Thursday, August 18, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

    [ክቡር ሚኒስትሩ ከአማካሪያቸው ጋር ቢሯቸው እያወሩ ነው]

    • ሪፖርቱን አዘጋጀህልኝ?
    • የትኛውን ሪፖርት ክቡር ሚኒስትር?
    • አጠቃላይ ሪፖርቱን ነዋ?
    • አዎን ግን ማጠቃለያው ይቀረዋል፡፡
    • በል በአፋጣኝ ይጠቃለል፡፡
    • ምነው? ምን ተፈጠረ?
    • አንድ ጉዞ ስላለኝ ከዚያ በፊት ማየት ፈልጌ ነው፡፡
    • እኔ የማላውቀው የምን ጉዞ ነው?
    • አይ ለግል ጉዳይ ነው፡፡
    • ክፍለ ሀገር ወጥተው ዘመድ ሊጠይቁ ነው እንዴ?
    • የለም ከአገር ውጭ ነው የምሄደው፡፡
    • ምነው አመመዎት እንዴ?
    • ኧረ በፍጹም ለግል ጉዳዬ ነው የምሄደው፡፡
    • በዚህ ወቅት?
    • ምን ማለት ነው በዚህ ወቅት?
    • ብዙ ሥራ ያለበት የምርጫ ወቅት ነው ብዬ ነዋ፡፡
    • ያልተጠየከውን አትዘባርቅ፡፡

    [በመሀል ጸሐፊያቸው ደወለች] 

    • ያዘዝኩሽን አስፈጸምሽ?
    • የትኛውን ክቡር ሚኒስትር?
    • የትኬቱን ጉዳይ ነዋ፡፡
    • እኔም ለእሱ ነው የደወልኩት፡፡
    • እሺ ምን አደረግሽው?
    • ሁሉም አየር መንገዶች ደወልኩኝ፡፡
    • ሴትዮ ፍሬ ነገሩን ብቻ ንገሪኝ፡፡
    • እኮ ልነግርዎት ነው፡፡
    • ቀጥዪ፡፡
    • ቢዝነስ ክላስ ቦታ የላቸውም፡፡
    • ምን ማለት ነው?
    • ቢዝነስ ክላሳቸው በሙሉ ተይዟል፡፡
    • እና?
    • ትኬቱን በኢኮኖሚ ክላስ ልቁረጠው ወይ?
    • ምን አልሽ?
    • ምን ይሻላል ታዲያ ክቡር ሚኒስትር?
    • ሚኒስትር እኮ ነኝ፡፡
    • አውቃለሁ ግን…
    • ለዚያውም የተከበርኩ፣ ክቡር ሚኒስትር፡፡
    • ክቡር ሚኒስትር በጣም ጨንቆኝ ነው የደወልኩልዎት፡፡
    • ተጨነቂ ሳይሆን ትኬት ቁረጪ ነው ያልኩሽ፡፡
    • አሁን እንደገባኝ ትኬት ከመቁረጥ ተስፋ መቁረጥ ቀላል ነው፡፡
    • ምን አልሽ?
    • ቀኑን መቀየር ይችላሉ?
    • አንቺን ማን አማካሪ አደረገሽ? የተነገረሽን አስፈጽሚ ነው የተባልሽው፡፡
    • ምን ተሻለኝ?
    • የጉዞ አበሌንስ ምን አደረግሽ?
    • ለግል ጉዳይዎት መስሎኝ የሚሄዱት?
    • ቢሆንስ?
    • ማለት መሥሪያ ቤቱ እንዴት አበል ይከፍልዎታል?
    • እኔ የምልሽ?
    • አቤት?
    • ኩምታ አስበሻል እንዴ?
    • የምን ኩምታ?
    • እኔ ሳላውቅ የእኔን ቦታ ወስደሻል ማለቴ ነው፡፡
    • እንደሱ አይደለም ክቡር ሚኒስትር፡፡
    • ዝም በይ!
    • እ…
    • ለሚመለከተው መሥሪያ ቤት ነግረሽ በአፋጣኝ አበሌን አስጨርሺ፡፡
    • እሺ፡፡
    • ያሉኝ አማካሪዎች ራሳቸው ጤና ነስተውኛልና አንቺ ራስሽን ምከሪ፡፡
    • ይቅርታ፡፡

