Thursday, August 18, 2022
ሌሎች ዓምዶች
    - Advertisement -
    - Advertisement -
    ማኅበራዊበገርጂ ሰንሻይን ኮንዶሚኒየም የሚኖሩ 547 አባወራዎች በውኃ ችግር እየተሰቃዩ መሆኑን ገለጹ

    በገርጂ ሰንሻይን ኮንዶሚኒየም የሚኖሩ 547 አባወራዎች በውኃ ችግር እየተሰቃዩ መሆኑን ገለጹ

    ቀን:

    ሰንሻይን ኮንስትራክሽን ኃላፊነቱ የተወሰነ የግል ማኅበር፣ በቦሌ ክፍለ ከተማ ወረዳ 13 ገርጂ የገነባቸውን 547 የጋራ መኖሪያ ቤቶችን ገዝተው በመኖር ላይ ያሉ አባወራዎች፣ የውኃ መስመራቸው በመቆረጡ በከፍተኛ ችግር ውስጥ መሆናቸውን ገለጹ፡፡

    በጋራ መኖሪያ ቤቶቹ ላይ የሚኖሩ ከሦስት ሺሕ በላይ ቤተሰቦች እንደሚገኙ የሚናገሩት ነዋሪዎቹ፣ የሕንፃው የውኃ ፍሳሽ ማስወገጃ፣ በአካባቢው ከሚገኘው ሴፕቲክ ታንክ ጋር የተገናኘው በሕገወጥ መንገድ መሆኑን በመግለጽ፣ የአዲስ አበባ ውኃና ፍሳሽ ባለሥልጣን ከ15 ቀናት በፊት መስመሩና እንደቆረጠባቸው ተናግረዋል፡፡

    የጋራ መኖሪያ ቤቶቹ ማኅበር ሊቀመንበር አቶ ጌታቸው መታፈሪያ፣ መንግሥት ለዜጎቹ ማቅረብ ካለበት መሠረታዊ ነገሮች አንዱ ውኃ መሆኑን ጠቁመው፣ የአገሪቱ ሕግ በሚፈቅደው የሪል ስቴት ግንባታ መሠረት፣ ሕንፃዎቹ ሲገነቡ ቁጥጥር በማድረግ ችግሮቹን መቅረፍ ሲገባው፣ እነሱ እንዲጠሙና ውኃን ተከትለው ሊመጡ ለሚችሉ በሽታዎች ሥጋት ውስጥ ማስገባት እንዳልነበረበት አስረድተዋል፡፡

    ሕግን ተከትለውና መኖሪያ ቤቶችን ገዝተው ለዓመታት ከኖሩ በኋላ፣ ፍሳሽ ማስገወጃው በሕገወጥ መንገድ ባለሥልጣኑ ከዘረጋው የፍሳሽ ማስወገጃ ጋር እንደተገናኘ በመግለጽ፣ ውኃ ማቋረጥ ሕዝብና መንግሥትን ለማጋጨት የታሰበ ካልሆነ በስተቀር፣ ሌላ ዓላማ እንደሌለው ሊቀመንበሩ ገልጸዋል፡፡

    መንግሥት (ባለሥልጣኑ) የቆፈረውን ሴፕቲክ ታንክ መጠቀም እንደማይችሉ የባለሥልጣኑ ሠራተኞች እንደገለጹላቸው የሚናገሩት አቶ ጌታቸው፣ አዲስ ሴፕቲክ ታንክ ለማስቆፈር የግዴታ ውል እንዲገቡ እየተገፉ ቢሆንም፣ ዋጋው ከፍተኛ በመሆኑ ነዋሪው አቅም እንደሌለው ገልጸዋል፡፡

    መንግሥት ኃላፊነት ወስዶ የከተማውን ጽዳትና የነዋሪውን ደኅንነት መጠበቅ ሲገባው፣ ውኃ እያቋረጠ ለአጣዳፊና ተቅማጥ በሽታ (አተት) እንዲሁም ለሌሎች በሽታዎች በሚያጋልጥ ሥራ ይሠራል የሚል እምነት እንደሌላቸው የተናገሩት አቶ ጌታቸው፣ የሚመለከተው አካል አፋጣኝ ምላሽ እንዲሰጣቸው ጠይቀዋል፡፡

    የአዲስ አበባ ውኃና ፍሳሽ ባለሥልጣን ኃላፊዎችን ለማግኘት ሪፖርተር ያደረገው ጥረት ባይሳካም፣ ስማቸው እንዲገለጽ ያልፈለጉ የባለሥልጣኑ ሠራተኛ ስለችግሩ አስረድተዋል፡፡ ሠራተኛው እንደገለጹት፣ ችግሩን ሁሉም ኃላፊዎች ያውቁታል፡፡ ነዋሪዎቹ ቤቱን ገዝተው ሲገቡ ሁሉን ነገር አረጋግጠው መረከብ የነበረባቸው ቢሆንም፣ ተቋሙ ግን የባሰ ችግር ከመፍጠር ሌላ አማራጭ መውሰድ ይገባው እንደነበር ጠቁመዋል፡፡ በወቅቱ የፍሳሽ ማስወገጃው የተገናኘው በብልሹ አሠራር (ሙስና) ሊሆን እንደሚችል የገመቱት ሠራተኛው፣ የባለሥልጣኑ ቅርንጫፍ መሥሪያ ቤቶች በየክፍለ ከተማ የነበረ በመሆኑ፣ በወቅቱ የነበሩ የክፍለ ከተማው ኃላፊዎችና ግንባታውን ያከናወነው አካል ተጠያቂ መሆን እንዳለባቸው አስረድተዋል፡፡ ያም ሆነ ይህ ነዋሪዎቹ ለከፋ ችግር ከመጋለጣቸው በፊት ባለሥልጣኑም ሆነ ሌሎች የሚመለከታቸው አካሎች መፍትሔ እንዲያገኙ ቢያደርጉ የተሻለ እንደሚሆን አሳስበዋል፡፡   

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...