Tuesday, August 16, 2022
ሌሎች ዓምዶች
    - Advertisment -
    - Advertisment -

    የአገር ሀብት የፈሰሰባቸው መንገዶች ለአደጋ ተጋልጠዋል!

    የዘንድሮ ክረምት የተጠናከረ እንደሚሆን የሚቲዎሮሎጂ መረጃዎች ያመለክታሉ፡፡ በዚህም ምክንያት በሚቀጥሉት ሁለት ወራት መጠኑ ከፍተኛ የሆነ ዝናብ ይኖራል ማለት ነው፡፡ የዝናቡ መጠን ሲጨምር ደግሞ የጠቀሜታውን ያህል ጉዳትም ያስከትላል፡፡ በመኖሪያ ቤቶች፣ በእርሻዎችና በተለያዩ ሥፍራዎች ከሚደርሰው ጉዳት በተጨማሪ ከፍተኛ የአገር ሀብት የፈሰሰባቸው መንገዶች ለጉዳት ተጋላጭ ይሆናሉ፡፡ የአገሪቱን ዋና ከተማ ከተለያዩ ከተሞች ጋር ከሚያገናኙ አውራ ጎዳናዎች በተጨማሪ፣ በከተሞች ውስጥ የተገነቡ መንገዶችም ለብልሸት ይዳረጋሉ፡፡ የክረምቱ ዝናብ ከፍተኛ ጉዳት ከማድረሱ በፊት የሚመለከታቸው አካላት ኃላፊነታቸውን በአግባቡ ሊወጡ ይገባል፡፡

    ባለፈው እሑድ ሰኔ 26 ቀን 2008 ዓ.ም. ሌሊት በአዳማ ከተማ በጣለው ከባድ ዝናብ ሳቢያ የደረሰው የሰው ሕይወት መጥፋትና የንብረት ውድመት፣ የምንነጋገርበትን ርዕሰ ጉዳይ ያጠናክረዋል፡፡ በአዳማ የጣለው ከባድ ዝናብ ያስከተለው ጎርፍ ከፍሳሽ ማስወገጃ ቱቦዎች አቅም በላይ በመሆኑ፣ በመንገዶች ላይ እየጋለበ በመኖሪያ ቤቶችና በሆቴሎች ላይ ከፍተኛ ጉዳት አድርሷል፡፡ ለአንድ ሕፃን ሕይወት መጥፋትም ምክንያት ሆኗል፡፡ በከተማው ውስጥ የሚገኙ አምስት ቀበሌዎችን ያካለለው ከባድ ጎርፍ በርካታ ተሽከርካሪዎችንም ውጧቸው ነበር፡፡ እንዲህ ዓይነቱ ክስተት በበርካታ የአገሪቱ ከተሞች ላይ አደጋ መደቀኑን ያመላክታል፡፡

    በአዲስ አበባ ከተማ በተለያዩ አካባቢዎች በርካታ መንገዶች ተገንብተዋል፡፡ ዝናብ በዘነበ ቁጥር መንገዶቹ በጎርፍ ሲጥለቀለቁ ይታያል፡፡ የዘንድሮው የክረምት ዝናብ መጠን ሲጨምር ግን ከፍሳሽ ማስወገጃ ቱቦዎች አቅም በላይ የሆነ ጎርፍ መንገዶችን እያጥለቀለቀ የትራፊክ ፍሰቱን ከማስተጓጎሉም በላይ በሰው ሕይወትና ንብረት ላይ ጉዳት ያስከትላል፡፡ ከፍተኛ የአገር ሀብት ያወጣባቸው መንገዶችም የአገልግሎት ጊዜያቸው ያጥራል፡፡ በተለያዩ ጊዜያት በጎርፍ በተደጋጋሚ የሚጠቁ መንገዶች ተገቢው ትኩረት ስለማይሰጣቸው እየፈራረሱ ሲሆን፣ ተገቢው ጥገና ስለማይደረግላቸውም ለተሽከርካሪ አደጋዎች ምክንያት እየሆኑ ነው፡፡ በዚህም ምክንያት በአገር ሀብት ላይ ከፍተኛ ውድመት ይደርሳል፡፡

