Sunday, August 7, 2022
ሌሎች ዓምዶች
    - Advertisement -
    - Advertisement -
    ዜናመንግሥት አሜሪካ የጉዞ ማስጠንቀቂያ ማራዘሟ በኢትዮጵያ ያለውን ወቅታዊ እውነታ አያሳይም አለ

    መንግሥት አሜሪካ የጉዞ ማስጠንቀቂያ ማራዘሟ በኢትዮጵያ ያለውን ወቅታዊ እውነታ አያሳይም አለ

    ቀን:

    የአሜሪካ የውጭ ጉዳይ መሥሪያ ቤት አሜሪካውያን ወደ ኢትዮጵያ ከሚያደርጉት ጉዞ እንዲቆጠቡ ባለፈው ጥቅምት ወር ያወጣውን ማስጠንቀቂያ በድጋሚ ካራዘመ በኋላ፣ የኢትዮጵያ መንግሥት የጉዞው ማስጠንቀቂያ በአገሪቱ ውስጥ ያለው ሁኔታን መሠረት ያላደረገ ነው ሲል ተቃወመ፡፡

    የአሜሪካው የውጭ ጉዳይ መሥሪያ ቤት ሰኞ ኅዳር 26 ቀን 2009 ዓ.ም. የጉዞ ማዕቀብ ማስጠንቀቂያውን በድጋሚ በማራዘም፣ በኢትዮጵያ አሁንም የፀጥታ ሥጋት  ሊኖር እንደሚችል አሳስቧል፡፡ ጉዳዩን በተመለከተ ሪፖርተር ያነጋገራቸው የመንግሥት ኮሙዩኒኬሽን ጉዳዮች ጽሕፈት ቤት ኃላፊ ሚኒስትር ዶ/ር ነገሪ ሌንጮን ጠይቆ፣ ማስጠንቀቂያው አሁን አገሪቱ ያለችበትን የተረጋጋ ሁኔታ የማይገልጽና ሥጋታቸው በእውነተኛ ሁኔታ ላይ ያልተመሠረተ ነው ብለዋል፡፡

    ቀደም ብሎ በርከት ያሉ የአውሮፓ አገሮችና ሌሎችም ተመሳሳይ የጉዞ ማዕቀብ አውጥተው እንደነበር በማስታወስ፣ አብዛኞቹ ከቅርብ ጊዜ ወዲህ እያነሱ መሆኑን አክለዋል፡፡

    የአሁኑ የአሜሪካ ማስጠንቀቂያን በተመለከተ ሁለቱ መንግሥታት የዲፕሎማሲ መስመራቸውን ጠብቀው እንደሚነጋገሩ የጠቆሙት ዶ/ር ነገሪ፣ በመግለጫው ግን በሁለቱ አገሮች ወዳጅነት ላይ ምንም የተፈጠረ አሉታዊ ስሜት አለመኖሩን አስረድተዋል፡፡

    የአሜሪካ የውጭ ጉዳይ መሥሪያ ቤት ባወጣው መግለጫ የኢትዮጵያ መንግሥት ተግባራዊ ባደረገው አስቸኳይ ጊዜ አዋጅ ሳቢያ፣ ኢንተርኔትና ሌሎች የመገናኛ አገልግሎቶች በመቆማቸው የአሜሪካ ኤምባሲ መደበኛ አገልግሎቱን ለማከናወንም ሆነ፣ ከዜጎች ጋር ለመገናኘት እንቅፋት እየፈጠረበት መሆኑንም ጭምር አመልክቷል፡፡

    ቀደም ብለው የጣሉትን የጉዞ ማስጠንቀቂያ ካነሱት ውስጥ በዋነኝነት ጀርመን፣ ቤልጅየምና ስፔን ይገኙበታል፡፡

    ባለፈው መስከረም ወር በአገሪቱ በተከሰተው ተቃውሞና ሁከት ምክንያት የአስቸኳይ ጊዜ አዋጅ መውጣቱ ይታወሳል፡፡ አዋጁ ካካተታቸው ድንጋጌዎች ውስጥ የውጭ ዲፕሎማቶች ከአዲስ አበባ 40 ኪሎ ሜትር ራዲየስ ውጪ በየትኛውም የአገሪቱ ክፍሎች እንዳይንቀሳቀሱ የሚገድበው ይገኝበታል፡፡ ነገር ግን ከሦስት ሳምንታት በፊት መነሳቱን መንግሥት አስታውቋል፡፡ አዋጁም ከወጣ በኋላ የውጭ ጉዳይ ሚኒስቴር በአዲስ አበባ ለሚገኙ ዲፕሎማቶች ማብራሪያ መስጠቱንና የጉዞ ማዕቀብ የጣሉ አገሮችም ዕገዳቸውን እንዲያነሱ መጠየቁን መዘገባችን ይታወሳል፡፡

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...