Thursday, August 18, 2022
ሌሎች ዓምዶች
    - Advertisment -
    - Advertisment -

    ለክቡር ሚኒስትሩ አንድ ባለሀብት ደወለላቸው

    [ክቡር ሚኒስትሩ አንድ ወዳጃቸው ይደውልላቸዋል]

    • ሰላም ክቡር ሚኒስትር፡፡
    • እንዴት ነህ ወዳጄ?
    • ሰሞኑን እኮ አላንቀሳቅስ አላችሁን፡፡
    • እንዴት አላንቀሳቅስ አላችሁን ስትል?
    • ቢዝነሱ ተቆላልፏል፤ ከተማውም ተቆላልፏል፡፡
    • ማነው የቆላለፈው?
    • ከተማው ውስጥ የሉም እንዴ?
    • ስልኬ ላይ መስሎኝ የደወልክልኝ?
    • ታዲያ ይኼው በመሪዎቹ ስብሰባ ምንም ሥራ መሥራት አልቻልንም፡፡
    • ሰውዬ ስብሰባው እኮ ለአገሪቷ በጣም ወሳኝ ስብሰባ ነው፡፡
    • ምኑ ነው ወሳኝነቱ?
    • ከዚህ ስብሰባ አገሪቷ ብዙ ነው የምትጠቀመው፡፡
    • ክቡር ሚኒስትር ከድሮ ጀምሮ የስብሰባው ፋይዳ አይታየኝም፡፡
    • ምን ሆነሃል ሰውዬ?
    • ሕዝቡ ከዚህ ስብሰባ ያተረፈው አንድና አንድ ነገር ብቻ ነው፡፡
    • ምንድነው?
    • መንገላታት፡፡
    • አየህ ችግራችሁ እኮ ይኼ ነው፡፡
    • እንዴት?
    • በዚህ ስብሰባ ምን ያህል የአገሪቷ ገጽታ እንደሚገነባ ተረስቶ የራስህን መንገላታት ነው የምታየው፡፡
    • ክቡር ሚኒስትር ሰው ምን እንደሚል አያውቁም?
    • ምን ይላል?
    • ለስብሰባው የሚመጡ የአፍሪካ መሪዎች ተዝናንተው እንጂ ምንም ሥራ ሠርተው አይደለም የሚሄዱት፡፡
    • ምን እያልክ ነው?
    • መሪዎች እዚህ ሲመጡ ሰክረውና ጨፍረው ነው የሚሄዱት፡፡
    • ምን?
    • እንዲያውም የከተማውን ኮረዶች አማግጠው ነው የሚሄዱት፡፡
    • ይኼ ተራ አሉባልታ ነው፡፡
    • ክቡር ሚኒስትር እሱን ይተውትና ከስብሰባው ምን አተረፍን?
    • እ. . .
    • እስኪ አንድ ጥያቄ ልጠይቅዎት፡፡
    • ምንድነው?
    • የስብሰባው ዋነኛ አጀንዳ ምንድን ነበር?
    • ሙስናን መዋጋት፡፡
    • ኪኪኪ. . .
    • ምን ያስቅሃል?
    • ጽድቁ ቀርቶብኝ በቅጡ በኮነነኝ አሉ፡፡
    • ምን ለማለት ፈልገህ ነው?
    • እኮ የአፍሪካ መሪዎች ናቸው ሙስናን የሚዋጉት?
    • ምን ያንሳቸዋል?
    • አኅጉሪቷን ጨለማ እንድትሆን ካደረጉት ዋነኛ ምክንያቶች መካከል አንዱ መሪዎቿ የተዘፈቁበት ሙስና መስሎኝ፡፡
    • ለዚያ አይደል እንዴ ሙስናን መዋጋት ያስፈለጋቸው?
    • ሌባ እንዴት ነው ፖሊስ የሚሆነው?
    • የምታወራው አልገባኝም፡፡
    • ዋነኛ ሙሰኞቹ ሙስናን እንዋጋለን ሲሉ ገርሞኝ ነዋ፡፡
    • ምን ችግር አለው?
    • ይኼ እንዴት ሊሆን ይችላል?
    • ተሃድሶ አድርገው ነዋ፡፡
    • ክቡር ሚኒስትር ይኼን ዲስኩርዎን እንዳይጀምሩ፡፡
    • የምን ዲስኩር ነው?
    • ተሃድሶ ምናምን እያሉ ነዋ፡፡
    • ስማ ሙስና እኮ ዋነኛ ጠላታችን ነው፡፡
    • ጀመሩ በቃ፡፡
    • እውነቴን ነው ስለዚህ አጥብቀን መዋጋት አለብን፡፡
    • ለማንኛውም መሪዎቹ የተሰበሰቡት ሙስናን ለመዋጋት አይመስለኝም፡፡
    • ታዲያ ለምንድነው?
    • ሙስናን ለማስፋፋት!

