Monday, August 8, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

     [ክቡር ሚኒስትሩ በጣም ተናደው የቤት ሠራተኛቸውን አስጠሯት]

    • አንቺ ምን ሆነሻል?
    • ምን ሆንኩ ጋሼ?
    • ለምንድን ነው ሸሚዜን ያልተኮሽው?
    • ሥራ ይዤ ነው ጋሼ?
    • ማታ አይደል እንዴ እንድትተኩሽው የነገርኩሽ?
    • እንጀራ ስጋግር ነበር፡፡
    • እና ምን ለብሼ ልሂድ?
    • አሁን እተኩስልዎታለሁ ጋሼ፡፡
    • በምንድን ነው የምትተኩሽው?
    • በካውያ ነዋ፡፡
    • የከሰል ካውያ አለን እንዴ?
    • ኧረ በኤሌክትሪክ ካውያ ነው የምተኩሰው፡፡
    • መብራት እኮ የለም፡፡
    • እነዚህ መብራት ኃይሎች ደግሞ ጀመራቸው፡፡
    • ያልተጠየቅሽውን አትቀባጥሪ፡፡
    • መቼ ነው እነሱ ግን የሚሻሻሉት?
    • ስለእነሱ አይመለከተኝም፡፡
    • እንዴት አይመለከትዎትም?
    • እኔ ምን አገባኝ?
    • እረሱት እንዴ ጋሼ?
    • ምኑን?
    • ሚኒስትር መሆንዎትን፡፡
    • እ…
    • ይኼ እኮ የመንግሥት ሥራ ነው፡፡
    • ምን እያልሽ ነው?
    • እኔ እኮ እርስዎ ሚኒስትር ሲሆኑ ተገላገልን ብዬ ነበር፡፡
    • ከምን?
    • ከዚህ መከራ ነዋ፡፡
    • ከየትኛው መከራ?
    • ዛሬ ፊልም ሊያመልጠኝ ነው ማለት ነው?
    • የምን ፊልም?
    • ዛራና ቻንድራ፡፡
    • አንቺ እሱ ነው የሚያስጨንቅሽ አይደል?
    • ስለሌላ ነገርማ እንዳልጨነቅ አዋጁ ከልክሎኛል፡፡
    • የትኛው አዋጅ?
    • ጋሼ እኔ ፖለቲካ አያስወሩኝ፡፡
    • የምን ፖለቲካ ነው?
    • ያመለጠኝን ፊልም በፌስቡክ እንኳን እንዳላይ እሱም ተዘግቷል፡፡
    • በፌስቡክ ፊልም ታያለሽ?
    • እኔማ እርስዎን ተስፋ አድርጌ ነበር፡፡
    • እንዴት?
    • ጋሼ እርስዎ ሚኒስትር ሲሆኑ ብዙ ነገር ጠብቄ ነበር፡፡
    • ማለት?
    • መብራት የሚጠፋብን አልመሰለኝም ነበር፡፡
    • ሌላስ?
    • ውኃም እናጣለን ብዬ አላስብም፡፡
    • እሺ፡፡
    • ጋሼ የአክስቴ ልጅ እኮ የቀድሞ ሚኒስትር ቤት ነው የምትሠራው፡፡
    • እና?
    • በቃ ዓረብ አገር ያሉ ዘመዶቻችን ጋ ስልክ እንደፈለግን ነበር የምንደውለው?
    • እ…
    • እዚህም እንደዛ ይሆናል ብዬ አስቤ ነበር፡፡
    • እንደዛ ብታደርጊ የሚከተልሽን ታውቂያለሽ፡፡
    • ምንድን ነው የሚከተለኝ?
    • ጣትሽን ነው የምቆርጠው፡፡
    • ጋሼ መቼም እኔ ላይ አይጨክኑም?
    • ነገርኩሽ ሴትዮ፡፡
    • እና ጋሼ ሌሎቹ ሚኒስትሮች ቤት የሚገኘው ጥቅም እዚህ አይገኝም እያሉኝ ነው?
    • እኔ እንደዚህ ዓይነት ነገር ውስጥ አልገባም፡፡
    • እኔ የምለው ጋሼ፡፡
    • ምንድን ነው?
    • ሰዎቹ እርስዎን አልተቀበሉዎትም እንዴ?
    • እንደ ምን?
    • እንደ ሚኒስትር!

