Tuesday, August 16, 2022
ሌሎች ዓምዶች
    - Advertisement -
    - Advertisement -
    ስፓርትየወልዲያ ከተማ እግር ኳስ ክለብ 5,000 ብር ተቀጣ

    የወልዲያ ከተማ እግር ኳስ ክለብ 5,000 ብር ተቀጣ

    ቀን:

     የኢትዮጵያ እግር ኳስ ፌዴሬሽን የዲሲፕሊን ኮሚቴ በወልዲያ ከተማ እግር ኳስ ክለብ ላይ የ5,000 ብር የገንዘብ ቅጣት ውሳኔ አስተላለፈ፡፡ ኮሚቴው ሰሞኑን ባካሄደው ስብሰባ መጋቢት 13 ቀን 2007 ዓ.ም. የወልዲያ ከተማና ደደቢት እግር ኳስ ክለቦች በወልዲያ ከተማ ጨዋታቸውን ባካሄዱበት ወቅት የተፈጸመውን ከስፖርታዊ ጨዋነት የወጣ ሕገወጥ ድርጊት በተመለከተ ከዳኞችና ከታዛቢ የቀረቡለትን ሪፖርቶች ከመረመረ በኋላ በክለቡ ላይ የገንዘብ ቅጣት ውሳኔ ማስተላለፉን ገልጿል፡፡

    የወልዲያ ከተማና የደደቢት እግር ኳስ ክለቦችን ጨዋታ የመሩት ዳኞችና ታዛቢው ባቀረቡት ሪፖርት መሠረት፣ አንድ የወልዲያ ከተማ እግር ኳስ ክለብ ተጨዋች በ50ኛው ደቂቃ በሁለተኛ ቢጫ ካርድ ከሜዳ መወገዱን ተከትሎ የከተማው እግር ኳስ ክለብ ደጋፊዎችና ተመልካቾች ወደ ሜዳ ጥሰው በመግባት የፕላስቲክ ጠርሙሶችንና ድንጋይ በመወርወር ከስፖርታዊ ጨዋነት ተፃራሪ የሆነ ጥፋት ፈጽመዋል፡፡ በዚህም ምክንያት ጨዋታው ለ19 ደቂቃዎች ያህል የተቋረጠ መሆኑን ለማወቅ ተችሏል፡፡ በተጨማሪም በ86ኛው ደቂቃ ረዳት ዳኛው ባሳዩት ምልክት ከጨዋታ ውጭ በሆነ የወልዲያ ከተማ ተጨዋች ምክንያት ዳኛው የፊሽካ ድምፅ በማሰማት ጨዋታው በቅጣት ምት እንዲቀጥል ውሳኔ በመስጠት ላይ እያሉ የተመታ ኳስ መረብ ውስጥ ማረፉን ተከትሎ በድጋሚ ተመሳሳይ ረብሻና ሁከት በመቀስቀሱ ጨዋታው ከ12 ደቂቃዎች በላይ እንደገና ለመቋረጥ የተገደደበት ሁኔታ መፈጠሩም የፌዴሬሽኑ መገለጫ አመልክቷል፡፡

    የዲሲፕሊን ኮሚቴው በቅጣት ውሳኔው ላይ እንዳሰፈረው፣ ጨዋታው ደጋፊዎችና ተመልካቾች በቀሰቀሱት ረብሻ ምክንያት ሁለት ጊዜ ቢቋረጥም የወልዲያ ከተማ እግር ኳስ ክለብ የአመራር አባላት የፀጥታ ኃይሎችና ተጨዋቾች ተመልካቹን ለማረጋጋት ያደረጉት ጥረትና ተባባሪነታቸው ግን ሊመሰገን እንደሚገባው በቅጣት ውሳኔው ተካቷል፡፡ የዲስፕሊን ኮሚቴው በወልዲያ ከተማ እግር ኳስ ክለብ ላይ የብር 5,000 የቅጣት ውሳኔ ያስተላለፈው የክለብ ተጨዋቾች የአመራር አባላትና የፀጥታ ኃይሎች ደጋፊዎችን ለማረጋጋት ያደረጉትን አስተዋጽኦ ከግምት ውስጥ በማስገባት እንደሆነ ለማወቅ ተችሏል፡፡ ክለቡ የተላለፈበትን የገንዘብ ቅጣት ውሳኔ በአንድ ሳምንት ጊዜ ውስጥ መክፈል እንደሚኖርበትም የዲሲፕሊን ኮሚቴው ውሳኔ አመልክቷል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...