    [ለክቡር ሚኒስትሩ አንድ ባለሀብት ደወለላቸው]

    • ዜናውን ሰሙ ክቡር ሚኒስትር?
    • የትኛውን ዜና?
    • ይኼን ዜና ካልሰሙማ የሉም ማለት ነው?
    • ስማ እኔ በጣም ብዙ ሥራ ስላለብኝ ዜና እየመረጥኩ ነው የምሰማው፣ በዚያ ላይ ፌክ ኒውስ ስለበዛ እሱንም እየተዋጋሁ ነው፡፡
    • እንዴ ክቡር ሚኒስትር ስለፌክ ኒውስ በእርግጥ ያውቃሉ?
    • ኢሕአዴግ መንግሥት ጨቋኝ ነው የሚል ለእኔ ፌክ ኒውስ ነው፡፡
    • እ. . .
    • አዎ ኢትዮጵያ ልትፈርስ ነው ምናምን እያሉ የጥፋት ኃይሎች የሚያስወሩት ሁሉ ለእኔ ፌክ ኒውስ ነው፡፡
    • ለእርስዎ እውነተኛ ዜና ደግ ደጉን የሚያወራ ብቻ ነው?
    • ምን ነካህ መጥፎ ዜና የሚያወራ ሰውዬውም ፌክ ነው፣ ዜናውም ፌክ ነው፡፡
    • አገሪቷ ውስጥ ግን ምንም ጥሩ ነገር የለም፡፡
    • አንተም ፌክ ነህ ማለት ነው?
    • ለማንኛውም ዛሬ የደወልኩት መፈታቱን ልነግርዎት ነው፡፡
    • ተያዘ ማለትህ ነው ነው?
    • ማን?
    • ጾሙ፡፡
    • ኧረ እኔ ስለጾም አይደለም የማወራው፡፡
    • ስለማን ነው ታዲያ?
    • ስለባለሀብቱ፡፡
    • እኔ አላምንም፣ እኔ አላምንም፡፡
    • እውነት ነው ተፈቷል ዜናውን አላነበቡም?
    • ምን ላይ ነው የወጣው?
    • ሮይተርስ በሉ፣ ኒውዮርክ ታይስም በሉ ያልወጣበት ሚዲያ አለ እንዴ?
    • እና ወዳጃችን ተፈታ ነው የምትለኝ?
    • እኔ ስለወዳጃችን አይደለም ያወራሁት፡፡
    • ታዲያ ስለማን ነው?
    • ዋናው የሳዑዲ ቢሊየነር፡፡
    • እሱ ተፈታ አልተፈታ ለእኔ ምን ይፈይዳል?
    • እንዴት ክቡር ሚኒስትር?
    • እሱ ቤት አልገዛልኝ፣ ወይ አያሳክመኝ ምን ያደርግልኛል?
    • ዶሚኖ ኢፌክት አለዋ፡፡
    • ምን እያልክ ነው?
    • የእኛም ወዳጅ ሊፈቱ ይችላሉ እያሉ ነው፡፡
    • ምን ያህል እርግጠኛ ነህ?
    • ሰሞኑን ይገባሉ እየተባለ ነው፡፡
    • ስማ ባለፈው ይፈታሉ ብላችሁኝ ኤርፖርት ድረስ አበባ አስታቅፋችሁ ላካችሁኝ፡፡
    • ልክ ነው ክቡር ሚኒስትር፡፡
    • የስንት ሰው መሳለቂያ እንዳደረጋችሁኝ ታስታውሳለህ አይደል?
    • አሁን ግን እርግጥ ነው እየተባለ ነው፡፡
    • በምን አወቅክህ?
    • ይኸው ሁላችሁም አንድ ዓይነት ሙሉ ልብስ አሰፉ ተብለን አሰፍተናል፡፡
    • ሌላስ?
    • በቃ የሚያርፉበትም ቤት ቀለም እየተቀባ ነው፡፡
    • ፌክ ኒውስ እንዳይሆን?
    • ፌክማ ከሆነ ማመላለሳችንን እንቀጥላለን፡፡
    • ምኑን?
    • ስንቁን!

