Thursday, August 18, 2022
ሌሎች ዓምዶች
    - Advertisement -
    - Advertisement -
    ማኅበራዊራስን ኤችአይቪ መመርመር የሚያስችል ኪት ሊሠራጭ ነው

    ራስን ኤችአይቪ መመርመር የሚያስችል ኪት ሊሠራጭ ነው

    ቀን:

    ሰዎችን ራሳቸውን በራሳቸው ኤችአይቪ መመርመር የሚያስችል የምርመራ ኪትና ሌሎችም የምርመራ መሣሪያዎች አቅርቦ እንዲኖር ድጋፍ ሊያደርግ መሆኑን የዓለም ጤናድርጅት አስታወቀ፡፡

    እነዚህ ራስን መመርመር የሚያስችሉ መሣሪያዎች ለተጠቃሚዎች በዝቅተኛ ዋጋ እንዲሠራጩ የሚያስችል መመርያም ማዘጋጀቱን ባለፈው ሳምንት ከዓለም ጤና ድርጅት የወጣ መረጃ ያመለክታል፡፡ የዓለም ጤና ድርጅት ይህ መመርያ ተግባራዊ ይሆን ዘንድም ይፋ አድርጐታል፡፡

    በዚህ መልኩ ሰዎች ለራሳቸው የኤችአይቪ ምርመራ ማድረር እንዲችሉ ሁኔታዎችን ማመቻቸት ያስፈለገው በምርመራው በሚገባ ተደራሽ አለመሆን ኤችአይቪ እያለባቸው መድኃኒት የማይወስዱ ቁጥር ከፍተኛ በመሆኑ እንደሆነ ተገልጿል፡፡

    በዓለም ጤና ድርጅት የኤችአይቪ ጂፓርትመንት ዳይሬክተር ዶ/ር ጐትፍሪድ ሒርንስቻል ‹‹ሰዎች ራሳቸውን በራሳቸው መመርመር የሚችሉበትን ኪት ማቅረብ ብዙዎች የኤችአይቪ ምርመራ እንዲያደርጉና ውጤታቸውንም ለአጋሮቻቸው እንዲገልጹ ያበረታታል›› በማለት ተናግረዋል፡፡ ይህ ራስን መመርመር ብዙዎች ተመርምረው ራሳቸውን እንዲያውቁ፤ በምርመራ ተደራሽ አለመሆን ወይም ምርመራቸው በሌላ ሰው እንዲደረግ ባለመፈለግ የማይመረመሩ ሰዎች እንዲመረመሩ እንደሚያስችል ገልጸዋል፡፡

    የጤና ድርጅቱ መረጃ እንደሚያመለክተው በተወሰኑ የሕዝብ ክፍሎች ብቻም ሳይሆን የዓለም የኤችአይቪ ምርመራ ሽፋን ሲታይ የመመርመር፣ የመከላከልና ሕክምና የማድረግ ነገር ከሴቶች ይልቅ በወንዶች ዝቅተኛ ነው፡፡ በዚህ መሠረት ምርመራ የሚያደርጉ ወንዶች 30 በመቶ ሲሆኑ፣ የብዙ ወንዶች ራሳቸውን አውቀው ፀረ ኤችአይቪ መድኃኒት ሳይወስዱ የመሞት ዕድል ከሴቶች ይልቅ የጨመረ ነው፡፡

    በዓለም አቀፍ ደረጃ 18 ሚሊዮን የሚሆኑ ሰዎች ፀረ ኤችአይቪ በመውሰድ ላይ ሲሆኑ፣ እኩል ቁጥር ያላቸው ሌሎች ግን ኤችአይቪ ፖዘቲቭ እንደሆኑ ባለማወቅ ፀረ ኤችአይቪ በመውሰድ ላይ እንዳልሆኑ የጤና ድርጅቱ ሪፖርት ያሳያል፡፡ 40 በመቶ የሚሆኑ ሰዎች ማለትም ከ14 ሚሊዮን በላይ የሚሆኑ ደግሞ ኤችአይቪ ይኑርባቸው አይኑርባቸው አያውቁም፡፡ ከእነዚህ ብዙዎቹ ደግሞ ለኤችአይቪ የተጋለጡና ምርመራም በቀላሉ ተደራሽ የማይሆንላቸው ናቸው፡፡

    የዓለም ጤና ድርጅት ዳይሬክተር ጄነራል ዶ/ር ማርጋሬት ቻን በበኩላቸው ራስን በራስ መመርመር ብዙዎች ራሳቸውን አውቀው ወደ ሕክምና እንዲሔዱ እንደሚያደርግ የዚህ ለመከላከል ሥራው አዎንታዊ አንድምታም ትልቅ እንደሆነ ተናግረዋል፡፡

    ራስ በራስ የኤችአይቪ ምርመራ ሰዎች ከአፋቸው በሚወሰድ ጠብታ ወይም ጣታቸውን በስቶ ጠብታ ደም በመውሰድ ሊያደርጉት ይችላሉ፡፡ ውጤቱም በ20 ደቂቃ ወይም ከዚያ ባነሰ ይታወቃል፡፡ በራሳቸው ምርመራ ፖዘቲቭ የሆኑ በድጋሚ በክሊኒክ የማረጋገጫ ምርመራ እንዲያደርጉ የመረጃ፣ የምክር ከዚያም የሕክምና አገልግሎት እንዲያገኙ ይመከራል፡፡

           

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...