    [ክቡር ሚኒስትሩ ቢሮ ሲገቡ አማካሪያቸውን አስጠሩት]

    • አቤት ክቡር ሚኒስትር፡፡
    • አንዳንድ ነገሮች ላይ መወያየት አለብን፡፡
    • እሺ ክቡር ሚኒስትር፡፡
    • ያው እኔ ብዙ ጊዜ ምርምሩ ላይ ነው የቆየሁት፡፡
    • አውቃለሁ ክቡር ሚኒስትር፡፡
    • እና እዚህ መሥሪያ ቤት ስላለው የአስተዳደር ሥራ ማወቅ እፈልጋለሁ፡፡
    • ምን ልንገርዎት ክቡር ሚኒስትር?
    • መሥሪያ ቤቱ ውስጥ ያለው ዋሻ ምንድን ነው?
    • የምን ዋሻ ነው?
    • መሥሪያ ቤቱ በየፍሎሩ በፓርቲሽን የተሠራ ዋሻ አለው፡፡
    • እ…
    • ለምንድን ነው ሁሉም በፓርቲሽን ተከፋፍሎ የራሱን ቢሮ የያዘው?
    • ያው…
    • አውቃለሁ ለምን እንደዛ እንደሆነ፡፡
    • ማለት?
    • ሁሉም ጉቦ መቀባበሉ እንዲመቸው ነው፡፡
    • እ…
    • የመሥሪያ ቤቱ ዋና ዓላማ ሕዝቡን ማገልገል አይደል እንዴ?
    • በሚገባ ክቡር ሚኒስትር፡፡
    • ስለዚህ ለተገልጋዮች የሚመች ቢሮ ነው ሊኖረን የሚገባው፡፡
    • የሚመች ሲሉ?
    • በቃ ተገልጋዮች በየቢሮው መግባት ሳይጠበቅባቸው በአንድ ፍሎር ላይ ተገልግለው መሄድ አለባቸው፡፡
    • ምን እያሉ ነው?
    • ዋሻዎቹ መፍረስ አለባቸው፡፡
    • እ…
    • አዎ ሁሉም ፓርቲሽኖች ፈርሰው ልቅ ቢሮ ይሁን፡፡
    • እርስዎ ካሉ እሺ ክቡር ሚኒስትር፡፡
    • እሱ ብቻ አይደለም፡፡
    • ሌላ ምን አለ?
    • ካሜራ መገጠም አለበት፡፡
    • እ…
    • እያንዳንዱ ሠራተኛ እንዴት አገልግሎት እንደሚሰጥ በካሜራ ይታያል፡፡
    • እንዳሉ ክቡር ሚኒስትር፡፡
    • ስለዚህ ጉቦ መቀባበልም ይቀራል ማለት ነው፡፡
    • ክቡር ሚኒስትር ጉቦን ለማስቀረት ስንቱ ቦታ ካሜራ ይተከላል?
    • ሁሉም ቦታ፡፡
    • እሱማ አይቻልም፡፡
    • ለምን አይቻልም?
    • አብዛኛው ድርድር የሚካሄደው እኮ በየመጠጥ ቤቱና በየሆቴሉ ነው፡፡
    • እ…
    • እና ከቢሮ ውጪ በርካታ ድርድር ይደረጋል፡፡
    • ለእሱም ዘዴ ይፈለግለታል፡፡
    • እሺ ክቡር ሚኒስትር፡፡
    • ብቻ አሁን በአስቸኳይ ፓርቲሽኑ ይፍረስ፡፡
    • በአስቸኳይማ መፍረስ አይችልም፡፡
    • ለምን?
    • ጨረታ መውጣት አለበት፡፡
    • የምን ጨረታ?
    • የማፍረስ!

    [የቀድሞ ክቡር ሚኒስትር አዲሱ ሚኒስትር በመሥሪያ ቤቱ ውስጥ ሊያመጡ ያቀዱትን ለውጥ ሰምተው ስልክ ደወሉላቸው]

    • ጤና ይስጥልኝ ክቡር ሚኒስትር፡፡
    • ሰላም ማን ልበል?
    • እንዴት ነው አዲሱ ሥራ?
    • ጥሩ ነው፣ ማን ልበል?
    • የቀድሞ ሚኒስትር ነኝ፡፡
    • እንዴት ነዎት የቀድሞ ክቡር ሚኒስትር?
    • በጣም ደህና ነኝ፡፡
    • ምን እያደረጉ ነው አሁን?
    • እኔማ ኢንቨስተር ልሁን ወይስ አምባሳደር በሚለው ሐሳብ ግራ እየተጋባሁ ነው፡፡
    • እ…
    • ኢንቨስተር ብሆን ጥሩ እንደምሠራ አውቃለሁ፡፡
    • እሺ፡፡
    • አምባሳደርም ብሆን ሁሉ ወጪዬ በመንግሥት ተችሎ ስለምኖር ለእኔ ዕረፍት ነው፡፡
    • እ…
    • ግን አምባሳደር ብሆን የኢንቨስተር ሥራዬን ሊጎዳው ይችላል ብዬ ስላሰብኩ ግራ ተጋብቻለሁ፡፡
    • በጣም ያሳዝናል፡፡
    • ምኑ ነው የሚያሳዝነው?
    • አሁንም ስለራስዎት ነው የሚያስቡት?
    • ታዲያ ስለማን ላስብ?
    • ከቦታዎት ያስነሳዎት እኮ ይኼ አስተሳሰብዎ ነው፡፡
    • እኔ ከቦታዬ ብነሳም መውደቂያዬን አሳምሬ ነው፡፡
    • እ…
    • መጀመሪያዬ መቀመጫዬን አለች ስንጀሮ ሲባል አልሰሙም?
    • አሁንም እንደዚህ ዓይነት የወረደ አስተሳሰብ ነው ያለዎት ማለት ነው?
    • ለማንኛውም አሁን የደወልኩት ልመክርዎት ነው ክቡር ሚኒስትር፡፡
    • የምን ምክር?
    • መሥሪያ ቤቱ ውስጥ ሊያመጡ ያሰቡትን ለውጥ ሰምቻለሁ፡፡
    • እና ምን ይሁን?
    • ብዙ ባይለፉ መልካም ነው፡፡
    • ለምን?
    • ፓርቲሽን በማፍረስ ለውጥ ማምጣት አይቻልም፡፡
    • እርሱን ለእኔ ተውት፡፡
    • እና እርስዎም ቢያስቡበት ጥሩ ነው፡፡
    • ምንድን ነው የማስብበት?
    • ሹመትዎን ይጠቀሙበት፡፡
    • የተሾምኩት ለእኔ ጥቅም አይደለም፡፡
    • ታዲያ ለማን ነው?
    • ለአገር!

    [ክቡር ሚኒስትሩ ከሾፌራቸው ጋር ወደ ቤት እየሄዱ ነው]