    [ክቡር ሚኒስትሩ ቢሯቸው ውስጥ አንድ ጋዜጠኛ ጥያቄ ጠይቋቸው በጣም ተናደዋል]

    • እንዴት ነው እንዲህ ዓይነት ጥያቄ የምትጠይቀኝ?
    • ክቡር ሚኒስትር የመጣሁት እኮ ልጠይቅዎት ነው፡፡
    • ቢሆንስ እንዴት እንደዚህ ዓይነት ጥያቄ ትጠይቀኛለህ?
    • እንዴት ነው የማልጠይቅዎት?
    • ደግሞ እንደዚህ ነው የምትመልስልኝ?
    • ክቡር ሚኒስትር ይኼ እኮ ሥራዬ ነው፡፡
    • ታዲያ እኔ ምን አገባኝ?
    • ክቡር ሚኒስትር የተቀመጡበት ቦታ እኮ የሕዝብ ቢሮ ነው ስለዚህ ተጠያቂነት አለብዎት፡፡
    • እንዲህ የልብ ልብ የሰጠህ ማነው?
    • በድንፋታና በዛቻማ ድሮ ቀረ፡፡
    • ምን?
    • አሁን በአገሪቷ ፍየል ወዲህ ቅዝምዝም ወዲያ እየሆነ ነው፡፡
    • አልገባኝም?
    • ሕዝቡና አመራሮቹ ተራርቀዋል፡፡
    • እንዴት?
    • ሕዝቡ አመራሮቹን የትና የት ጥሏቸው ሄዷል፡፡
    • በምንድነው ጥሏቸው የሄደው?
    • በአመለካከቱ፡፡
    • ስማ እኛ እኮ ለዚች አገር ደማችንን አፍስሰን አጥንታችንን ከስክሰናል፡፡
    • ክቡር ሚኒስትር አገሪቷ የእናንተ ብቻ አይደለችም፡፡
    • ምን እያልክ ነው?
    • ኢትዮጵያ የሁላችንም ናት፡፡
    • ታዲያ እኛ መቼ የግላችን አደረግናት?
    • ይኸው ችግሩ የመጣው በእኛው ስለሆነ መፍትሔውም ከእኛ ብቻ ነው ትላላችሁ፡፡
    • አጠፋን እንዴ?
    • ነገርኩዎት እኮ አገሪቷ የሁላችንም ስለሆነች መፍትሔውም ከሁሉም ነው መምጣት ያለበት፡፡
    • መፍትሔ ካለማ ከማንም ቢመጣ ችግር የለብንም፡፡
    • ክቡር ሚኒስትር ተሃድሷችሁ እኮ አልሠራም፡፡
    • ለምን ተብሎ?
    • ይኸው አሁንም የሰው ሕይወት እየጠፋ ነው፡፡
    • ምን ማድረግ ይቻላል?
    • ትክክለኛ ሪፎርም ማምጣት ነዋ፡፡
    • የአሁኑን ሪፎርም ሕዝቡ አልተቀበለውም?
    • የአሁኑማ ፌክ ሪፎርም ነው፡፡
    • እ. . .
    • በአሮጌ አቁማዷ አዲስ ወይን ጠጅ አይቀመጥ ሲባል አልሰሙም?
    • ምን ለማለት ፈልገህ ነው?
    • በእናንተ አስተሳሰብ ይኼንን ወጣት መምራት አይቻልም፡፡
    • ምን?
    • አስተሳሰባችሁን መቀየር አለባችሁ፡፡
    • ከምን ወደ ምን?
    • ከአናሎግ. . .
    • እ. . .
    • ወደ ዲጂታል!