    [ከአማካሪያቸው ጋር ማውራት ቀጠሉ] 

    • ወይ ጣጣ፡፡
    • ምነው ክቡር ሚኒስትር?
    • የሚነገራትን አትሰማም፡፡
    • እ…
    • ለማንኛውም አንተ ዶላር ፈልግ፡፡
    • የምን ዶላር?
    • ለጉዞ የሚያስፈልገኝን ነዋ፡፡
    • ዶላር እኮ የለም እየተባለ ነው፡፡
    • እኔ እኮ አለቃህ ነኝ፡፡
    • አውቃለሁ፡፡
    • የለም ለእኔ መልስ አይሆንም፡፡
    • ከየት ላምጣ ታዲያ?
    • መፈንቀል ያለብህን ጉድጓድ ሁሉ ፈንቅል፡፡
    • እሱንማ አደርጋለሁ ግን ከጠፋ ብዬ ነው፡፡
    • ብቻ አንተ ፈንቅል፡፡
    • እሺ፡፡

    [ክቡር ሚኒስትሩ ሚስታቸው ጋ ደወሉ] 

    • ጨራረስክ?
    • ኧረ ሊጨርሱኝ ነው፡፡
    • እነማ?
    • ሁሉም፡፡
    • ዶላር ተገኘ?
    • ምን ይገኛል?
    • ምን ማለት ነው?
    • ግራ ገብቶኛል እባክሽ፡፡
    • ቀረህ እንዴ?
    • እንዴት እቀራለሁ?
    • ያለዶላር ሄደህ ምን ልታደርግ ነው ታዲያ?
    • እየፈለግኩኝ ነው፡፡
    • የቀረህ እኮ ጥቂት ቀን ነው፡፡
    • አውቃለሁ ግን ምን ላድርግ?
    • ወዳጆችህ ጋ ደውላ፡፡
    • እ…
    • ለዚህ ያልደረሱልህ ለመቼ ሊደርሱልህ ነው?
    • እስቲ አንቺም ደዋውይ፡፡
    • እኔማ እየሞከርኩ ነው፡፡
    • እስቲ ይቅናሽ፡፡
    • በል ቻው፡፡

    [ክቡር ሚኒስትሩ አንድ የባንክ ፕሬዚዳንት ዘንድ ደወሉ] 

    • ጤና ይስጥልኝ ክቡር ሚኒስትር፡፡
    • እንዴት ነህ ወዳጄ?
    • ሥራ እንዴት ይዞአችኋል?
    • ተያይዘነዋል፣ እናንተስ እንዴት ናችሁ?
    • ይኸው ወጥረን ይዘናል፡፡
    • ያለፈው ስጦታችሁ ደርሶናል፡፡
    • የትኛው ስጦታ ክቡር ሚኒስትር?
    • ለ40ኛ ዓመት በዓላችን የላካችሁት፡፡
    • ኧረ ከዚህም በላይ ብናደርግ ደስ ይለናል፡፡
    • አንድ ላይ ነው ተያይዘን ማደግ ያለብን፡፡
    • እኛም ከእናንተ ጋር በመሥራታችን ደስተኞች ነን፡፡
    • ገና ብዙ ሥራ እንሠራለን፡፡
    • ምን ልታዘዝ ታዲያ ዛሬ?
    • ዶላር ፈለጌ ነው፡፡
    • ምን ችግር አለው ታዲያ? በቃ በቢሮ ደብዳቤ ጻፉልን፡፡
    • አሁኑኑ እንዲጻፍልህ አደርጋለሁ፡፡
    • ያው አንድ ሦስት ወር ግን መጠበቅ አለባችሁ፡፡
    • ምን?
    • ወረፋ አለ፤ ቢያንስ ሦስት ወር መጠበቅ አለባችሁ፡፡
    • ኧረ እኔ በሦስት ቀን ውስጥ ነው የምፈልገው፡፡
    • ሦስት ቀን ነው ያሉኝ?
    • አዎን ሦስት ቀን፡፡
    • አይ ክቡር ሚኒስትር፣ ቢሆን ደስ ይለኝ ነበር ግን…
    • ግን ምን?
    • በሦስት ወር ከደረስዎት ራሱ ጥሩ ነው፡፡
    • ወይ ጣጣ፡፡