    መንገዶች ሲገነቡ የፍሳሽ ማስወገጃ ቱቦዎች በልዩ ትኩረት መሠራት ሲኖርባቸው ችላ ስለሚባል፣ ብዙዎች መንገዶች የጎርፍ መጋለቢያ ሆነዋል፡፡ የፍሳሽ ማስወገጃ ቱቦ የተሠራላቸው መንገዶች በደረቅ ቆሻሻዎችና በባዕድ ነገሮች እየተዘጉ ፍሳሽ ማስተናገድ አልቻሉም፡፡ በቱቦዎቹ ላይ ቁጥጥር በማድረግ ዕርምጃ ባለመወሰዱ  ዝናብ ጠብ ሲል መንገዶቹ በጎርፍ ይወረራሉ፡፡ መንገዶቹ በርካታ ተሽከርካሪዎችን ማስተናገድ ሲኖርባቸው፣ የአገልግሎት ጊዜያቸውም ከወጣባቸው ወጪ ጋር ተመጣጣኝ ካልሆነ ለአደጋ ይጋለጣሉ፡፡ አደጋው ከእነሱ አልፎ ለሕዝቡም ስለሚተርፍ ኪሳራው የከፋ ይሆናል፡፡

    የመንገዶች በጥንቃቄ አለመያዝና ጎርፍን ከመሳሰሉ አደጋዎች አለመጠበቅ በተሽከርካሪዎችም ላይ መጠነ ሰፊ ችግር ይፈጥራል፡፡ በከፍተኛ የውጭ ምንዛሪ ተገዝተው ከውጭ የሚገቡ ተሽከርካሪዎች በመንገዶቹ ምክንያት አደጋ ሲደርስባቸው፣ ለመለዋወጫ ከፍተኛ የሆነ የውጭ ምንዛሪ ይጠይቃሉ፡፡ ከግለሰብ ጀምሮ እስከ አገር ድረስ አላስፈላጊ ለሆነ ወጪ መዳረግ ይከተላል፡፡ በተጨማሪም መንገዶቹ ያለጊዜያቸው ሲበላሹና ሲፈራርሱ ከግንባታ የማይተናነስ የጥገና ወጪ ይጠይቃሉ፡፡ ይህ ሁሉ የአገር ሀብት ለክረምት ዝናብ ጥንቃቄ ባለመደረጉ ሲባክን ዝም መባል የለበትም፡፡ አዲስ አበባን ጨምሮ በተለያዩ ከተሞች የተገነቡ መንገዶችን ከጎርፍ አደጋ የመጠበቅ ኃላፊነት የመንግሥት ነው፡፡ በመሆኑም የሚመለከታቸው የመንግሥት አካላት በባለቤትነት ስሜት መንገዶቹን የመቆጣጠርና የማስተዳደር ኃላፊነት አለባቸው፡፡

    የክረምቱ ዝናብ ከመጀመሩ በፊት መደረግ ያለባቸው ቅድመ ዝግጅቶች ካልተከናወኑና አደጋው ጉዳት ካስከተለ ተጠያቂነት መኖሩን መዘንጋት አይገባም፡፡ ግልጽነትና ተጠያቂነት የሌለባቸው አሠራሮች በበርካታ መስኮች አገርን እየጎዱ መሆናቸው እየታወቀ፣ በመንገዶች ደኅንነት ዕጦት ምክንያት ሌላ ጥፋት ማስተናገድ በፍፁም ተቀባይነት የለውም፡፡ በመንገዶች ላይ ከሚገለገሉ የተሽከርካሪ ባለቤቶች ጀምሮ እስከሚመለከተው መንግሥታዊ ተቋም ድረስ የሚከሰቱ አደጋዎችን ለማስቆም ርብርብ ማድረግ አለባቸው፡፡ ምክንያቶችን እየደረደሩ ኃላፊነትን አለመወጣት ማስጠየቅ አለበት፡፡ በየቦታው በጎርፍ ምክንያት የተጎሳቆሉ መንገዶችን መጠገን፣ አባጣ ጎርባጣዎችን ማስተካከል፣ የተደፈኑ የፍሳሽ ማስወገጃዎችን መክፈት፣ ለጎርፍ ተጋላጭ የሆኑ መንገዶችን በመለየት መላ መፈለግ፣ ወዘተ ሲገባ እጅን አጣጥፎ መመልከት ለማንም አይበጅም፡፡

