Sunday, August 7, 2022
ሌሎች ዓምዶች
    - Advertisement -
    - Advertisement -
    ዜናመንግሥት ሊቢያ የቀሩ ኢትዮጵያውያንን ሙሉ ወጪ በመሸፈን ለመመለስ ጥረት እያደረገ መሆኑ ተገለጸ

    መንግሥት ሊቢያ የቀሩ ኢትዮጵያውያንን ሙሉ ወጪ በመሸፈን ለመመለስ ጥረት እያደረገ መሆኑ ተገለጸ

    ቀን:

    – የሦስት ቀናት ብሔራዊ ሐዘን ታውጇል

    በሊቢያ አሰቃቂ ግድያ ከተፈጸመባቸው ኢትዮጵያውያን ሐዘን በኋላ፣ በአገሪቱ   የሚገኙ ሌሎች ኢትዮጵያውያን ስደተኞችን ወደ አገራቸው ለመመለስ መንግሥት ጥረት እያረገ መሆኑን አስታወቀ፡፡

    የውጭ ጉዳይ ሚኒስትሩ ዶ/ር ቴድሮስ አድሃኖም የሕዝብ ተወካዮች ምክር ቤት የሦስት ቀን ብሔራዊ ሐዘን ባወጀበት ማክሰኞ ዕለት ተገኝተው ለምክር ቤቱ በሰጡት ማብራሪያ፣ በሊቢያም ሆነ በየመን እንዲሁም በደቡብ አፍሪካ ችግር ላይ የሚገኙ ኢትዮጵያውያን በተቻላቸው አቅም ሁሉ የኢትዮጵያ ኤምባሲዎችን በስልክ በማነጋገር እንዲመዘገቡ ጥሪ አቅርበዋል፡፡ ይኼም መንግሥት የዜጎቹን አድራሻ አውቆ አስፈላጊውን ዕርምጃ እንዲወስድ ያስችለዋል ብለዋል፡፡ ዜጎች ይህንን ቢያደርጉ መንግሥት ሙሉ ወጪያቸውን ሸፍኖ እንደሚመልሳቸው ተናግረዋል፡፡

    በ30 ኢትዮጵያውያን ላይ የደረሰው አሰቃቂ ግድያ ሆን ተብሎ ኢትዮጵያውያን ክርስቲያኖችንና ሙስሊሞችን ለመከፋፈል የተደረገ እንደሆነ የገለጹት ሚኒስትሩ፣ ኢትዮጵያውያን ለዚህ ዓላማ ምቹ ሁኔታ ሳይፈጥሩ በአንድነት ተቃውሟቸውን እንደገለጹት ሁሉ በቀጣይም እኩይ ዓላማቸውን መታገል ያስፈልጋል ብለዋል፡፡

    ‹‹እነዚህ አሸባሪዎች እስልምናን የሚወክሉ አይደሉም፤›› ያሉት ሚኒስትሩ፣ ‹‹የተሰው ወገኖች ቤተሰቦችን ልናስባቸው ይገባል፡፡ ፓርላማውም እንዲያስብበት፤›› ብለዋል፡፡ ኢትዮጵያውያን ስደተኞች ከ60,000 እስከ 80,000 ብር ድረስ ከፍለው እንደሚሰደዱ የተናገሩት ሚኒስትሩ፣ የድለላውን ሥራ የሚሠሩትም ኢትዮጵያውያን ናቸው ብለዋል፡፡

    ኢትዮጵያውያን ደላሎች ከኢትዮጵያ እስከ ጎረቤት አገሮች በተዘረጋ መረባቸው በዜጎቻቸው ደም እየኖሩ ነው ሲሉ ወቅሰዋቸዋል፡፡ በማከልም፣ ‹‹ዛሬስ ተሰማችሁ ወይ? አሁንስ አይበቃንም ወይ?›› ብለዋል፡፡

    አንዳንድ የምክር ቤቱ አባላት በሚኒስትሩ ንግግር ስሜታቸው ተነክቶ ሲያለቅሱ ተስተውለዋል፡፡ በፓርላማ የመንግሥት ተጠሪ ሚኒስትሯ ወ/ሮ ሮማን ገብረ ሥላሴ፣ ‹‹በሊቢያ በአሸባሪዎች ጥቃት ሕይወታቸውን ላጡ ዜጎች የብሔራዊ የሐዘን ቀን እንዲታወጅ፤›› በሚል ያቀረቡትን የውሳኔ ሐሳብ በሙሉ ድምፅ ተቀብሎ አፅድቆታል፡፡

    ‹‹የኢትዮጵያ ፌዴሬላዊ ዴሞክራሲያዊ ሪፐብሊክ የሕዝብ ተወካዮች ምክር ቤት በንፁኃን ላይ በደረሰው ጉዳት በእጅጉ ማዘኑን በመግለጽና ድርጊቱን በጽኑ በማውገዝ፣ ለቤተሰቦቻቸውና ለመላው የኢትዮጵያ ሕዝቦች መጽናናትን በመመኘት፣ እንዲሁም ‹መጤዎች› በሚል ያልሠለጠነ አስተሳሰብ በደቡብ አፍሪካ የደረሰውን ጥቃት በማውገዝ›› ብሔራዊ የሐዘን ቀን አውጇል፡፡

    በዚህ መሠረት ከሚያዝያ 14 ቀን 2007 ዓ.ም. ጀምሮ ለሦስት ተከታታይ ቀናት በኢትዮጵያ ብሔራዊ የሐዘን ቀን እንዲሆኑና በሁሉም የኢትዮጵያ ክልሎችና ሁለቱም የከተማ አስተዳደሮች፣ በውጭ አገር በሚገኙ የኢትዮጵያ ዲፕሎማቲክ ሚሲዮኖች፣ በቋሚ መልዕክተኛ ጽሕፈት ቤቶች፣ በቆንስላ ጽሕፈት ቤቶች፣ በንግድ ጽሕፈት ቤቶችና በኢትዮጵያ መርከቦች የሪፐብሊኩ ሰንደቅ ዓላማ ዝቅ ብሎ እንዲውለበለብ ወስኗል፡፡

     

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...