Tuesday, August 16, 2022
ሌሎች ዓምዶች
    - Advertisement -
    - Advertisement -
    ማኅበራዊ57 የአሜሪካ የሰላም ጓድ አባላት ቃለ መሐላ ፈጸሙ

    57 የአሜሪካ የሰላም ጓድ አባላት ቃለ መሐላ ፈጸሙ

    ቀን:

    በኢትዮጵያ የአሜሪካ አምባሳደር ፓትሪሺያ ሃስላክ መጋቢት 25 ቀን 2007 ዓ.ም. አዲስ አበባ በሚገኘው የአሜሪካ ኤምባሲ የ57 የአሜሪካ የሰላም ጓድ አባላት የቃለ መሐላ ሥነ ሥርዓት ማስፈጸማቸውን፣ የአሜሪካ ኤምባሲ አስታወቀ፡፡

    ከእነዚህ የሰላም ጓድ አባላት መካከል 33 የሚሆኑት በኅብረተሰብ ጤናና በኤችአይቪ ፕሮጀክት ላይ የሚሳተፉ ሲሆን፣ ቀሪዎቹ 24 የሰላም ጓዶች በአካባቢ ጥበቃ ፕሮጀክት ዙሪያ እንደሚንቀሳቀሱ ተገልጿል፡፡ እነዚህን አዲስ ገቢዎች ጨምሮ በአጠቃላይ በአገሪቱ በተለያዩ መስኮች በማገልገል ላይ የሚገኙትን የበጎ ፈቃደኞቹን ቁጥር ወደ 223 ከፍ ያደርገዋል ተብሏል፡፡

    በኢትዮጵያ የሚገኙ የአሜሪካ የሰላም ጓድ አባላት ከአሜሪካ መንግሥት የፕሬዚዳንቱ አስቸኳይ የኤድስ ዕርዳታ ዕቅድ (PEPFAR) ጋር በመተባበር ከ1999 ዓ.ም. ጀምሮ በኅብረተሰብ ጤና እንቅስቃሴዎች በመሳተፍ ላይ እንደሚገኙ ኤምባሲው አስታውቋል፡፡ መርሐ ግብሩ ከተጀመረበት ጊዜ ጀምሮም የትኩረት አቅጣጫው እያደገ በመምጣቱ፣ ኤችአይቪን ከመከላከልና ክብካቤና ድጋፍ ከመስጠት በተጨማሪ በውኃ፣ በፅዳትና በንፅህና መስኮች፣ በእናቶች፣ በሕፃናት ጤናና በወባ መከላከል ተግባራት የሰላም ጓዶች መሰማራታቸው ታውቋል፡፡

    በሌላ በኩል በጎ ፈቃደኞቹ እንደ የወጣቶች ካምፕ፣ የኅብረተሰብ ጤና ግንዛቤ መፍጠሪያ ዘመቻዎች፣ የገቢ ማስገኛ እንቅስቃሴዎች፣ የታችኛው የማኅበረሰብ ክፍል በእግር ኳስ ጨዋታና በኤችአይቪ ዙሪያ ግንዛቤ የመፍጠር ጥረት፣ የድርጅቶችን አቅም መገንባትና በወጣቶች ክበባት ላይ በሚንቀሳቀሱ ፕሮጀክቶች በመንቀሳቀስ ላይ ይገኛሉ ሲሉ ኤምባሲው ባወጣው መግለጫ ጠቁሟል፡፡

    በኢትዮጵያ የአሜሪካ የሰላም ጓድ የአካባቢ ጥበቃ መርሐ ግብር የተጀመረው በ2002 ዓ.ም. ነበር፡፡ ‹‹ጠንካራ አካባቢ፣ ግብርናና መተዳደሪያ (REAL)›› የተሰኘው ፕሮጀክት ከአሜሪካ ዓለም አቀፍ ልማት ኤጀንሲ (USAID) መጪውን ትውልድ መመገብ ከተሰኘ ጥረት ጋር በትብብር እየተተገበረ መሆኑን በመግለጫው ተወስቷል፡፡

    በፕሮጀክቱ በጎ ፈቃደኞቹ ከግብርና ቢሮዎች፣ የገበሬዎች ማሠልጠኛ ማዕከላት፣ የየአካባቢው የልማት ሠራተኞች ጋር በመተባበር የግለሰቦችንና የድርጅቶችን የቴክኒክ አቅም በመገንባትና የምግብ ዋስትናንና የተፈጥሮ ሀብት አያያዝን በማሻሻል ረገድ ከፍተኛ ሥራ በመሥራት ላይ እንደሚገኙም ተብራርቷል፡፡

    በተጨማሪም በጎ ፈቃደኞቹ በግብርና፣ በጤና፣ በሥነ ምግብ፣ በትምህርትና በንግዱ ዘርፎች ካሉ መሪዎች ጋር በቅርበት በመሥራት፣ የሚያገለግሉዋቸውን ማኅበረሰቦች በማስተባበር በዓለም አቀፍ ደረጃ የተጋረጠውን የምግብ ዋስትና ሥጋት አካባቢያዊ መፍትሔ እንዲሰጡ በማድረግ ላይ እንደሚገኙ ኤምባሲው በመግለጫው አስታውቋል፡፡

     

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...