Thursday, August 18, 2022
ሌሎች ዓምዶች
    - Advertisement -
    - Advertisement -
    ዝንቅበናይጄሪያ የተደረገውን ፕሬዚዳንታዊ ምርጫ ተከትሎ የቡሀሪ ደጋፊዎች ደስታቸውን ሲገልጹ (ፎቶ ጋርዲያን)

    በናይጄሪያ የተደረገውን ፕሬዚዳንታዊ ምርጫ ተከትሎ የቡሀሪ ደጋፊዎች ደስታቸውን ሲገልጹ (ፎቶ ጋርዲያን)

    ቀን:

    ማንነት

    ሲነጋ… ከቆመ ዕድሜዬ ላይ አንድ ቀን ሲሸረፍ

    ልቤ በትዝታ ወዳገሬ ሲከንፍ

          ‹‹ከድህነቴ ከነመከበሬ

    ምነው እግሬን ሰብሮ ባኖረኝ አገሬ›› እልና …

          ሲነጋ… ወፎቹ ሲንጫጩ

    ደርሶ ሲንፎለፎል የተስፋዬ ምንጩ

    አገሬን ኮንኜ ሳሞግስ ስደቴን

    ሳበሸቃቅጠው ያ’ምና ስህነቴን

    ‹‹ሳልኖር እሞት ነበር…›› እልና በዕለቱ

    ሊቀር በማግሥቱ

    ሌላው ቀን ሲነጋ . . . ጨለማው ሲበራ

    ነፍሴ ስትጨነቅ መግቢያ ተቸግራ

    ብቸኝነት ማለት

    ባዕድ መሆን ማለት ሲያጋባት ግራ

    ‹‹ከወገኖቼ ጋር … ብዬ›› እጀምራለሁ

    ደግሞ በማግሥቱ እቀይረዋለሁ

    የትናንቴን ሐሳብ እጠየፈዋለሁ፡፡

    እንዲህ ነው ኑሮዬ

    በሚዋልል ስሜት … በማይነጥፍ እንባ

    መልሶ የሚፈርስ … ደግሞ ሚገነባ

    እንደዚህ ነኝ እኔ

    ርዝቅ ለመሰብሰብ ሰላሜን የበተንኩ

    ነገን ለማበጀት ዛሬዬን የበደልኩ

    እንደዚህ ነው ስደት … ከወገን መለየት

    ሐሳብ ብቻ ሳይሆን

    ማንነት ጧት ማታ የሚቀየርበት፡፡ ’

    • ብሩክታዊት ጎሳዬ ‹‹ጾመኛ ፍቅር›› (2007 ዓ.ም.)

     

    *******

    የደቡብ አፍሪካ ሚዲያ በፕሬዚዳንቱ ቢሮ የኤፕሪል ዘ ፉል ቀልድ ተታለለ

    የደቡብ አፍሪካ ፕሬዚዳንት ቢሮ ኤፕሪል ዘ ፉል ዕለት April 1 (መጋቢት 23 ቀን 2007 ዓ.ም.) ፍጹም በሌሉ የካቢኔ ቦታዎች ሹመት መካሄድን የሚገልጽ ፕሬስ ሪሊዝ ለአገሪቱ መገናኛ ብዙኃን በመላክ እንደተቀለደባቸው ሮይተርስ ዘግቧል፡፡

    አዳዲሶቹ ሹመቶች ለሕዝብ ተሳትፎ፣ ለመንገድና ትራፊክ ጉዳዮች የሚኒስትሮችን መሾምን የሚመለከት ነበር፡፡ EWN የተባለው የአገሪቱ ሚዲያ በመጀመርያ ዜናውን አስተላልፎት የነበረ ሲሆን በኋላ ግን ሚዲያው መታለሉን አስታውቋል፡፡ ተቃዋሚዎችና የፕሬዝዳንት ጃኮብ ዙማ ተቀናቃኞች ይህን የኤፕሪል ዘ ፉል ቀልድ በበጎ ተመልክተውታል፡፡

    ‹‹አስቂኝ ይመስለኛል›› ያሉት የፓርላማ አባል ሙሲ ሜማን News 24 ለተሰኘው የአገሪቱ ሚዲያ ‹‹በእያንዳንዱ የዓመቱ ቀን ይበልጥ ከምር ቢሠሩ እመኛለሁ›› ሲሉ ግን አክለው ተናግረዋል፡፡

    *******

    ስለበገና

    Harp ወይም በእኛ ቋንቋ (በገና) ጥንት የሰው ልጅ ከሚጠቀምባቸው የክር መሣሪያዎች ውስጥ በቤተ ክርስቲያን በጣም ታዋቂ የነበረ መሣሪያ ሲሆን ይህ Harp (በገና) የሚገኘው በአፍሪካና በደቡብ አሜሪካ ሲሆን ይህ መሣሪያ በአሁኑ ወቅት በኦርኬስትራ ውስጥ እያገለገለ ይገኛል፡፡ ዘመነኛው ሃርፕ ወይም በገና የሚለይበት አንዱና ዋነኛው

