Thursday, August 18, 2022
ሌሎች ዓምዶች
    - Advertisement -
    - Advertisement -
    ማኅበራዊለአዲስ አበባ ከተማ መንገዶች ባለሥልጣን አዲስ ዋና ሥራ አስኪያጅ ተሾመ

    ለአዲስ አበባ ከተማ መንገዶች ባለሥልጣን አዲስ ዋና ሥራ አስኪያጅ ተሾመ

    ቀን:

    ከንቲባ ድሪባ ኩማ ማክሰኞ ሐምሌ 26 ቀን 2008 ዓ.ም. ለአዲስ አበባ ከተማ መንገዶች ባለሥልጣን አዲስ ዋና ሥራ አስኪያጅ ሾሙ፡፡

    በአዲስ አበባ ከተማ አስተዳደር በከፍተኛ ኃላፊነት ቦታ ለረዥም ዓመታት  በማገልገል የሚታወቁት ኢንጂነር ፍቃዱ ኃይሌ፣ ባለፈው ሳምንት ከአዲስ አበባ መንገዶች ባለሥልጣን ዋና ሥራ አስኪያጅነት መነሳታቸው ይታወሳል፡፡ በምትካቸው ደግሞ ኢንጂነር ሀብታሙ ተገኝ ተሹመዋል፡፡

    ኢንጂነር ፍቃደ ኃይሌን ተክተው የአዲስ አበባ ከተማ መንገዶች ባለሥልጣን ዋና ሥራ አስኪያጅ እንዲሆኑ የተሰየሙት ኢንጂነር ሀብታሙ፣ የሹመት ደብዳቤያቸው በከንቲባ ድሪባ ተፈርሞ ሐምሌ 26 ቀን 2008 ዓ.ም. እንደደረሳቸው ታውቋል፡፡

    ኢንጂነር ሀብታሙ ከነሐሴ 27 ቀን 2008 ዓ.ም. ጀምሮ አዲሱ ኃላፊነታቸውን ይረከባሉ ተብሎ ይጠበቃል፡፡

    ለአሥራ አራት ዓመታት የአዲስ አበባ ከተማ መንገዶች ባለሥልጣን ዋና ሥራ አስኪያጅ በመሆን ያገለገሉት ኢንጂነር ፍቃዱ ኃላፊነታቸውን የለቀቁት በገዛ ፈቃዳቸው ባቀረቡት ጥያቄ ነው ተብሏል፡፡ ምክትላቸው አቶ ግደይ እሸ በተመሳሳይ ከኃላፊነታቸው ለቀዋል፡፡

    አዲሱ ዋና ሥራ አስኪያጅ የ41 ዓመት ጎልማሳ ሲሆኑ፣ አዲሱ ሹመት እስኪሰጣቸው ድረስ በቅርቡ በተቋቋመው ግዙፉ የኢትዮጵያ ኮንስትራክሽን ሥራዎች ኮርፖሬሽን ምክትል ዋና ሥራ አስፈጻሚ ሆነው እየሠሩ ነበር፡፡

    ቀደም ብሎም ከሁለት ዓመታት በፊት ከኢትዮጵያ መንገዶች ባለሥልጣን ተገንጥሎ ራሱን ችሎ እንዲቋቋም የተደረገው የኢትዮጵያ መንገድ ኮርፖሬሽን የመጀመርያው ዋና ሥራ አስኪያጅ በመሆን ሠርተዋል፡፡

    ከአዲስ አበባ ዩኒቨርሲቲ በሲቪል ኢንጂነሪንግ የመጀመርያ ዲግሪያቸውን የወሰዱት ኢንጂነር ሀብታሙ፣ በሥራው ዓለም ከሁለቱ ኮርፖሬሽኖች ኃላፊነታቸው በተጨማሪ በኢትዮጵያ መንገዶች ባለሥልጣን የተለያዩ ፕሮጀክቶች ሥራ አስኪያጅ በመሆን ሠርተዋል፡፡

    በተለይ በአስቸጋሪነታቸው ተጠቃሽ ስለመሆናቸው በዘርፉ ባለሙያዎች ጭምር የሚነገርላቸውን የመንገድ ፕሮጀክቶች በመምራት ይታወቃሉ፡፡ በተለይ በሶማሌ ክልል የሚገኙትን አስቸጋሪ የመንገድ ፕሮጀክቶች በኃላፊነት በመምራትና በማስፈጸም መልካም ስም እንደነበራቸው በቅርብ የሚያውቋቸው ይገልጻሉ፡፡

    ለኢንጂነር ሀብታሙ ቅርበት ያላቸው ወገኖች እንደሚገልጹት፣ ፈታኝ የሚባሉ ፕሮጀክቶችን በመምራትና በማስፈጸም ባሳዩት አፈጻጸም ለሁለት ተከታታይ ዓመታት የኢትዮጵያ መንገዶች ባለሥልጣን ምርጥ የፕሮጀክት ሥራ አስኪያጅ በመሆን ተሸልመዋል፡፡

    ስለአዲሱ ሹመት ሪፖርተር ያነጋገራቸው ኢንጂነር ሀብታሙ፣ ‹‹ኢንጂነር ፍቃዱ ብዙ ሥራ ሠርተዋል፤›› በማለት በራሳቸው የተጀመሩ ሥራዎችን ማስፈጸም አንዱ ተግባራቸው እንደሚሆን አመልክተዋል፡፡

    ‹‹ከዚህ ውጪ ግን አዲስ አበባ የአፍሪካ መዲና መሆኗን የሚያሳዩ ዘመናዊ የመንገድ ሥራዎችና ግልጽ የሆነ አሠራርን በማስፈን የተሻለ መንገድ ያላት ከተማ ለማድረግ አስፈላጊውን ሁሉ አደርጋለሁ፤›› በማለትም አክለዋል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...