Tuesday, August 9, 2022
ሌሎች ዓምዶች
    - Advertisement -
    - Advertisement -
    ማኅበራዊየአምቦ ዩኒቨርሲቲ ከፍተኛ ኃላፊዎችና ሠራተኞች በሙስና ተጠርጥረው ተከሰሱ

    የአምቦ ዩኒቨርሲቲ ከፍተኛ ኃላፊዎችና ሠራተኞች በሙስና ተጠርጥረው ተከሰሱ

    ቀን:

    በመንግሥት ጥቅም ላይ ጉዳት ለማድረስ በማሰብና የተሰጣቸውን ሥልጣን ያላግባብ በመጠቀም በመንግሥት ላይ የ180 ሺሕ ብር ጉዳት አድርሰዋል ተብለው የተጠረጠሩ የአምቦ ዩኒቨርሲቲ ከፍተኛ ኃላፊዎችና ሠራተኞች፣ ኅዳር 1 ቀን 2009 ዓ.ም. በፌዴራል ከፍተኛ ፍርድ ቤት የሙስና ክስ ተመሠረተባቸው፡፡

    በአምቦ ዩኒቨርሲቲ የፋይናንስ አስተዳደርና ልማት ምክትል ፕሬዚዳንት ዶ/ር ታደሰ ቦዮሳ ተርፋ (ያልተያዙ)፣ የፋይናንስ አስተዳደር ዳይሬክቶሬት ዳይሬክተር አቶ ገዛኸኝ ታደሰ፣ የንብረት ክፍል ሠራተኛ አቶ ሰይፉ ዲንቃና የዩኒቨርሲቲው የግዥ ሠራተኛ አቶ ተስፋዬ ያደቴ የተጠረጠሩት የፌዴራል የጥሬ ገንዘብ መመርያን በመተላለፍ ሐሰተኛ ሰነድ አዘጋጅተው የሙስና ተግባር ፈጽመዋል በሚል መሆኑን፣ የፌዴራል ጠቅላይ ዓቃቤ ሕግ የመሠረተባቸው ክስ ያስረዳል፡፡

    ተከሳሾቹ በአምቦ ከተማ በሚገኘው የቶታል ኢትዮጵያ አክሲዮን ማኅበር የአምቦ ቶታል ነዳጅ ማደያ አገልግሎት በማይሰጥበት ቀን በሐሰተኛ ደረሰኝ ግዥ የፈጸሙ በማስመሰል፣ ሒሳብ እንዲወራረድ ማድረጋቸው ተጠቁሟል፡፡ በንብረት ገቢ ደረሰኝ ላይ ናፍጣ ሳይገባ የገባ በማስመሰል በዩኒቨርሲቲው የዕቃ ግዥ ማወራረጃ ላይ በመጻፍ እንዲወራረድ ማድረጋቸውንም ክሱ ያብራራል፡፡

    በአጠቃላይ ተከሳሾቹ በመመሳጠር ማደያው አገልግሎት በማይሰጥበት ጊዜ ያልተቀዳ ናፍጣ እንደተቀዳ በማስመሰል፣ በሕገወጥ መንገድ ሥልጣናቸውን ተገን በማድረግ የመንግሥትን ገቢ በማሳጣታቸው በፈጸሙት ሥልጣንን ያላግባብ መጠቀም የሙስና ወንጀል መከሰሳቸውን የዓቃቤ ሕግ ክስ ያስረዳል፡፡

    ተከሳሾቹ የተጠረጠሩበት ወንጀልና የተጠቀሰባቸው የወንጀል ሕግ ከአሥር ዓመታት በላይ የሚያስቀጣ በመሆኑ ዋስትና እንደማይፈቀድላቸው ፍርድ ቤቱ ገልጾ በማረሚያ ቤት እንዲቆዩ፣ ያልተያዙትን ተጠርጣሪ ፖሊስ አፈላልጎ በመያዝ እንዲያቀርብና የክስ መቃወሚያ ካላቸው ለኅዳር 16 ቀን 2009 ዓ.ም. እንዲያቀርቡ ትዕዛዝ ሰጥቷል፡፡    

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    የአገሪቱ ባንኮች ካፒታል 199.1 ቢሊዮን ብር ደረሰ

    ከታክስ በኋላ 50 ቢሊዮን ብር ማትረፋቸውን ብሔራዊ ባንክ አስታወቀ የአገሪቱ...

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...