Sunday, August 7, 2022
ሌሎች ዓምዶች

    ጠቅላይ ፍርድ ቤት በጦማሪያኑ ላይ ውሳኔ ለመስጠት መቸገሩን ገለጸ

    - Advertisement -spot_img

    በብዛት የተነበቡ

    ‹‹ከአገር እንዳንወጣ እግድ ስለተጣለብን መንቀሳቀስ አልቻልንም›› ጦማሪያን

    ጦማሪያኑ ከተከሰሱበት የሽብር ተግባር ወንጀል የሥር ፍርድ ቤት (በፌዴራል ከፍተኛ ፍርድ ቤት) በነፃ በማሰናበቱ ምክንያት ዓቃቤ ሕግ ይግባኝ ያለ ቢሆንም፣ የተሟላ ማስረጃ ሊቀርብለት ባለመቻሉ መዝገቡን መርመሮ ውሳኔ ለመስጠት መቸገሩን፣ የፌዴራል ጠቅላይ ፍርድ ቤት ይግባኝ ሰሚ አንደኛ ወንጀል ችሎት ገለጸ፡፡

    ዓቃቤ ሕግ የሥር ፍርድ ቤት ውሳኔን የተቃወመው በተከሳሾቹ ጦማሪያን ሶሊያና ሽመልስ፣ በፍቃዱ ኃይሉ፣ ናትናኤል ፈለቀ፣ አቤል ዋበላና አጥናፍ ብርሃኔ ላይ የሰነድና የሲዲ ማስረጃ አቅርቦ በአግባቡ እንዳልተመዘነለት በመግለጽ እንደነበር፣ ችሎቱ ታኅሳስ 21 ቀን 2009 ዓ.ም. ውሳኔ ለማሰማት ለቀረቡት ጦማሪያን አስታውሷል፡፡

    ነገር ግን ችሎቱ የሥር ፍርድ ቤትን የውሳኔ መዝገብ ያስቀረበ ቢሆንም፣ ዓቃቤ ሕግ በሥር ፍርድ ቤት እንዳቀረባቸው በይግባኙ የገለጸው የሰነድና የሲዲ ማስረጃ ሊያገኝ አለመቻሉን አስታውቋል፡፡

    የቀረበለት የሥር ፍርድ ቤት የውሳኔ መዝገብ ውስጥም ማስረጃው እንደሌለም አክሏል፡፡

    ጦማሪያኑ ለፍርድ ቤቱ እንዳመለከቱት ዓቃቤ ሕግ ሲዲ የሚለው እነሱን የሚመለከት ማስረጃ አይደለም፡፡ ሲዲው አንደኛ ተከሳሽን የሚመለከት መሆኑን ዓቃቤ ሕግ ለሥር ፍርድ ቤት ማስረዳቱንም አስታውሰዋል፡፡ በመሆኑም ችሎቱ ውሳኔ ሳይሰጥ በተደጋጋሚ እየቀጠራቸው በመሆኑ፣ እንደ ልባቸው ተንቀሳቅሰው ማለትም ለአንዳንድ ሥራ ከአገር ወጥተው ለመግባት እንቅፋት እንደሆነባቸው ለፍርድ ቤቱ አመልክተዋል፡፡ ምክንያቱም ደግሞ ይግባኝ ስለተባለባቸው ከአገር እንዳይወጡ እግድ ስለተጣለባቸው መሆኑን ገልጸዋል፡፡

    ችሎቱ እንደገለጸው የሥር ፍርድ ቤት ውሳኔ የሰጠው ‹‹ማስረጃውን መርምሮ ነው ወይስ አይደለም›› የሚለውን ለማየትና ውሳኔ ለመስጠት መቸገራቸውን አስረድተዋል፡፡ ምክንያቱ ደግሞ ዓቃቤ ሕግ ‹‹አልታየልኝም›› ያለው ማስረጃን አይቶ መወሰን ስላለበት መሆኑን አክለዋል፡፡ በመሆኑም ዓቃቤ ሕግም ይሁን የሥር ፍርድ ቤት ሲዲውንና ማስረጃውን ለጥር 19 ቀን 2009 ዓ.ም. እንዲያቀርቡ ፍርድ ቤቱ ትዕዛዝ ሰጥቷል፡፡

     

     

     

    - Advertisement -
    - Advertisement -spot_img

    ትኩስ ጽሑፎች

    ተዛማጅ ጽሑፎች

    - Advertisement -
    - Advertisement -