Thursday, August 18, 2022
ሌሎች ዓምዶች
    - Advertisement -
    - Advertisement -
    ማኅበራዊየኢትዮ ቴሌኮምና የንግድ ባንክ ኃላፊዎች በሙስና ወንጀል ተጠርጥረው ታሰሩ

    የኢትዮ ቴሌኮምና የንግድ ባንክ ኃላፊዎች በሙስና ወንጀል ተጠርጥረው ታሰሩ

    ቀን:

    በኢትዮ ቴሌኮም ሶርሲንግና ፋሲሊቲ ዲቪዥን ኃላፊና የኢትዮጵያ ንግድ ባንክ ቢዝነስ ዴቨሎፕመንት ኃላፊ፣ በሙስና ወንጀል ተጠርጥረው ታሰሩ፡፡

    በኢትዮ ቴሌኮም በተጠቀሰው ኃላፊነት ይሠሩ የነበሩት አቶ አብርሃም ጓዴ ወርቁ የተጠረጠሩት፣ ከከረዩ ቱር ኤንድ ትራቭል ሥራ አስኪያጅ ጋር በመመሳጠር፣ ተቋሙ ከገባበት ውልና ስምምነት ውጪ በመሥራት በመንግሥት ላይ ከፍተኛ የገንዘብ ኪሳራ በማድረሳቸው መሆኑን፣ የፌዴራል ፖሊስ ኮሚሽን ወንጀል ምርመራ ቢሮ ለፍርድ ቤት አስረድቷል፡፡

    መርማሪ ፖሊስ ለፌዴራል ከፍተኛ ፍርድ ቤት ሁለተኛ ወንጀል ችሎት እንዳስረዳው፣  ኢትዮ ቴሌኮም የሥሪት ዘመናቸው እ.ኤ.አ. ከ2000 እና ከዚያ በላይ የሆኑ ተሽከርካሪዎችን እንዲያቀርብ፣ ከከረዩ ትራቭል ኤንድ ቱር ጋር ተዋውሏል፡፡ ነገር ግን የቀረቡት 69 ተሽከርካሪዎች የሥሪት ዘመናቸው እ.ኤ.አ. ከ2000 በታች ነው፡፡

    አቶ አብርሃም ግን ተሽከርካሪዎቹ በተደረገላቸው የቴክኒክ ምርመራ እ.ኤ.አ. ከ2000 በላይ ናቸው ተብሎ በተዘጋጀላቸው ሐሰተኛ ሊብሬ ላይ ፈርመው ማሳለፋቸውን ፖሊስ ለፍርድ ቤት አስረድቷል፡፡ ይህንንም ያደረጉት ከድርጅቱ ሥራ አስኪያጅ ጋር በመመሳጠር በመሆኑ በመንግሥት ላይ ከፍተኛ ጉዳት ማድረሳቸውን ጠቁሞ፣ ለተጨማሪ ምርመራ 14 ቀናት ቢጠየቅባቸውም፣ ፍርድ ቤቱ ግን አምስት ቀናት ብቻ ፈቅዶ ለጥር 8 ቀን 2009 ዓ.ም. ቀጠሮ ሰጥቷል፡፡

    ሌላው በሙስና ወንጀል የተጠረጠሩት የኢትዮጵያ ንግድ ባንክ ቢዝነስ ዴቨሎፕመንት ኃላፊ አቶ ኤፍሬም መኩሪያ ሲሆኑ፣ የተጠረጠሩበት ወንጀል በባንኩ ዕቃ አቅርቦትና አስተዳደር ዳይሬክተር ሆነው ሲሠሩ ከዕቃ ግዢ ጋር በተገናኘ በመንግሥት ላይ ከ6.9 ሚሊዮን ብር በላይ ጉዳትና ኪሳራ አድርሰዋል የሚል ነው፡፡

    አቶ ኤፍሬም እ.ኤ.አ. በ2012/2013 በጀት ዓመት ለግዢ አፅዳቂ ኮሚቴ 500,000 ማርከር እንዲገዛ ከማቅረባቸው በፊት፣ ከቀደምት አቅርቦት ጋር በተገናዘበ መንገድ እንዲገዛ አለማድረጋቸውን የፌዴራል ፖሊስ ወንጀል ምርመራ ቢሮ ለፍርድ ቤት አስረድቷል፡፡ አቶ ኤፍሬም በራሳቸው ውሳኔ ለግዢ ኮሚቴው አቅርበው ተገቢ ያልሆነ ግዢ በመፈጸም፣ በባንኩ ላይ የ6,962,090 ብር ጉዳትና ኪሳራ እንዲደርስበት ማድረጋቸውን ፖሊስ አስረድቶ፣ ለተጨማሪ ምርመራ የ14 ቀናት ጊዜ ጠይቋል፡፡

    አቶ ኤፍሬም ምንም የፈጸሙት ወንጀል እንደሌለና ግዢውንም ያዘዙት ከኃላፊዎቻቸው በተሰጣቸው አቅጣጫ መሆኑን ለፌዴራል ከፍተኛ ፍርድ ቤት ሁለተኛ ወንጀል ችሎት አስረድተዋል፡፡ በመሆኑም የዋስትና መብታቸው እንዲጠበቅላቸው ፍርድ ቤቱን ጠይቀዋል፡፡ ፍርድ ቤቱ የዋስትና መብታቸውን በማለፍ የተጠየቀውን የምርመራ ጊዜ ፈቅዷል፡፡ ለጥር 15 ቀን 2009 ዓ.ም. ቀጠሮ ሰጥቷል፡፡   

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...