Sunday, August 7, 2022
ሌሎች ዓምዶች
    - ማስታወቂያ -
    - ማስታወቂያ -

    የኢትዮጵያ ንግድ ባንክ ጠቅላላ ሀብቱ ግማሽ ትሪሊዮን መድረሱ ተገለጸ

    - ማስታወቂያ -

    ተዛማጅ ፅሁፎች

    • 75ኛ ዓመት የአልማዝ ኢዮቤልዩ ክብረ በዓሉን ማክበር ጀመረ

    የኢትዮጵያ ንግድ ባንክ ጠቅላላ ሀብቱ ግማሽ ትሪሊዮን መድረሱ ተገለጸ፡፡ የባንኩ ሀብት ግማሽ ትሪሊዮን ወይም ከ495.4 ቢሊዮን ብር በላይ መድረሱ የተገለጸው፣ የባንኩ ኃላፊዎች ማክሰኞ ኅዳር 19 ቀን 2010 ዓ.ም. በሰጡት ጋዜጣዊ መግለጫ ላይ ነው፡፡

    እንደ ባንኩ ኃላፊዎች ገለጻ፣ ባንኩ ከኅዳር 23 ቀን 2010 ዓ.ም. ጀምሮ ለሚቀጥሉት ስድስት ወራት 75ኛ ዓመት የአልማዝ ኢዮቤልዩ ክብረ በዓሉን ያከብራል፡፡

    በተለይ ከ1995 ዓ.ም. ወዲህ በተለያዩ ኢንቨስትመንቶች ለተሠማሩ ከ152 ቢሊዮን ብር በላይ ብድር ባንኩ ማቅረቡ ተነግሯል፡፡

    ባንኩ የአልማዝ ኢዮቤልዩ ክብረ በዓሉን እንዴትና በምን ሁኔታ ማክበር እንዳለበት የሚያጠናና ዝግጅቱን የሚያካሂድ ፕሮጀክት ጽሕፈት ቤት በማቋቋም ሲሠራ መቆየቱን፣ የፕሮጀክት ጽሕፈት ቤቱ ሥራ አስኪያጅ አቶ ኤፍሬም መኩሪያ ለመገናኛ ብዙኃኑ ተናግረዋል፡፡

    ከ75 ዓመት በፊት ዋና መሥሪያ ቤቱን ፒያሳ አራዳ ላይ ከፍቶ መርካቶ አዲስ ከተማና ደሴ ከተማ ሁለት ቅርንጫፎችን በመክፈት ሥራውን ከ250 ሚሊዮን ብር ባልበለጠ ሀብት የጀመረው የአሁኑ የኢትዮጵያ ንግድ ባንክ፣ አሁን ጠቅላላ ሀብቱ ከ495.4 ቢሊዮን ብር በላይ መድረሱን አቶ ኤፍሬም ገልጸዋል፡፡ ባንኩ በአሁኑ ጊዜ 43 ቢሊዮን ብር ካፒታልና መጠባበቂያ፣ 152.9 ቢሊዮን ብር ብድርና ቅድሚያ ክፍያዎች፣ 382.2 ቢሊዮን ብር ተቀማጭ ገንዘብ፣ 14.6 ቢሊዮን ትርፍ፣ 16.6 ሚሊዮን ደንበኞች፣ 33,365 ሠራተኞች፣ 1,235 ቅርንጫፎች፣ 1,589 ኤቲኤም ማሽኖች፣ 1.36 ሚሊዮን የሞባይል ባንኪንግና 6,985 የክፍያ መፈጸሚያ ማሽን እንዳሉት አቶ ኤፍሬም አስረድተዋል፡፡   

    ክብረ በዓሉ ተጀምሮ እስከሚያልቅ ድረስ የሚቆይና የ75 ዓመታት የባንኩን ጉዞ የሚገልጽ አዲስ ሎጎ (ምልክት) ይፋ መደረጉንም አክለዋል፡፡

    ከኅዳር እስከ ሚያዝያ 2010 ዓ.ም. ድረስ በሚደረጉ የክብረ በዓሉ መርሐ ግብሮች በአገሪቱ ባሉ ከተሞች የሩጫ ውድድሮች፣ ፋይናንስ ነክ የሆኑ የሥነ ጽሑፍ ውድድሮች፣ ደም የመለገስ ሥነ ሥርዓቶች፣ የጥያቄና መልስ ውድድር፣ የፓናል ውይይቶችና የተለያዩ ከባንኩ 75 ዓመታት የሥራ ጉዞ ጋር የተገናኙ ክንውኖች እንደሚኖሩ አቶ ኤፍሬም ገልጸዋል፡፡     

     

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች