ከጾታዊ ጥቃት ለመከላከል፣ ለትምህርት፣ ለጤና እንዲሁም ከለላ ለመስጠት ይውላል ብሏል፡፡

    አምስት ሚሊዮን ዶላሩ ለዓለም አቀፉ የምግብ ድርጅት ተግባራት የሚውል ነው፡፡ ይህም ድርጅቱ በየወሩ የምግብ ድጋፍ ለሚያደርግላቸው 240,000 ስደተኞችና ተማሪዎች የምግብ አቅርቦት ይውላል፡፡

    አንድ ሚሊዮን ዶላር ያገኘው የዓለም ጤና ድርጅት ደግሞ ተላላፊና ተላላፊ ላልሆኑ በሽታዎች ክትባትና መድኃኒት የሚያውለው መሆኑ ታውቋል፡፡ በጋምቤላ በሚገኙ የስደተኛ ካምፖች 250,000 የደቡብ ሱዳን ስደተኞች ይገኛሉ፡፡ በኢትዮጵያ በአሁኑ ሰዓት የ676,000 ስደተኞች መጠለያ ስትሆን፣ ይህም በአፍሪካ ከሚገኙ አገሮች ከፍተኛውን የስደተኞች ቁጥር በማስተናገድ ቀዳሚ ያደርጋታል፡፡

     

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...