Thursday, August 18, 2022
ሌሎች ዓምዶች
    - Advertisement -
    - Advertisement -
    ዝንቅየዘንድሮው የመስቀል በዓል ደመራ መስከረም 16 ቀን 2009 ዓ.ም. በአዲስ አበባ መስቀል...

    የዘንድሮው የመስቀል በዓል ደመራ መስከረም 16 ቀን 2009 ዓ.ም. በአዲስ አበባ መስቀል አደባባይ ሲከበር

    ቀን:

         አዲስ ዓመት

    ደመና ጭጋጉ ሲገፍለት

    በተራው ሲፈካ ሰማይ

    ምድሪቱ በቀለማት ህብር

    ስትደምቅ ስትሞሸር ባደይ

    አትምጪ ይቅርብሽ ከኔ

    አትምጪ ነገን ሰንቀሽ

    እሰይ መስከረም ጠባ

     አዲስ ቀን ነው ብለሽ

    ይልቁን…

    የውስጤ ዝናብ ሲያባራ

    የመንፈሴ ሰማይ ሲጠራ

    የልቤ አደይ ሲፈካ

    የተስፋ ፀሐዬ ስትበራ

    ያኔ ነይልኝ በሰኔ

    ነይልኝ ባምሌ ነሐሴው

    ነይልኝ ለእንቁጣጣሽ

    አዲስ ቀን አዲስ ዓመት ነው፡፡

    • ታዬ አስፋው፣ ‹‹ሐጢሾ›› (2008)

    * * *

    መኖሪያ ቤት ውስጥ የገባው ፔንጉዊን በቁጥጥር ሥር ዋለ

    በብዛት በደቡባዊ ንፍቀ ክበብ ውስጥ የሚገኙት ፔንጉዊኖች የሚኖሩት በውኃማ አካባቢዎች መሆኑ ይታወቃል፡፡ እንደ ዓሳና ሌሎች ባህር ውስጥ የሚገኙ እንስሳትና ነፍሳትን ይመገባሉ፡፡ በደቡብ አሜሪካ በሀምቦልት ግዛት ውስጥ የሚገኘው አንድ ፔንጉዊን ግን የተለመደውን ምግቡን ወደ ጐን ብሎ የሚበላ ነገር ፍለጋ ወደ አንድ መንደር አቀና፡፡ ምሽት ስለነበር ልብ ያለው አልነበረም፡፡ በአካባቢው ወደሚገኝ አንድ ቤትም ጐራ ይላል፡፡ ቢቢሲ እንደዘገበው የቤቱ ባለቤት ከወደ ማድቤታቸው የዕቃ ካካታ መስማታቸው ሌባ ገብቷል የሚል ስሜት ነበር ያሳደረባቸው፡፡ በፍጥነት ወደ ማድቤታቸው ሲገቡ ግን ያልጠበቁት ነበር ያጋጠማቸው፡፡ ምግብ ፍለጋ ጐራ ያለውን ፔንጉዊን የአካባቢው ፖሊስ ክፍል ደርሶ ወደ ነበረበት መልሶታል፡፡

    * * *

    አነጋጋሪዋ ተሳፋሪ

    ከአንድ ቦታ ወደ ሌላ አካባቢ በአውሮፕላን በሚደረግ ጉዞ መንደገኞች የተለያዩ ነገሮች ያጋጥማቸዋል፡፡ አጠገባቸው ከተቀመጠ ሰው ጋር ቃል ሳይነጋገሩ በረራውን የሚጨርሱ፣ ቦታ የማይበቃቸው ሌላም ሌላም የተለመዱ ገጠመኞች ናቸው፡፡ ከኪንሳንቲ ወደ ኬንታኪ ይበር በነበረው አውሮፕላን የታየው ግን ከዚህ የተለየ ነበር፡፡ ዘ ቴሌ ግራፍ እንዳስነበበው ባለፈው ሰኞ ወደ ኬንታኪ ሲበሩ ከነበሩ መንገደኞች መካከል አንደኛው ከጐኑ ባለው መቀመጫ ላይ አሻንጉሊት አስቀምጧል፡፡ ሁኔታው ያስገረማት ሣራ ኖቪክ የተሰኘችው አንዲት ሴትም ስለ ሁኔታው በትዊተር ገጿ አሰፈረች፡፡ ተከታዮቿም ሰውየውን እንደሚያውቁት፣ ከዚህ ቀደምም ባርባራ በሚል ስም ያወጣውን ፎርጂድ ፓስፖርት በመጠቀም እንደ ጓደኛው ለሚቆጥራት ለአሻንጉሊቱ የአየር ቲኬት እንደቆረጠ፣ ሁኔታው የደህንነት ሥጋት በመፍጠሩ ከፍተኛ ፍተሻ እንደተካሄደበትና ባርባራ አሻንጉሊቷ እንጂ ሌላ ሰው አለመሆኑን ደርሰውበት በዚህ እንደተቋጨ አስረዷት፡፡ ለሣራ መረጃውን ከሰጧት ተከታዮቿ መካከል አንደኛው የአሻንጉሊቷንና የሰውየውን ፎቶ በትዊተር ገጿ ላይ ለጥፎታል፡፡

    * * *

    በኮኬይን የተሞላ ቦርሳውን ፖሊስ እንዲያፋልገው የጠየቀ

    በአደንዛዥ ዕፅ የተሞላ ቦርሳው የጠፋበት የ19 ዓመት ወጣት፣ የጠፋ ቦርሳውን ፖሊስ እንዲያፋልገው በጠየቀበት ቅጽበት በቁጥጥር ሥር ዋለ፡፡

    የሲያትል ፖሊስ ዲፓርትመንትን ጠቅሶ ዩፒአይ እንዳሰፈረው፣ የጠፋውን የወጣቱን ቦርሳ ያገኘ ሰው፣ ቦርሳውን ለፖሊስ አስረክቦ ነበር፡፡ በቦርሳው ውስጥ አራት ትላልቅና 27 ትናንሽ እሽግ ኮኬይን፣ ጥቂት ማሪዋናና፣ ሰዎች ከሱስ ወይም ከሌላ ህመም ጋር ተያይዞ ጭንቀት ውስጥ ሲገቡ ሊያነቃቃ የሚችል 50 እንክብል መድኃኒት፣ የ19 ዓመቱ ወጣት መታወቂያና የእጅ ስልክም ነበር፡፡

    ቦርሳ ጠፍቶብኛል ብሎ ፖሊስን የጠየቀው ወጣትም፣ በአደንዛዥ ዕፅ አዘዋዋሪነት በቁጥጥር ሥር ውሏል፡፡  

    * * *

    በመጥፋት ላይ ያሉት የዓለም ቅርሶች

    ዩኔስኮ በአያያዝ ችግርና በዕድሜ ብዛት በመጥፋት ላይ የሚገኙ ዘጠኝ የዓለም ቅርሶችን ዝርዝር አወጣ፡፡ ዘ ኢንዲፔንደንት እንዳቀረበው ሥጋት ውስጥ የገቡት ቅርሶች የሚከተሉት ናቸው፡፡

    • በፍሎሪዳ የሚገኘው ኤቨር ግላድስ ናሽናል ፓርክ
    • የቀድሞ የኢየሩሳሌም ከተማና ግንቦች
    • በአሜሪካ የሚገኘው ብሌይዝ ቤሪየር ሪፍ ሪሰርቭ ሲስተም
    • የግብፁ አቡ ሜና
    • የኢንዶኔዥያው ትሮፒካል ሬይን ፎረስት ሄሪቴጅ ኦፍ ሱማትራ
    • የጆርጂያው ባጋርቲ ካቴድራልና ጄላቲ ገዳም
    • በፔሩ የሚገኘው ቻንቻን የአርኪዮሎጂ ዞን
    • በማዳጋስጋር የሚገኘው አስናና ደን
    • በሊቨርፑል የምትገኘው ማሪታይም መርካንታይል ከተማ ናቸው፡፡
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...