Thursday, August 18, 2022
ሌሎች ዓምዶች
    - Advertisement -
    - Advertisement -
    ዜናፕሬዚዳንት ሙላቱ አዲሱ ትውልድ ሰንደቅ ዓላማውን ከውጭ የጥፋት ኃይሎች እንዲጠብቅ አሳሰቡ

    ፕሬዚዳንት ሙላቱ አዲሱ ትውልድ ሰንደቅ ዓላማውን ከውጭ የጥፋት ኃይሎች እንዲጠብቅ አሳሰቡ

    ቀን:

    የኢፌዴሪ ፕሬዚዳንት ዶ/ር ሙላቱ ተሾመ አዲሱ ትውልድ ሰንደቅ ዓላማውን ከጥፋት ኃይሎች እንዲጠበቅ አሳሰቡ፡፡

    ዘንድሮ ሰኞ ጥቅምት 7 ቀን 2009 ዓ.ም. ለዘጠነኛ ጊዜ የሚከበረው የሰንደቅ ዓላማ ቀን ምክንያት በማድረግ ዓርብ ጥቅምት 4 ቀን 2009 ዓ.ም. መግለጫ የሰጡት ዶ/ር ሙላቱ፣ የኢትዮጵያ ሰንደቅ ዓላማ ጥልቅ ትርጉም ያለው መሆኑ በአጽንኦት አስምረውበታል፡፡ ‹‹ሰንደቅ ዓላማ የአገሮች መለያ ቢሆንም፣ የእኛ ግን ከዚህ የበለጠ ጥልቅ ትርጉም አለው፤›› ብለዋል፡፡

    ከታሪክና ከአገሪቱ ብዝኃነት አንፃር የኢትዮጵያ ሰንደቅ ዓላማ የነፃነትና የፅናት ዓርማ መሆኑን የተናገሩት ፕሬዚዳንቱ፣ የዚሁ ትውልድ የዘመን ተሻጋሪ ታሪክና የዴሞክራሲያዊ አንድነት ይቀጥል ዘንድ ከፀረ ሰላም ኃይሎች የመጠበቅ ኃላፊነት አለበት ብለዋል፡፡

    በድህነት ላይ በተጀመረው ዘመቻ የጥፋት ኃይሎች የልማቱን ዘላቂነት እንዳያደናቅፉት በተለይ ወጣቱ ኃላፊነት እንዳለበት አክለዋል፡፡ በድህነት ላይ የተጀመረው በእልህና በቁጭት የታጀበው ዘመቻ ተጠናክሮ እንዲቀጥልም ጥሪ አድርገዋል፡፡

    በአገሪቱ የተነሱ የመልካም አስተዳደር ጥያቄዎችን እንደ ክፍተት ተጠቅመው የአገሪቱን ሰላምና ፀጥታ ለማደፍረስ ሞክረዋል ያሉዋቸውን አገሮች ከዚሁ እኩይ ተግባራቸው እንዲቆጠቡ የጠየቁት ፕሬዚዳንቱ፣ የኢትዮጵያ ሕዝብ በተለይ ደግሞ ወጣቱ ትውልድ የአገሪቱን ሉዓላዊነትና አንድነት የመጠበቅ ኃላፊነቱን እንዲወጣ አሳስበዋል፡፡

    በአፍሪካ ብሎም በቀጣናው የኢትዮጵያ ተሰሚነት ከፍ ማለቱ እንቅልፍ የነሳቸው ያሉዋቸው የጠላት አገሮች የኢትዮጵያን አንድነት ለማናጋት መሞከራቸውንም አክለዋል፡፡

    ‹‹ይህ ትውልድ የአገራችንን ታሪክና ገጽታ የሚያዋርድ ኃይልና እንቅስቃሴን መመከት አለበት፤›› ብለዋል፡፡

    ለአገር መከላከያና ለፀጥታ ኃይሎች አድናቆታቸውን የገለጹት ዶ/ር ሙላቱ፣ የኢትዮጵያ ሕዝብና አዲሱ ትውልድ ‹‹የእኛነታችን መገለጫ›› ያሉትን ሰንደቅ ዓላማ በፅናት በመጠበቅ አለኝታነቱን እንዲያረጋግጥ ጥሪ አቅርበዋል፡፡  

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...