Thursday, August 18, 2022
ሌሎች ዓምዶች
    - Advertisement -
    - Advertisement -
    ዝንቅውድድር ላይ የክብደት አንሽው እጅ ዞረ

    ውድድር ላይ የክብደት አንሽው እጅ ዞረ

    ቀን:

    በሪዮ ኦሎምፒክ ፍፃሜ ውድድር ላይ የአርሜኒያው ክብደት አንሺ እጅ ክብደት በማንሳት ላይ ሳለ መዞሩን ዘ ኢንዲፔንደንት ዘገበ፡፡ የ20 ዓመቱ ካራፔቲያን የተወዳደረው በ77 ኪሎ ግራም የወንዶች ክብደት ማንሳት ውድድር ነበር፡፡ ይህ ክብደት አንሺ እ.ኤ.አ. በ2016ቱ የአውሮፓ ክብደት ማንሳት ሻምፒዮንሺፕ አሸናፊ ሲሆን፣ በተመሳሳይ ዓመት በተካሔደው በዓለም ክብደት ማንሳት ሻምፒዮንሼፕም ነሀስ ማግኘቱ ይታወቃል፡፡ ዘገባዎች እንደሚያመለክቱት ካራፔቲያን 195 ኪሎ ግራም ክብደት ለማንሳት ሲሞክር ግን አንድ እጁ ወደተሳሳተ አቅጣጫ ታጥፏል፡፡ ይህ ባደረሰበት ከባድ ስቃይ እዚያው የውድድር መድረክ ላይ ሲጮህ ለነበረው ካራፔቲያን የሕክምና ባለሙያዎችና አሠልጣኞች ወዲያው የደረሱለት ሲሆን፣ ወደ ሆስፒታል ተወስዷል፡፡

    *******************

    የደመወዝ ዋዜማ

    ለ29 ዓመት ከምናፍቅሽ

                አንድ ቀን መጥተሽ ተሳልመሽኝ

    እንደፍትወት ደስታ ሳታጥር

                ዋዜማሽ ለወር ትርዘምልኝ

    ለነገ ደመወዝ ተበድሬ

                አሸሼ ገዳሜ ልበል

    ስስቴን ልርሳ ለዛሬ

                ኪራይ ብድሩም ይቅለል

    በስሜ ቆይኝ ለነገ

                አይምሽ ዛሬ እንዳልበላ

    እኔ ልቁጠርሽ እንጂ

                ወሳጅ ፈንጣዡ ሌላ

    እያለምኩሽ በአይነ ህሊናዬ

                እንትፍ እያልኩ ስቆጥር

    ቁንዝር ካለው ቦርሳዬ

                መዥረጥ አድርጌ ስመነዝር

    ያኔነው የኔ ሀሴት የኔ ፍስሀ

                ምድር የማይበቃት ነፍሴ

    በቅርብ እያየሁሽ በዋዜማ

                ደሞዜ ሳትነጥሪ ኪሴ፡፡

    • ታዬ አስፋው፣ ‹‹ሐጢሾ›› (2008)

    *******************

    የምግብ መመረዝ ኤክስፐርቱ አልበላቸውም ያላቸው ምግቦች

    ለ20 ዓመታት ያህል ከምግብ መመረዝ ጋር በተያያዘ በተመሠረቱ ክሶች ላይ የሠራው ባለሙያ (ጠበቃ) አልበላቸውም ያላቸውን ስድስት ነገሮች ዘርዝሯል፡፡ ጠበቃ ቢል ማርለር ለተከራከረላቸው ደንበኞች እስካሁን 600 ዶላር ካሳ ማስገኘቱ ተገልጿል፡፡ ማርለር እንደሚለው ከምግብ መመረዝ ጋር በተያያዘ ጥብቅና የቆመባቸው ኬዞች የተወሰኑ ምግቦችን እንዳይመገብ አስተምሮታል፡፡ ጥሬ ኦይስተር፣ ያልታጠቡ ፍራፍሬና አትክልቶች፣ በደንብ ያልተጠበሰ ሥጋ፣ ስቴክ፣ ያልተጠበሰ ወይም ያልተቀቀለ እንቁላልና ፓስቸራይዝድ ያልሆነ ወተትና ጁስ እንዳልመገባቸው ልምዴ አስተምሮኛል ያላቸው ምግብና መጠጦች ናቸው፡፡

    *******************

    የ15 ዓመቱ ታዳጊ ያገኘው ከተማ

    የሳተላይት ፎቶዎችንና የማያዊያንን አስትሮኖሚ በመጠቀም የተረሳውን የማያ ከተማ የ15 ዓመቱ ካናዳዊ ዊሊያም ጋዶሪ ሳያገኝ እንዳልቀረ የዘ ኢንዲፔንደንት ዘገባ አመለከተ፡፡ ታዳጊው ከተማውን ለማግኘት የቻለው የካናዳ ስፔስ ኤጀንሲ የሳተላይት ምስሎችን በመጠቀም ሲሆን፣ አገኘሁት ያለውን ከተማ ‹‹የእሳት አፍ›› ሲል ሰይሞታል፡፡ የካናዳው ስፔስ ኤጀንሲ ዳንኤል ዲ ሊስል ከተማው የተገኘበት አካባቢ ጥቅጥቅ ደን በመሆኑ ለማጥናት አስቸጋሪ መሆኑን ተናግረዋል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...