    [ክቡር ሚኒስትሩ ለምሳ ወጡ፤ በመንገድ ላይ ከሾፌራቸው ጋር እያወሩ ነው] 

    • ምነው ክቡር ሚኒስትር?
    • ምንድነው ምነው ማለት?
    • ፊትዎ ላይ ሐዘን ይታያል፡፡
    • ምን የሚያስደስት ነገር አለ ብለህ ነው?
    • እንዴ ግድቡ፣ ባቡሩ፣ ኧረ ስንቱ?
    • እ…
    • ምን የሌለ ነገር አለ?
    • ዶላር ነዋ!
    • ዶላር?
    • አዎን ዶላር፡፡
    • እኔ ገንዘብ አጥቼም ደስተኛ ነኝ፣ እርስዎ ዶላር የለም ብለው አዝነዋል?
    • አሽሙርህን እስቲ እዚያው፡፡
    • ምን አሽሙር ነው፣ ይኼማ እውነታው ነው፡፡
    • ዶላሩን እኮ ለሥራ ነው የምፈልገው?
    • እናቱ የሞተችበትና ገበያ የሄደችበት እኩል ያለቅሳሉ አሉ፡፡
    • ምን ማለት ነው?
    • እኔ እኮ ገንዘቡን የምፈልገው ለመኖር ነው፡፡
    • በገንዘብ አይኖርም አላልኩህም?
    • አይ እንዲያው ነገሩን ማለቴ ነው፡፡
    • ነገረኛ ሆነሃል ልበል?
    • ይቅርታ ክቡር ሚኒስትር፡፡

    [ክቡር ሚኒስትሩ ምሳ የሚበሉበት ሆቴል አንድ ኤክስፖርተር ወዳጃቸውን አገኙ] 

    • ስፈልግዎት ነው ያገኘሁዎት ክቡር ሚኒስትር፡፡
    • ሥራ እንዴት ነው እባክህ?
    • በጣም ጥሩ ነው፣ እናንተስ ጋ እንዴት ነው?
    • ምን እባክህ?
    • ምነው ክቡር ሚኒስትር?
    • እኛው ባወጣነው ሕግ እኛው እንቸገራለን፡፡
    • እንዴት ክቡር ሚኒስትር?
    • ዶላር አጥቼ ተቸግሬያለሁ፡፡
    • የምን ዶላር ክቡር ሚኒስትር?
    • ለሥራ ፈልጌ ነው፡፡
    • ምን ችግር አለው ታዲያ?
    • ባንክም የለም ብለውኝ ነዋ፡፡
    • እነሱ መቼ ሥራቸውን ይሠራሉ ብለው ነው?
    • እ…
    • ምንም አያስቡ፡፡
    • እኔንማ በጣም አሳስቦኛል፡፡
    • ለማንኛውም ምን ያህል ነው የፈለጉት?

    [ክቡር ሚኒስትሩ ጠጋ ብለው በጆሮው ነገሩት] 

    • ምንም ችግር የለውም እኔ እሰጥዎታለሁ፡፡
    • ምን አልከኝ?
    • ቢሮዬ ሻንጣ ይዘው ይምጡ፡፡
    • እሱ ግን ችግር አለው፡፡
    • የምን ችግር?
    • እንዴት አወጣዋለሁ ብለህ ነው?
    • ስለእሱ አያስቡ፡፡
    • እንዴት?
    • እኔ በስልክ እጨርሰዋለሁ፡፡
    • አንተ ብቻ ተወልደህ ሌላው ቢቀር ይሻል ነበር፡፡

    [ክቡር ሚኒስትሩ ሚስታቸው ጋ ደወሉ] 

