Thursday, August 18, 2022
ሌሎች ዓምዶች
    - ማስታወቂያ -
    - ማስታወቂያ -

    ከቻይና የተገኘው ብድር ጫና ከአገሪቱ የመክፈል አቅም ጋር ተመጣጣኝ ነው ተባለ

    - ማስታወቂያ -

    ተዛማጅ ፅሁፎች

    ከቻይና መንግሥት ለአዲስ አበባ መንገድና የኤሌክትሪክ ኃይል ማስተላለፊያ ፕሮጀክቶች የተገኘው ብድር፣ በአገሪቱ ላይ የሚያሳድረው ጫና ተመጣጣኝ መሆኑን የፓርላማው ቋሚ ኮሚቴ ገለጸ፡፡

    የፓርላማው የበጀትና የፋይናንስ ጉዳዮች ቋሚ ኮሚቴ የተገኙት ብድሮች እንዲፀድቁ ማክሰኞ ታኅሳስ 18 ቀን 2009 ዓ.ም. ባቀረበው የውሳኔ ሐሳብ መሠረት፣ ለአዲስ አበባ የኤሌክትሪክ ኃይል ማስተላለፊያ መረብ ማሻሻያና ደረጃ ማሳደጊያ የተገኘው 230 ሚሊዮን ዶላር ብድር ከአገሪቱ የብድር ፖሊሲና ስትራቴጂ ጋር የሚጣጣም ስለሆነ፣ የብድር ስምምነቱን ፓርላማው እንዲያፀድቀው ጠይቋል፡፡

    በተመሳሳይም ከቃሊቲ የቀለበት መንገድ አደባባይ እስከ ቱሉ ዲምቱ አደባባይ ላለው መንገድና ከቃሊቲ የቀለበት መንገድ በቡልቡላ እስከ ቂሊንጦ አደባባይ ላለው መንገድ ማስፈጸሚያ የተገኘው 102.7 ሚሊዮን ዶላር ብድር፣ ከፍተኛ ኢኮኖሚያዊና ማኅበራዊ ፋይዳው ሲታይም ‹‹ተመጣጣኝ፣ የዓመቱን የበጀት ጉድለት ለመቅረፍ የሚረዳና ከአገሪቱ የብድር ፖሊሲና ስትራቴጂ ጋር የሚጣጣም ነው፤›› በማለት ቋሚ ኮሚቴው ገልጿል፡፡

    የብድር ስምምነቶቹ እንዲፀድቁ ለምክር ቤቱ ታኅሳስ 6 ቀን 2009 ዓ.ም. በቀረበበት ወቅት ሁለት የምክር ቤት አባላት ብድሮቹ ከመፅደቃቸው አስቀድሞ ቋሚ ኮሚቴው የአገሪቱን ብድር የመክፈል አቅም እንዲያጣራ መጠየቃቸውን መዘገባችን ይታወሳል፡፡

    የቀረበው የብድር ስምምነትን በዝርዝር ከሚመለከታቸው የመንግሥት አካላት ጋር የተመለከተው ቋሚ ኮሚቴ ‹‹የብድር ጫናው ተመጣጣኝ ነው›› በማለት የቀረበው ምን ማለት እንደሆነ፣ የውጭ ጉዳዮች ቋሚ ኮሚቴ ሰብሳቢ የሆኑት አቶ ተስፋዬ ዳባ ጠይቀዋል፡፡

    በዚሁ መሠረት በተሰጠው ምላሽ አገሪቱ እ.ኤ.አ. እስከ 2017 የሚቆይ የመካከለኛ ዘመን የማክሮ ኢኮኖሚ ፖሊሲ እንዳላትና በዚህ ውስጥም የውጭ ብድርን የተመለከተ ሦስት የመበደሪያ ማዕቀፎች መቀመጣቸውን ተጠቅሷል፡፡ አንደኛው ከወለድ ነፃ በሆነ መንገድ መበደር፣ ሁለተኛው ኮንሴሽናል (ምሕረት ያለው) ብድር መበደር መሆኑን፣ ሦስተኛው ደግሞ ኮሜርሺያል ብድር (የንግድ ብድር) ናቸው፡፡

    መንግሥት በሦስተኛው አማራጭ ሊበደር የሚችለው አማራጮች ሲጠፋና እጥረት ሲገጥም፣ እንዲሁም ለአስፈላጊ ፕሮጀክቶች መሆኑን ቋሚ ኮሚቴው ጠቅሷል፡፡

    ከቃሊቲ የቀለበት መንገድ አደባባይ እስከ ቱሉ ዲምቱ አደባባይ ላለው መንገድና ከቃሊቲ ቀለበት መንገድ በቡልቡላ እስከ ቂሊንጦ አደባባይ ላለው መንገድ የተገኘው 102.7 ሚሊዮን ዶላር፣ 2.6 በመቶ ወለድ በዓመት የሚከፈልበት ኮሜርሺያል ብድር መሆኑን ጠቅሰዋል፡፡ በዚሁ መሠረት ሁለቱንም ብድሮች ፓርላማው በሙሉ ድምፅ አፅድቋል፡፡

    የኢትዮጵያ መንግሥት ከቻይና የተበደረው ቀላል ብድር በከፍተኛ ደረጃ የተከማቸ መሆኑን መረጃዎች ያመለክታሉ፡፡ ለባቡር ፕሮጀክቶች ብቻ ከስድስት ቢሊዮን ዶላር በላይ አገሪቱ እንደተበደረች፣ ከዚህ ጋር በተያያዘም ቻይና ለኢትዮጵያ የምታቀርበውን ብድር ስትራቴጂካዊ ለውጥ ማድረጓን ምንጮች ይናገራሉ፡፡

    ይኸውም ሥልት ከገበያ ባነሰ የወለድ ምጣኔ የንግድ ብድር ማበደር መሆኑን ለማወቅ ተችሏል፡፡ 

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች