Monday, August 15, 2022
ሌሎች ዓምዶች
    - Advertisement -
    - Advertisement -
    - Advertisement -

    ፌርማታ ፅሁፎች

    ሐዋሳ የጨንበላላ በዓል የሚከበርበት አካባቢ

    ትኩስ ፅሁፎች

    ጊዜያዊ ውበት

    ገንዘብ አልፈልግም

                ሀብታም አታድርገኝ

                      ኃጢዓት እንዳልሠራ፣

    ሥልጣንም አልሻ

                በክፋት እንዳልኖር

                      አንተን እንድፈራ፡፡

    ከፍ ካሉት እኩል

                ከፍ ብየ እንድውል

                      ጭራሽ አያምረኝም፣

    ቅንጦት አልፈልግም

                ልቀናጣ አልልም

                      ጉድጓዴን አልምስም፣

    ሥልጣንም ገንዘብም

                ጊዜያዊ ውበት ነው

                      ማልዶ የሚከስም፡፡

    (ዕርቅይሁን በላይነህ፣ እርቃንሽን ቅሪ 2007 ዓ.ም.)

    ********

    እንግሊዝ የዓለም ሁለተኛዋ የጦር መሣሪያ ሻጭ አገር ሆና ተገኘች

    እ.ኤ.አ. ከ2010 ወዲህ የእንግሊዝ ሁለት ሦስተኛ የጦር መሣሪያዎች ለመካከለኛው ምሥራቅ አገሮች መሸጣቸውን የዘ ኢንዲፔንደንት ዘገባ አመለከተ፡፡ ከእንግሊዝ መንግሥት የተገኘ መረጃን ዋቢ በማድረግ የተሠራው ዘገባ እንደሚጠቁመው የተሸጡት የጦር መሣሪያዎች በአብዛኛው በመካከለኛው ምሥራቅ አገሮች እየተካሄዱ ባሉ ጦርነቶች ላይ ውለዋል፡፡ ከ2010 ወዲህ ግጭት አለባቸው ከሚባሉ 51 አገሮች እንግሊዝ ለ39ኙ የጦር መሣሪያ ሸጣለች፡፡ ከእነዚህ አገሮች 22 የሚሆኑት አገሮች ደግሞ በእንግሊዝ በራሷ የሰብዓዊ መብት ጥሰት የአገሮች ዝርዝር ላይ የሰፈሩ ናቸው፡፡

    ******

    የዶናልድ ትራምፕ ሐውልት ለጨረታ ቀረበ

    ትልቁና ራቁት የዶናልድ ትራምፕ ሐውልት ለጨረታ መቅረቡና ገቢው ስደተኞችን ለሚደግፉ ቡድኖች እንደሚውል ሮይተርስ ዘገበ፡፡ በሎስ አንጀለስ ከሚደረገው የትራምፕ ሐውል ጨረታ ከ10,000 እስከ 20,000 ዶላር እንደሚጠበቅም ታውቋል፡፡ ካለፈው ወር ጀምሮ ማንም ምንም ሳይሰማ የትራምፕ ሐውልቶች ኒውዮርክን ጨምሮ በሌሎች አራት ከተሞች ጉብ እንዲሉ ተደርጓል፡፡ ቢሆንም ግን ብዙዎቹ ሐውልቶች በሚመለከታቸው ቢሮዎች ሲወረሱና ሲወድሙ የተረፈው ለጨረታ የቀረበው የሎስአንጀለሱ የትራምፕ ሐውልት ብቻ ነው፡፡ ሐውልቶቹ የተቀረፁ ማንነቱ ባልታወቀ አርቲስት ነው፡፡

    ********

    የዓለም ወፍራሟ ሴት ለመባል እየጣረች ያለው ሴት

    ሞኒካ ሪሌይ የተባለች ሞዴል (የግዙፎች ሞዴል) ምንም እንኳ በአሁኑ ወቅት ክብደቷ ከ317 ኪሎ ግራም በላይ ቢሆንም የዓለም ወፍራሟ ሞዴል ለመባል የቻለችውን ያህል አብዝታ እየተመገበች መሆኑን ዘገባዎች አመለከቱ፡፡ በአሜሪካ ቴክሳስ ነዋሪ የሆነችው ሞኒካን ህልሟ ዕውን ይሆን ዘንድ መጋቢ በመሆን እየረዳት ያለው ባለቤቷ ነው፡፡ ሞኒካ እንዳለችው ዕቅዷ አሁን ያላትን ክብደት በእጥፍ መጨመር ሲሆን፣ መንቀሳቀስ እስኪያቅታት ድረስ መጨመር ትፈልጋለች፡፡ በአሁኑ ወቅት ከአልጋ ወይም ከሶፋ ላይ ለመነሳት የሚረዳት ባለቤቷ ነው፡፡

    - Advertisement -
    - Advertisement -

    ተጨማሪ ለማንበብ

    በብዛት የተነበቡ ፅሁፎች