Tuesday, August 16, 2022
ሌሎች ዓምዶች
    - Advertisement -
    - Advertisement -
    ዜናየኤርትራ አየር ኃይል የመለማመጃ አውሮፕላን በኢትዮጵያ ተዋጊ ጄቶች ከለላ ተደርጎለት ማረፉ ተጠቆመ

    የኤርትራ አየር ኃይል የመለማመጃ አውሮፕላን በኢትዮጵያ ተዋጊ ጄቶች ከለላ ተደርጎለት ማረፉ ተጠቆመ

    ቀን:

    በሁለት ነባር አብራሪዎች ወደ ኢትዮጵያ የኮበለለው የኤርትራ አየር ኃይል መለማመጃ አውሮፕላን፣ ከድንበር ጀምሮ በኢትዮጵያ አየር ኃይል ተዋጊ ጄቶች ከለላ ተደርጎለት መቐለ እንዲያርፍ መደረጉ ተጠቆመ፡፡

    ጥቅምት 16 ቀን 2009 ዓ.ም. ማለዳ በመቐለ አየር ኃይል ጣቢያ እንዲያርፍ የተደረገው ይኼው አውሮፕላን “Zlin-143-102” የሚባል ሲሆን፣ በሁለት ነባር የኤርትራ አየር ኃይል አብራሪዎች ነው ኢትዮጵያ የገባው፡፡ በሑመራ በኩል ባለው ድንበር አቋርጦ መምጣቱን ለትግራይ ክልል መንግሥት የፀጥታ ኃይሎች ቅርበት ያላቸው ምንጮች ለሪፖርተር ገልጸዋል፡፡

    በተለያዩ ዓለም አቀፍ ሚዲያዎች ከኤርትራ የኮበለሉት ሁለት አውሮፕላኖች መሆናቸው የቀረበው ዘገባ የተሳሳተ መሆኑን ለማረጋገጥ ተችሏል፡፡

    የኤርትራ ቀይ ባህር አፋር ነፃ አውጪ ድርጅት ቃል አቀባይ አቶ ነስረዲን አህመድ ዓሊን ዋቢ በማደረግ ቀዳሚ ዘገባ ያቀረበው አሶሼትድ ፕሬስ፣ መቐለ እንዲያርፉ የተደረጉት አውሮፕላኖች ሁለት መለስተኛ መጠን ያላቸው መሆናቸውን ዘግቦ ነበር፡፡

    ለልምምድና ለሥልጠና የሚውለውን የኤርትራ አየር ኃይል አውሮፕላን ወደ ኢትዮጵያ እንዲኮበልል ያደረጉት ሁለት አብራሪዎች አፈወርቂ ፍስሐዬና መብራህቱ ተስፋማርያም መሆናቸውን፣ አብራሪዎቹ በኤርትራ አየር ኃይል ለረጂም ጊዜ ያገለገሉና ከፍተኛ ልምድ ያላቸው መሆናቸውን ምንጮች ለሪፖርተር ጠቁመዋል፡፡

    እንደ ምንጮች ገለጻ፣ አውሮፕላኑ ከኤርትራ እንዲኮበልል የተደረገው በሑመራ በኩል ነው፡፡ መቐለ እንዲያርፍ የተደረገው ከድንበር ጀምሮ ጥቃት እንዳይደርስበት በኢትዮጵያ አየር ኃይል ሁለት ተዋጊ ጄቶጅ ታጅቦ ነበር፡፡

    በአካባቢው የነበሩ ዓይን እማኞች ለሪፖርተር እንደገለጹት፣ አውሮፕኑ መቐለ በሚያርፍበት ወቅት በጣም ዝቅ ባለ ከፍታ የሚበሩ የጦር አውሮፕላኖች ከፍተኛ ድምፅ ባልተለመደ ሁኔታ ተሰምቷል፡፡

    የኤርትራ ማስታወቂያ ሚኒስትር አቶ የማነ ገብረ መስቀል ግን ዘገባው መሠረት የሌለው ውሸት መሆኑን ለቢቢሲ ቢናገሩም፣ አብራሪዎቹ በፕሬዚዳንት ኢሳያስ አፈወርቂ የሚመራውን መንግሥት በመቃወም መኮብለላቸው ታውቋል፡፡ አንድ የኤርትራ አውሮፕላን ወደ ኢትዮጵያ ኮብልሎ ሲገባ ለመጀመሪያ ጊዜ ነው፡፡ ከዚህ በፊት በተደጋጋሚ የኤርትራ አብራሪዎች የጦር አውሮፕላኖችን ይዘው ወደ ሳዑዲ ዓረቢያ መኮብለላቸው ይታወሳል፡፡ ባለፈው ዓመት የኢትዮጵያ አየር ኃይል ሚ35 ሔሌኮፕተር አብራሪ ከድሬዳዋ አሰብ መግባቱ አይዘነጋም፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...