    • የደካከሙ ይመስላሉ ክቡር ሚኒስትር?
    • አዎን ትንሽ ደክሞኛል፡፡
    • ታላቁን ሩጫ ሮጡ እንዴ?
    • አይ አልሮጥኩም፡፡
    • ዊኬንድ ላይ ኳስ አዩ?
    • እኔ እንደዚህ ዓይነት ነገር አይመቸኝም፡፡
    • የቀድሞ ክቡር ሚኒስትር እኮ ኳስ ሕይወታቸው ነበር፡፡
    • እንዴት?
    • ስብሰባ አቋርጠው ራሱ ደውለው ውጤት ይጠይቁኝ ነበር፡፡
    • ለዚህ ነዋ ቤቱን እንደዚህ ያበሰበሱት፡፡
    • ለነገሩ እኔም አልወዳቸውም ነበር፡፡
    • ለምን?
    • ራስ ወዳድ ናቸው፡፡
    • ማለት?
    • ራሴ ብቻ በልቼ ልሙት ነው የሚሉት፡፡
    • አልገባኝም፡፡
    • ስንትና ስንት ደላላና ባለሀብት ነው ያገናኘኋቸው፡፡
    • እና፡፡
    • በቃ ይኼው ስንት ፎቅና ፋብሪካ ለራሳቸው ሠርተው፣ እኔ ጎጆ እንኳን የለኝም፡፡
    • እ…
    • መቼም ክቡር ሚኒስትር እርስዎ እንደ እሳቸው አይደሉም?
    • ማለት?
    • እርስዎም ተጠቅመው እኔን ይጠቅሙኛል፡፡
    • ምን?
    • በርካታ ደላላና ባለሀብት አውቃለሁ፡፡
    • እና?
    • የሚኒስትር ጥቅሙ ምን ሆነና?
    • እ…
    • ደመወዝዎት እኮ ትታወቃለች፡፡
    • ምን?
    • ቶሎ ብለው ፎቅዎትን ይሥሩ ግን…
    • ግን ምን?
    • እኔንም ያስቡኝ፡፡
    • አንተ መባረር አለብህ፡፡
    • እ…
    • ከእኔ ጋር መሥራት አትችልም፡፡
    • ምን አደረግኩ?
    • የእኔ ሾፌር መሆን አትችልም፡፡
    • የእርስዎስ ካልሆንኩ የእርሳቸው መሆን እችላለሁ፡፡
    • የማን?
    • የቀድሞው ክቡር ሚኒስትር!

    በብዛት የተነበቡ ፅሁፎች

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    የዩኒቨርሲቲ መምህራን ከደመወዝ ጭማሪና ከዕርከን ዕድገት ጋር በተያያዘ መንግሥትን አስጠነቀቁ

    ‹‹የደመወዝ ጉዳይ የትምህርት ሚኒስቴር ብቻ ሳይሆን የሲቪል ሰርቪስ ኮሚሽንም...
    - Advertisment -

    ትኩስ ፅሁፎች

    የአገሪቱ ባንኮች ካፒታል 199.1 ቢሊዮን ብር ደረሰ

    ከታክስ በኋላ 50 ቢሊዮን ብር ማትረፋቸውን ብሔራዊ ባንክ አስታወቀ የአገሪቱ...

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...
    spot_img

    ተዛማጅ ፅሁፎች

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...

    [ክቡር ሚኒስትሩ የሚመሩት የሥራ አስፈጻሚ ኮሚቴ ስብሰባ አጀንዳ አድርጎ በያዘው ወቅታዊ የፀጥታና ደኅንነት ጉዳዮች ላይ ትኩረት በመስጠት ቢጀመርም በስተመጨረሻ አጀንዳውን ስቶ ስለ መዋደድ እየተጨቃጨቀ...

    በዛሬው መደበኛው መድረካችን አጀንዳ የተለመደው የፀጥታና ደኅንነት ጉዳይ ይሆናል። ሌላ አጀንዳ የምታስይዙት አጀንዳ ከሌለ በቀር ማለቴ ነው። ክቡር ሚኒስትር... እሺ ...ቀጥል አመሰግናለሁ ክቡር ሚኒስትር። መደበኛ አጀንዳው እንደተጠበቀ...

    [ክቡር ሚኒስትሩ ወደ መኖሪያ ቤታቸው ሲገቡ ባለቤታቸው የኢትዮጵያ አትሌቶች በዓለም ሻምፒዎና መንገሣቸውን እያነሱ ደስታቸውን ሲገልጹ አገኟቸው]

    እሰይ አገሬ... እሰይ አገሬ እልልል ምን ተገኘ ደግሞ ዛሬ? የአትሌቶቻችንን ድል ነዋ! በክፉ ሲነሳ የቆየውን የአገራቸውን ስም በወርቅ እያደሱ እኮ ነው?  አየሽ፣ መንግሥት የአገራችን ችግር ያልፋል ስሟም...