    ክረምቱ ከመደበኛው ለየት ያለ መጠኑ የጨመረ ዝናብ ያስተናግዳል ተብሎ ለጎርፍ ተጋላጭ ከሆኑ አካባቢዎች ዜጎችን የማዘዋወር ተግባር መከናወኑ እየተነገረ፣ በከተሞችም የአደጋው ምልክት እየታየ፣ በመንገዶች ምክንያት የሚከሰተውን አደጋ ችላ ማለት ከፍተኛ ጥፋት ያስከትላል፡፡ አስፈላጊውን ዝግጅት አድርጎ አደጋውን ከመመከት ይልቅ፣ አደጋው ደርሶ ፋይዳ የሌለው መሯሯጥ ማድረግ ለማንም አይጠቅምም፡፡ የክረምቱ ዝናብ ከወትሮው ለየት ያለና ጠንካራ ይሆናል ሲባል፣ መንገዶችም ለአደጋ የተጋለጡ መሆናቸው ሊታወቅ ይገባል!    

    በብዛት የተነበቡ ፅሁፎች

    ባንኮች እንዲዋሀዱ እስከ ማስገደድ ሊገባ እንደሚችል ብሔራዊ ባንክ ጠቆመ

    በአሁኑ ወቅት የባንኮች ቁጥር እየጨመረ መምጣቱ ችግር የሚሆንና የውጭ...

    ለኬንያ ኤሌክትሪክ ኃይል የሚሸጥበት ታሪፍ ማሻሻያ ተደረገበት

    በቅርቡ ሙሉ ለሙሉ ስምምነቱ የተጠናቀቀው የኢትዮጵያና የኬንያ የኤሌክትሪክ ኃይል...

    አዲስ አበባ እንዳይገቡ በተከለከሉ ዜጎች ጉዳይ የኦሮሚያና አማራ ክልሎች ተወያይተው ችግሩ እንዲፈታ አደረጉ

    ለሳምንታት በርካታ ቅሬታ ሲነሳበት የነበረውና ከአማራ ክልል በደብረ ብርሃን...
    - Advertisment -

    ትኩስ ፅሁፎች

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...

    ለኬንያ ኤሌክትሪክ ኃይል የሚሸጥበት ታሪፍ ማሻሻያ ተደረገበት

    በቅርቡ ሙሉ ለሙሉ ስምምነቱ የተጠናቀቀው የኢትዮጵያና የኬንያ የኤሌክትሪክ ኃይል...
    spot_img

    ተዛማጅ ፅሁፎች

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት በስኬት መጠናቀቁና የኤሌክትሪክ ኃይል የሚያመነጨው ሁለተኛው ተርባይን ሥራ መጀመሩ፣ በኢትዮጵያውያን ዘንድ የፈጠረው ደስታ ቃላት ከሚገልጹት...

    የሥጋት ደመና ተወግዶ ሰላም ይስፈን!

    ከቅርብ ጊዜ ወዲህ በደቡብ የአገሪቱ ክፍል ክልል ለመሆን የፈለጉ የተለያዩ ዞኖች እየተሰባሰቡ ለፌዴሬሽን ምክር ቤት ጥያቄ እያቀረቡ ናቸው፡፡ ለብቻችን ክልል መሆን አለብን የሚሉ ዞኖችም...

    በአገር ጉዳይ አንዱ ባለቤት ሌላው ባይተዋር መሆኑ ይብቃ!

    ኢትዮጵያ የታፈረችና የተከበረች አፍሪካዊት አገር ናት፡፡ ለመላው የዓለም ጥቁር ሕዝቦችና ለአፍሪካውያን ነፃነትም ተምሳሌት ናት፡፡ የጥንቶቹ ኢትዮጵያውያን አገራቸውን የሚያኮራ ተግባር ፈጽመው ያለፉት፣ ከአገራቸው በፊት የሚቀድም...