Thursday, August 18, 2022
ሌሎች ዓምዶች
    - Advertisement -
    - Advertisement -
    ማኅበራዊከ41 ሚሊዮን ብር በላይ ያለመያዣ ያበደሩ ሰባት የአዲስ ብድርና ቁጠባ ተቋም ሠራተኞች...

    ከ41 ሚሊዮን ብር በላይ ያለመያዣ ያበደሩ ሰባት የአዲስ ብድርና ቁጠባ ተቋም ሠራተኞች ታሰሩ

    ቀን:

    ከአዲስ ብድርና ቁጠባ ተቋም አሠራር ውጪ ያለምንም መያዣ ከ41 ሚሊዮን ብር በላይ በማበደር የተጠረጠሩ ሰባት ሠራተኞች፣ በፖሊስ ቁጥጥር ሥር ውለው እየተመረመሩ ነው፡፡

    በፌዴራል ፖሊስ ኮሚሽን ወንጀል ምርመራ ዘርፍ የታክቲክ ወንጀል ምርመራ ዳይሬክቶሬት በቁጥጥር ሥር ያዋላቸው ተጠርጣሪዎች ኢሳቅ ኦዳ፣ አልታሽወርቅ ፍሰሐ፣ ቡልቻ ኦሉማ፣ ኃይሉ ቸርነት፣ ክብነሽ ተስፋዬ፣ አንድነት ደረሰና ሙሉመቤት ማሞ ሲሆኑ፣ ለተጨማሪ ምርመራ 14 ቀናት ጠይቆባቸዋል፡፡

    ዳይሬክቶሬቱ ለፌዴራል ከፍተኛ ፍርድ ቤት ሁለተኛ ወንጀል ችሎት ባቀረበው የምርመራ ሒደት እንዳስታወቀው ተጠርጣሪዎቹ ገርጂ፣ ዓለምገና፣ ካዛንቺስና አራዳ ዲስትሪክት ከሚገኙት የተቋሙ ቅርንጫፍ ጽሕፈት ቤቶች፣ ደንበኛ ከሆነ ግለሰብ ጋር በጥቅም በመተሳሰር ሐሰተኛ ሰነዶችን በመያዣነት በመቀበል ብድሩን ፈቅደዋል፡፡

    ግለሰቡ ሐሰተኛ ሰርተፊኬት፣ ሐሰተኛ ሊብሬ፣ ሐሰተኛ የንግድ ፈቃድና ሐሰተኛ ቼክ በመያዣነት ሲያቀርብ፣ ያቀረባቸው ሰነዶች እውነተኛ መሆን አለመሆናቸውንና መታገዳቸውን ሳያጣሩና ሳያረጋግጡ ከተቋሙ አሠራር ውጪ በመያዣነት እንደወሰዱለት ፖሊስ ለፍርድ ቤቱ አስረድቷል፡፡

    ተጠርጣሪዎቹ በርካታ መሆናቸውንና የምስክሮችን ቃልና የተጠርጣሪዎችንም ቃል መቀበል እንደቀረው ለፍርድ ቤቱ በማስረዳት፣ የጠየቀው ጊዜ እንዲፈቀድለት አመልክቷል፡፡ ፍርድ ቤቱም አሥር ቀናት ተጨማሪ ጊዜ በመፍቀድ ለሐምሌ 7 ቀን 2008 ዓ.ም. ተለዋጭ ቀጠሮ ሰጥቷል፡፡   

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...