Tuesday, August 9, 2022
ሌሎች ዓምዶች
    - Advertisement -
    - Advertisement -
    ማኅበራዊበወረዳ ሥራ አስፈጻሚና በፖሊስ መኮንኖች ግድያ ግብረ አበር የተባሉ 33 ግለሰቦች ተከሰሱ

    በወረዳ ሥራ አስፈጻሚና በፖሊስ መኮንኖች ግድያ ግብረ አበር የተባሉ 33 ግለሰቦች ተከሰሱ

    ቀን:

    በንፋስ ስልክ ላፍቶ ክፍለ ከተማ ወረዳ አንድ ሃና ማርያም አካባቢ በሚገኘውና ‹‹ቀርሳ ኮንቶማ›› በመባል በሚታወቀው ሥፍራ፣ የወረዳውን ሥራ አስፈጻሚና ሁለት የፖሊስ መኮንኖችን በአሰቃቂ ሁኔታ ሲገደሉ ግብረ አበር ነበሩ የተባሉ 33 ግለሰቦች ጥቅምት 3 ቀን 2009 ዓ.ም. ክስ ተመሠረተባቸው፡፡

    ከሰነድ አልባ (ጨረቃ) ቤት ግንባታ ጋር በተያያዘ ሰኔ 22 ቀን 2008 ዓ.ም. ከረፋዱ 5፡00 ሰዓት አካባቢ በነዋሪዎቹና ፀጥታ አስከባሪዎች መካከል ተፈጥሮ በነበረው ግጭት፣ የወረዳ አንድ ሥራ አስፈጻሚ የነበሩት አቶ ታሪክ ፍቅሬና በአዲስ አበባ ፖሊስ ኮሚሽን በንፋስ ስልክ ላፍቶ ክፍለ ከተማ ፖሊስ መምርያ የለቡ ፖሊስ ጣቢያ ሽፍት ኃላፊዎች የነበሩት ኢንስፔክተር ሚካኤል ሽፈራውና ረዳት ኢንስፔክተር ተስፋዬ ባህሩ በአሰቃቂ ሁኔታ ሲገደሉ፣ ተከሳሾቹ ግብረ አበሮች እንደነበሩ የፌዴራል ጠቅላይ ዓቃቤ ሕግ ያቀረበው ክስ ያስረዳል፡፡

    ተከሳሾቹ ግብረ አበሮች በመሆን የወንጀል ሕግ አንቀጽ 539ን በመተላለፍ የሰው ሕይወት እንዲያልፍ ማድረጋቸውን ክሱ ያስረዳል፡፡

    የፌዴራል ጠቅላይ ዓቃቤ ሕግ ክሱን ለፌዴራል ከፍተኛ ፍርድ ቤት ልደታ ምድብ ሦስተኛ ወንጀል ችሎት ያቀረበ ሲሆን፣ ፍርድ ቤቱም ክሱን ለተከሳሾቹ በመስጠት በክሱ ላይ መቃወሚያ ካላቸው ለመስማት ለጥቅምት 16 ቀን 2009 ዓ.ም. እንዲያቀርቡ ትዕዛዝ ሰጥቷል፡፡  

    - Advertisement -

    ይመዝገቡ

    ተዛማጅ ጽሑፎች
    ተዛማጅ

    የአገሪቱ ባንኮች ካፒታል 199.1 ቢሊዮን ብር ደረሰ

    ከታክስ በኋላ 50 ቢሊዮን ብር ማትረፋቸውን ብሔራዊ ባንክ አስታወቀ የአገሪቱ...

    በዓለም ጂኦ ፖለቲካ መድረክ የኢትዮጵያ ተፈላጊነት

    የአሜሪካው የውጭ ጉዳይ ሚኒስትር አንቶኒ ብሊንከን በሦስት የአፍሪካ አገሮች...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር...

    ኢትዮጵያ ንግድ ባንክ በ2015 የሒሳብ ዓመት ተቀማጭ ገንዘቡን ከአንድ ትሪሊዮን ብር በላይ ለማሳደግ እንደሚሠራ አስታወቀ

    በተጠናቀቀው የሒሳብ ዓመት በተለያዩ ክንውኖቹ ከዕቅድ በላይ ውጤት ማስመዝገቡን...