    [ክቡር ሚኒስትር ከአንድ ደላላ ጋር እያወሩ ነው]

    • ባለፈው ያን ኪስ ቦታ አገኘህልኝ አይደል?
    • ስንት ተፋልጬ እኮ ነው በእጅዎ ያስገባሁልዎት፡፡
    • አሁን ምን ላድርግበት ታዲያ?
    • አልገባኝም ክቡር ሚኒስትር?
    • ሳር ላብቅልበት ወይስ ከብት ላርባበት?
    • እንዴ ክቡር ሚኒስትር ያንን ያሰቡትን ፕሮጀክት ይገንቡበት እንጂ?
    • ታዲያ ምን ያህል ገንዘብ እንደሚጠይቀኝ ታውቃለህ አይደል?
    • ምን ችግር አለው ከካዝናዎ ማውጣት ነዋ?
    • ያን ሁላ ብር ከየት አመጣለሁ?
    • ታዲያ ፕሮጀክቱን በጨበጣ ነው የሚገነቡት?
    • ተበድሬ ነዋ፡፡
    • ከማን ነው የሚበደሩት?
    • ከባንኮች ነዋ፡፡
    • ከተማ ውስጥ የሉም እንዴ ክቡር ሚኒስትር?
    • ምን እያልክ ነው?
    • የንግድ እንቅስቃሴው እኮ ቆፈን ይዞታል፡፡
    • ምንድነው የምትዘባርቀው?
    • ባንኮቹ እንኳን ሊያበድሩ እነሱም ይፈልጋሉ፡፡
    • ምንድነው የሚፈልጉት?
    • የሚያበድራቸው፡፡
    • እና ገንዘቡን የሚያበድረኝ አላገኝም?
    • ምናልባት አራጣ ይሞክሩ፡፡
    • እሱንማ አላደርገውም፡፡
    • እንግዲያው በዚህ ወቅት እንኳን የሚበደር ገንዘብ. . .
    • እ. . .
    • የሚሰረቅም የለም!

     

    በብዛት የተነበቡ ፅሁፎች

    አዲስ አበባና ኦሮሚያ ወሰን ለማካለል ተስማሙ

    ኮዬ ፈጬ፣ ቱሉዲምቱ፣ ጀሞ ቁጥር 2 ወደ ኦሮሚያ ለቡ፣ ፉሪና...

    በፌዴራል መንግሥትና በሕወሓት መካከል የተጀመረው የድርድር ሒደት አሳታፊ እንዲሆን ተጠየቀ

    የኢትዮጵያ ሲቪል ማኅበረሰብ ድርጅቶች ምክር ቤት፣  በፌዴራል መንግሥትና በሕወሓት...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...

    ባንኮች እንዲዋሀዱ እስከ ማስገደድ ሊገባ እንደሚችል ብሔራዊ ባንክ ጠቆመ

    በአሁኑ ወቅት የባንኮች ቁጥር እየጨመረ መምጣቱ ችግር የሚሆንና የውጭ...
    - Advertisment -

    ትኩስ ፅሁፎች

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...

    ሰበበኞች!

    ዛሬ የምንጓዘው ከሜክሲኮ ወደ አየር ጤና ነው፡፡ ዛሬም፣ ነገም...
    spot_img

    ተዛማጅ ፅሁፎች

    [ክቡር ሚኒስትሩ ወዳጃቸው ከሆነ አንድ የተቃዋሚ ፓርቲ አመራር ጋር ሻይ ቡና እያሉ በኬንያ ስለተካሄደው ፕሬዚዳንታዊ ምርጫ እየተጫወቱ ነው]

    ኬንያ በዚህ ደረጃ ዲሞክራሲያዊ ምርጫ ታደርጋለች ብዬ አላሰብኩም ነበር ክቡር ሚኒስትር። አዎ። ጥሩ ዝግጅት አድርገውበታል። ቢሆንም... ቢሆንም ምን ክቡር ሚኒስትር?  እባክህ ክቡር ሚኒስትር የምትለውን ነገር አቁም። ወዳጅ...

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡ አመሠግናለሁ ክቡር ሚኒስትር። በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል? ተቋራጩ ማን እንደሆነ አልነገርኩዎትም እንዴ? የትኛው ተቋራጭ...

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...