Wednesday, August 10, 2022
ሌሎች ዓምዶች
    - Advertisement -
    - Advertisement -
    ማኅበራዊዳኞችንና ባለሥልጣናትን አውቃለሁ በማለት ከተለያዩ ባለጉዳዮች ገንዘብ በመቀበል የተጠረጠረች ግለሰብ ተከሰሰች

    ዳኞችንና ባለሥልጣናትን አውቃለሁ በማለት ከተለያዩ ባለጉዳዮች ገንዘብ በመቀበል የተጠረጠረች ግለሰብ ተከሰሰች

    ቀን:

    ዳኞችንና ባለሥልጣናትን እንደምታውቅ በመግለጽና ጉዳያቸውን በቀላሉ እንደምታስፈጽምላቸው በማስረዳት፣ ገንዘብ ተቀብላለች የተባለች ተጠርጣሪ በቁጥጥር ስር ውላ ተከሰሰች፡፡

    የ38 ዓመቷ ተከሳሽ አዜብ ጌታሁን የምትባል ስትሆን፣ ነዋሪነቷም በጉለሌ ክፍለ ከተማ ወረዳ 9 ውስጥ መሆኑን የቀረበባት የክስ መዝገብ ያስረዳል፡፡ ተከሳሿ ሐሰተኛ የታክስ ደረሰኝ በማዘጋጀት ተጠርጥሮ የታሰረውን አቶ ነፀረአብ ተወልደ የተባለን ተጠርጣሪ እህት ታገኛታለች፡፡ ወንድሟ የታሰረባት ጉዳይ እስከ 25 ዓመት እንደሚያሳስር ካስረዳቻት በኋላ፣ ገንዘብ ካላት እሷ (ተከሳሿ) ባለሥልጣናትንና ዳኞችን ስለምታውቅ በቀላሉ እንደምታስፈታላት እንደነገረቻት ክሱ ይገልጻል፡፡ ተከሳሿ ከዳኞችና ባለሥልጣናት ጋር ባላት ግንኙነት በርካታ ሰዎችን እንዳስፈታችም መግለጿን ክሱ ይጠቁማል፡፡

    በታክስ ደረሰኝ ተጠርጥሮ ለታሰረው ግለሰብ እህት በመጀመሪያ ለባለሥልጣናቱ ምግብና መጠጥ መጋበዣ 15,000 ብር እንደምትፈልግ ስትገልጽላት፣ ተበዳይ ተስማምታ እንደሰጠቻት ክሱ ያስረዳል፡፡ በተጨማሪም ለባለሥልጣናቱ ክፍያ በማለት 250,000 ብር በድምሩ 265,000 ብር መቀበሏንና በፈጸመችው የአታላይነት ወንጀል መከሰሷን ክሱ ያብራራል፡፡

    የፌዴራል ዓቃቤ ሕግ ያቀረበለትን ክስ የመረመረው የፌዴራል ከፍተኛ ፍርድ ቤት አራዳ ምድብ ችሎት፣ ግለሰቧ የወንጀል ሕግ አንቀጽ 692(1)ን ተላልፋ ወንጀሉን በመፈጸሟ፣ በወንጀለኛ መቅጫ ሥነ ሥርዓት ሕግ ቁጥር 96(2) መሠረት የ500,000 ብር ዋስትና በማስያዝ በውጭ ሆና እንድትከራከር ትዕዛዝ የሰጠ ቢሆንም ግለሰቧ ትዕዛዙን ተቃውማለች፡፡

    ተከሳሽ የፍርድ ቤቱን ብይን በመቃወም ለዋስትና እንድታስይዝ የተጠየቀችው የገንዘብ መጠን ከአቅሟ በላይ መሆኑን በመጥቀስ፣ አቅሟን ያገናዘበ ዋስትና እንዲፈቀድላት ለፌዴራል ጠቅላይ ፍርድ ቤት ይግባኝ ብላለች፡፡ የፌዴራል ጠቅላይ ፍርድ ቤት ይግባኝ ሰሚ ችሎት የስር ፍርድ ቤትን ብይን መርምሮ የተሰጠው ብይን የሚነቀፍ ሆኖ ባለማግኘቱ፣ ጥቅምት 25 ቀን 2009 ዓ.ም. በማፅናት መዝገቡን ዘግቶታል፡፡ 

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    የአፍሪካ የቴክኖሎጂ ኤክስፖ 13 የቴክኖሎጂ ዘርፎችን አካቶ ሊካሄድ ነው

    አሥራ ሦስት የተለያዩ የቴክኖሎጂ ዘርፎችን ያካተተ የአፍሪካ የቴክኖሎጂ ኤክስፖ...

    ‹‹ምዕራባውያን አፍሪካውያንን ለማዘዝ የሚያሳዩት ፍላጎት ተቀባይነት የለውም››

    የደቡብ አፍሪካ የውጭ ጉዳይ ሚኒስትር ናሌዲ ፓንደር የአሜሪካ የውጭ...

    ዕውቅና ቤት ለቤት ልብስ ለሚያጥቡ ሴቶች

    ሴቶች በሚኖሩበት ማኅበረሰብ ውስጥ ትልቅ ሚና የሚጫወቱ ሲሆን፣ መላው...

    በኮሎምቢያ ካሊ በወጣት አትሌቶች በሜዳሊያ የተንበሸበሸው ብሔራዊ ቡድን ዓርብ አቀባበል ይደረግለታል

    በኮሎምቢያ ካሊ በተካሄደው ዕድሜያቸው ከ20 ዓመት በታች የዓለም ወጣቶች...