Monday, August 15, 2022
ሌሎች ዓምዶች
    - Advertisement -
    - Advertisement -
    ዜናኢጋድ አዲሱ የደቡብ ሱዳን ምክትል ፕሬዚዳንት ሥልጣናቸውን እንዲለቁ ወሰነ

    ኢጋድ አዲሱ የደቡብ ሱዳን ምክትል ፕሬዚዳንት ሥልጣናቸውን እንዲለቁ ወሰነ

    ቀን:

    – ዶ/ር ሪክ ማቻር ወደ ቀድሞ ቦታቸው እንዲመለሱ ጠየቀ

    የምሥራቅ አፍሪካ የልማት በየነ መንግሥታት ድርጅት (ኢጋድ) በደቡብ ሱዳን ወቅታዊ ጉዳይ ላይ ከመከረ በኋላ፣ በቅርቡ የተሾሙት ምክትል ፕሬዚዳንት ታባን ዴንግ ጋይ ሥልጠናቸውን እንዲለቁ ወሰነ፡፡ ከሥልጣናቸው ተነስተው የነበሩት ተቃዋሚው ዶ/ር ሪክ ማቻር ደግሞ ወደ ቀድሞ ቦታቸው እንዲመለሱ ጠየቀ፡፡

    ከሐምሌ 29 ቀን 2008 ዓ.ም. ጀምሮ በዝግ በሸራተን አዲስ ሲካሄድ የቆየው የኢጋድ ፕላስ የመሪዎች ስብሰባ የተጠናቀቀ ሲሆን፣ ቀደም ሲል የተፈረመው ስምምነት ይከበር ዘንድ በዋና ከተማው ጁባ የተከፈተው ተኩስ እንዲቆምና የተደረጉ የኃላፊነት ለውጦች ውድቅ እንዲሆኑ ወስኗል፡፡

    ከአንድ ወር በፊት በጁባ ለፕሬዚዳንት ሳል ቫኪር ታማኝ በሆኑ የፀጥታ ኃይሎችና በምክትል ፕሬዚዳንቱ ዶ/ር ሪክ ማቻር ጠባቂዎች መካከል በተከሰተው ግጭት፣ ቁጥራቸው ከ300 የማያንሱ ሰዎች ለሕልፈት እንደተዳረጉና ምክትል ፕሬዚዳንቱም በመኖሪያ ቤታቸው ጥቃት እንደደረሰባቸው ተዘግቦ ነበር፡፡ ዶ/ር ሪክ ማቻር ከዚህ ክስተት በኋላ ጁባን ለቀው የወጡ ሲሆን፣ ወደ ቦታቸው እንዲመለሱ በፕሬዚዳንቱ የቀረበላቸውን ማሳሰቢያ አልተቀበሉም ነበር፡፡ ፕሬዚዳንቱም የጥሪያቸውን ቀነ ገደብ በማለፉ ሳቢያ፣ በቀድሞ ተቀናቃኛቸው ቦታ ላይ ጄኔራል ታባን ዴንግ ጋይን  መሾማቸው ይታወሳል፡፡

    ኢጋድ ሁሉንም ባለድርሻ አካላት ባሳተፈ ስብሰባ፣ በተለይ በፕሬዚዳንቱ የተደረጉ የሹመት ለውጦችና የሰላም አስከባሪ ኃይል ጣልቃ መግባት አስፈላጊነት ላይ በዋናነት መክሯል፡፡ ባወጣው ባለ 21 ነጥብ መግለጫ የደቡብ ሱዳን መንግሥት በአገሪቱ የተከሰተው ቀውስ ለመፍታት በሚደረገው ጥረት ተባባሪ እንዲሆን አሳስቧል፡፡

    በደቡብ ሱዳን ወቅታዊ ጉዳዮች ላይ ለመምከር የተጠራውን አስቸኳይ ስብሰባ የወቅቱ የኢጋድ ሊቀመንበር ጠቅላይ ሚኒስትር ኃይለ ማርያም ደሳለኝ የመሩት ሲሆን፣ የድርጅቱ አባል አገሮች መሪዎችም ተገኝተዋል፡፡

    እንዲሁም ደግሞ በዚሁ ኢጋድ ፕላስ በመባል የሚታወቀው ቡድን አካል የሆኑት የሩዋንዳው ፕሬዚዳንት ፖል ካጋሜን ጨምሮ የአልጄሪያ፣ የናይጄሪያ፣ የቻድና የደቡብ አፍሪካ ፕሬዚዳንቶች፣ የተመድ ዋና ጸሐፊ፣ የአፍሪካ ኅብረት ኮሚሽን ተወካዮች፣ እንዲሁም የደቡብ ሱዳን ተቆጣጣሪና አጣሪ ኮሚሽን ሊቀመንበር የታደሙበት ነበር፡፡

    በአዲስ አበባ የሚገኘው የኤስፒኤልኤም (ተቃዋሚው) የአፍሪካ ኅብረትና የኢትዮጵያ ልዑክ ቡድን የፕሬዚዳንቱን ዕርምጃ የሚቃወም መግለጫ አውጥተዋል፡፡ ተደብቀው የሚገኙት የዶ/ር ሪክ ማቻር ሀቀኛ ተወካይ ነኝ ያሉ ግለሰብም በዕለቱ ለአደራዳሪዎች የተቃውሞ መግለጫቸው እንዲበተን አድርገዋል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...