    • ባለ 45 ክር መሆኑ
    • ቅኝቱ ዳያቶኒክ ላይ መሆኑ
    • ድምፁን ለማወፈርና ለማቅጠን ባለ 7 ፔዳል መሆኑ
    • በተጨማሪም አንዱ ፔዳል በበገና ላይ ዶ.ዶ ያሉትን ክሮችን ይወክላል ሌሎችንም በተመሳሳይ፡፡

    ፒያኖ (Piano)

    በ1700 ባርቶሎሚኦ ክሪስቶፈር በተባለ ጣሊያናዊ የተሠራ መሣሪያ ነው፡፡ ባርቶሎሚኦ ክሪስቶፈር ይህን ፒያኖ የተባለ መሣሪያ የሠራው በፊት ተሠርቶ የነበረውን Harpsichordን ለማሻሻል ሲሞክር ያገኘው ግኝት መሆኑን ታሪክ ያስረዳል፡፡ ፒያኖ ማለት ቃሉ ራሱ ለስላሳ ማለት ሲሆን፣ ፒያኖ የሚመደበው ኪቦርድ ስትሪንግ ከሚባለው የክር መሣሪያዎች ምድብ ውስጥ ነው፡፡

    • ‹‹ፀዳል የሙዚቃ ትምህርት ቤት 13ኛ ዙር የተማሪዎ ምርቃት መጽሔት 2005 ዓ.ም.››

    *******

    ጡቷን ለጉግል ካሜራ አሳልፋ የሰጠችው የ38 ዓመቷ እናት ድርጊቷ ያልተገባ ነው በሚል ተከሰሰች

    የፖርት ፓይሪ ከተማ ነዋሪ የሆነችው ይህች እናት ድርጊቱን የፈጸመችው በጉግል ማፕ ድረ ገጽ ላይ ራሷን ለማሳየት ካላት ጉጉት የተነሳ መሆኑን የእምነት ቃሏን በሰጠችበት ወቅት መናገሯን ሚረር ዘግቧል፡፡ ጉዳዩን የያዘው ፖሊስ ኦፊሰር እንዳለው የሴትዮዋ ድርጊት መታየት የሌለበትን የሰውነት አካልን በአደባባይ ከማሳየት አይተናነስም ማኅበረሰቡም ጉዳዩ በሕግ እንዲታይ ይጠብቃል፡፡ ‹‹በቅርቡ አንድ ግለሰብ ኃፍረተ ሥጋውን በአደባባይ በማሳየቱ በእስራት ላይ ይገኛል፡፡ የግለሰቧም ጉዳይ ከዚሁ አይለይም፤›› ሲል ኦፊሰሩ አክሏል፡፡

    ‹‹እንደዚህ ያሉ የሰውነት ክፍሎችን በአደባባይ ማሳየት አይቻልም፡፡ ግብረ ገብነት ሊጠበቅ ይገባል፤›› ይላል፡፡ ሚረር አስነብቧል፡፡

    ********

    እንቅልፍና የሞባይል፣ የኮምፒውተር ስክሪን

    የሞባይልና የኮምፒውተር ስክሪን ላይ ረዥም ሰዓት ማሳለፍ በተለይም ወደ አልጋ በመሄጃ ሰዓት እንቅልድፍ እንደሚነሳ ከጥቂት ሳምንታት በፊት በጥናት ይፋ ሆኗል፡፡ በሰሜን ኖርዌይ በምትገኝ ግዛት ውስጥ ዕድሜያቸው ከ16 እስከ 19 በሆኑ 10,000 ወጣቶች ላይ እ.ኤ.አ. በ2012 የተደረገውና ውጤቱ ከሳምንታት በፊት ይፋ የሆነው ጥናት ስክሪን ላይ ረዥም ጊዜ ማሳለፍ የታዳጊዎች እንቅልፍ ላይ ከፍተኛ ተፅዕኖ እንደሚያሳድር አረጋግጧል፡፡

    ለችግሩ ተጋላጭ የሆኑ ምንም እንኳ አልጋ ላይ ራሳቸውን ቢያሳርፉም እንቅልፍ ሳይወስዳቸው ረዥም ሰዓታት ለማሳለፍ ይገደዳሉ፡፡ ስክሪን ይኼን ያህል እንቅልፍ ላይ ለምን ተፅዕኖ ይኖረዋል? ለሚለው የተለያዩ ትንታኔዎች ተሰጥተዋል በጥናቱ፡፡ ቀላሉና የመጀመርያው የእንቅልፍ ሰዓት በስክሪን ያልፋል፡፡ ሁለተኛው ከስክሪኑ የሚወጣው ብርሃን አእምሮ ከእንቅልፍ ጋር በተያያዘ ቀንና ምሽት መሆንን በሚያውቅበት አሠራር ውስጥ ግጭት መፍጠር ነው፡፡ የጡንቻ መድከምና መታመም፣ ውጥረትና ራስ ምታት አስተዋጽኦ የሚያደርጉ ነገሮች መሆናቸው በጥናቱ መመልከቱን ጥናቱን ያደረገው ቡድን መሪ ማሪ ሀይሲንግ አስታውቋል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...