    • ምነው ሳቅ በሳቅ ሆንክ? አገኘህ እንዴ?
    • እኔ እኮ የሰው መውደድ እንዳለኝ ታውቂያለሽ?
    • የፈለግነው ዶላር ተገኘ?
    • ድሮስ?
    • እኔም ወደድኩህ አሁን፡፡
    • እስከ ዛሬ አትወጂኝም ነበር?
    • ስማ ለማንኛውም የዓመት በዓል መዋያ የሚሆን ብር ያስፈልገኛል፡፡
    • ምን ያህል?
    • ሃምሳ ሺሕ ብር፡፡
    • ይህ ሁላ ብር ምን ያደርግልሻል?
    • ይኼን ቤት ማስተዳደር እንዲህ ቀላል መስሎሃል?
    • አካውንታንት ይቀጠርልሽ?
    • አድርገኸው ነው?
    • በይ አንድ ልጅ አለ እሱን አመጣልሻለሁ፡፡
    • በቃ በኋላ፡፡

    [ክቡር ሚኒስትሩ ጸሐፊያቸው ጋ ደወሉ] 

    • ያዘዝኩሽን ጨረስሽ?
    • በእሱ ላይ ተወጥሬ ነው ያለሁት፡፡
    • አሁን ብር እፈልጋለሁ፡፡
    • የምን ብር?
    • የዓመት በዓል መዋያ፡፡
    • ምን አሉኝ?
    • ለበዓል መዋያ፡፡
    • ከቢሮ ነው?
    • አዎና፣ የመስተንግዶ ብለሽ አስፈቅጂ፡፡
    • ለቤትዎ ወጪ እንዴት መሥሪያ ቤቱ ይከፍላል?
    • አንቺና እኔ ግን እንዴት ነው የተናናቅነው?
    • ትንሽ ግን አልበዛም ክቡር ሚኒስትር?
    • አንቺ ሥራሽ ማስፈጸም ብቻ ነው፡፡
    • በቃ እሺ በባንክ ልላክልዎታ?
    • በየትኛው ቅርንጫፍ?
    • በአባ ኮራን፡፡
    • ምን አልሽኝ?
    • በአባ ኮራፕት!  

    በብዛት የተነበቡ ፅሁፎች

    አዲስ አበባና ኦሮሚያ ወሰን ለማካለል ተስማሙ

    ኮዬ ፈጬ፣ ቱሉዲምቱ፣ ጀሞ ቁጥር 2 ወደ ኦሮሚያ ለቡ፣ ፉሪና...

    በፌዴራል መንግሥትና በሕወሓት መካከል የተጀመረው የድርድር ሒደት አሳታፊ እንዲሆን ተጠየቀ

    የኢትዮጵያ ሲቪል ማኅበረሰብ ድርጅቶች ምክር ቤት፣  በፌዴራል መንግሥትና በሕወሓት...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...

    ባንኮች እንዲዋሀዱ እስከ ማስገደድ ሊገባ እንደሚችል ብሔራዊ ባንክ ጠቆመ

    በአሁኑ ወቅት የባንኮች ቁጥር እየጨመረ መምጣቱ ችግር የሚሆንና የውጭ...
    - Advertisment -

    ትኩስ ፅሁፎች

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...
    spot_img

    ተዛማጅ ፅሁፎች

    [ክቡር ሚኒስትሩ ወዳጃቸው ከሆነ አንድ የተቃዋሚ ፓርቲ አመራር ጋር ሻይ ቡና እያሉ በኬንያ ስለተካሄደው ፕሬዚዳንታዊ ምርጫ እየተጫወቱ ነው]

    ኬንያ በዚህ ደረጃ ዲሞክራሲያዊ ምርጫ ታደርጋለች ብዬ አላሰብኩም ነበር ክቡር ሚኒስትር። አዎ። ጥሩ ዝግጅት አድርገውበታል። ቢሆንም... ቢሆንም ምን ክቡር ሚኒስትር?  እባክህ ክቡር ሚኒስትር የምትለውን ነገር አቁም። ወዳጅ...

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡ አመሠግናለሁ ክቡር ሚኒስትር። በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል? ተቋራጩ ማን እንደሆነ አልነገርኩዎትም እንዴ? የትኛው ተቋራጭ...

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...