Thursday, August 18, 2022
ሌሎች ዓምዶች
    - Advertisment -
    - Advertisment -

    ለክቡር ሚኒስትሩ ከውጭ ዳያስፖራ ወዳጃቸው ይደውልላቸዋል

    [ክቡር ሚኒስትሩ ከሾፌራቸው ጋር እያወሩ ነው]

    • ምንድነው አንተ ይኼ?
    • አዲሱ መኪና ነዋ፡፡
    • የሰው መኪና አትያዝ አላልኩህም?
    • ይኼ የሰው መኪና አይደለም፡፡
    • አንተ የእኔ ሾፌር ብቻ ነህ፡፡
    • እሱንማ አውቃለሁ፡፡
    • ታዲያ ይኼ የማን መኪና ነው?
    • የእርስዎ መኪና ነዋ፡፡
    • ሰውዬ በጠዋቱ ጠጥተህ ነው እንዴ የመጣኸው?
    • በዚህ በጠዋት ምን እጠጣለሁ ብለው ነው ክቡር ሚኒስትር?
    • ታዲያ እንደዚህ ዓይነት መኪና የእርስዎ ነው ስትለኝ ትንሽ አታፍርም?
    • ስለሆነ ነዋ ክቡር ሚኒስትር፡፡
    • ስለሆነ ነው ማለት ምን ማለት ነው?
    • ባለፈው የወጣውን መመርያ ረሱት እንዴ?
    • እኔ እያንዳንዱን የሚወጣውን መመርያ እንዴት ላስታውስ እችላለሁ?
    • የመንግሥት ባለሥልጣናት ቪ8 መኪናቸውን ለፊልድ ብቻ ይጠቀሙበት የሚለውን መመርያ ነዋ፡፡
    • ምን እያልከኝ ነው ታዲያ?
    • በመመርያው መሠረት ከተማው ውስጥ የሚያንቀሳቅስዎት መኪና አገር ውስጥ የተገጣጠመ ነዋ፡፡
    • ምን?
    • እውነቴን ነው ክቡር ሚኒስትር፡፡
    • እየቀለድክ ነው እንጂ፡፡
    • ክቡር ሚኒስትር ይቺን አገር እያጠፋት ያለው ቀልድና ቀልደኞች ናቸው፡፡
    • አሁን የማታውቀውን ፖለቲካ ለመፈትፈት ባትሞክር ጥሩ ነው፡፡
    • ክቡር ሚኒስትር ፖለቲከኛ ባልሆንም ከፖለቲካ ግን ማምለጥ እንደማልችል አውቃለሁ፡፡
    • ምን እያልክ ነው?
    • በቃ የሁሉም ሰው ሕይወት ከፖለቲካ ጋር የተገናኘ ነው፡፡
    • እሺ የእኛ የፖለቲካ ፈላስፋ?
    • እየተፈላሰፍኩ ሳይሆን እውነታውን ነው የነገርኩዎት፡፡
    • አሁን እሱን ተወውና ቪ8ቴን በአስቸኳይ አምጣልኝ፡፡
    • አይ ክቡር ሚኒስትር፡፡
    • ምነው?
    • እሱ ቀርቶ ሌላ ዘፈን መጥቶ ሲባል አልሰሙም?
    • ምን እያልክ ነው?
    • ቪ8 ቀርቶ ሌላ ከቻይና መጥቷል ተብሏል፡፡
    • ሰውዬ ቅኔ ዝረፍልኝ አላልኩህም እኮ?
    • ያው ለጨዋታ ብዬ ነው፡፡
    • አሁን ቪ8ቴን አምጣልኝ፡፡
    • ቪ8ቱማ ከፊልድ ውጪ አይቻልም ስልዎት፡፡
    • ማነው የከለከለው?
    • መመርያው ነዋ፡፡
    • እኔ አይደለሁ እንዴ አለቃህ?
    • ክቡር ሚኒስትር ከመመርያ ውጪ ብሠራ ስለምጠየቅ፣ ከፈለጉ ራስዎ ቪ8ቱን መያዝ ይችላሉ፡፡
    • ይቺን ይወዳል ሰውዬው?
    • ክቡር ሚኒስትር ለከተማ ይቺ ናት መኪናዎ፡፡
    • ይኼማ ሊሆን አይችልም፡፡
    • ቪ8 ለፊልድ ብቻ ነው፡፡
    • በቃ ፊልድ እንውጣ?
    • እሱንም ማድረግ አንችልም፡፡
    • ለምን?
    • ከአዲስ አበባ ውጪ መንገዶች ስለተዘጋጉ መውጣት አንችልም፡፡
    • አሁን ምን እንደማደርግ አውቃለሁ፡፡
    • ምን ሊያደርጉ ነው?
    • የሥራ ባልደረቦቼ ጋ ደውዬ አስተባብራለሁ፡፡
    • ምንድነው የሚያስተባብሩት?
    • መውጣት አለብን ብዬ ነዋ የማስተባብረው፡፡
    • ምን?
    • ሰላማዊ ሠልፍ!

    [ለክቡር ሚኒስትሩ ከውጭ ዳያስፖራ ወዳጃቸው ይደውልላቸዋል]

    • እንዴት ነዎት ክቡር ሚኒስትር?
    • ሰላም ነኝ አንተ እንዴት ነህ?
    • አገሪቷ ውስጥ ምንድነው የምሰማው?
    • ምን ሰማህ ደግሞ?
    • አገር ሰላም ነው?
    • ሁሉ ነገር ሰላም ነው፡፡
    • ኧረ እኔ የሰማሁት ነገር ደግሞ ሌላ ነው፡፡
    • ምን ሰማህ ደግሞ?
    • አሁን አንድ ወዳጄ ከአገር ቤት ደውሎልኝ ነበር፡፡
    • ምን አለህ?
    • ተቃውሞው እንደ አዲስ አገርሽቶ ነገሩ ያስፈራል እያለኝ ነው፡፡
    • ይኼ የፀረ ሰላም ኃይሎች ወሬ ነው፡፡
    • ኧረ ክቡር ሚኒስትር ይኼንን ነገር ይተው፡፡
    • ምኑን?
    • ሕዝብን ፀረ ሰላም የምትሉት ነገር ነዋ፡፡
    • እንዴት?
    • ሕዝብን እንዴት ፀረ ሰላም ትላላችሁ?
    • አሁን ምክር ልትመክረኝ ነው የደወልከው?
    • ኧረ እንደው የአገሪቷ ሁኔታም ሲያሳስበኝ ነው የደወልኩት፡፡
    • ምንም አያሳስብህ ስልህ?
    • በነገራችን ላይ ሰሞኑን በሶሻል ሚዲያ ያየሁት ነገር አስገርሞኛል፡፡
    • ምን ዓይተህ ነው?
    • አንዳንዴ መንግሥት የሚሠራው ሥራ ያስቃል፡፡
    • ምኑ ነው የሚያስቀው?
    • ባለፈው የጉለሌ ኮሙዩኒኬሽን የለጠፈውን መረጃ ዓይተውታል?
    • ምን ላይ?
    • ፌስቡክ ላይ ነዋ፡፡
    • ፌስቡክ የወሬኞችና የውሸታሞች ቦታ ስለሆነ አልጠቀምበትም፡፡
    • በአሁን ጊዜማ ፌስቡክን መጠቀም አለብዎት፡፡
    • ለምን?
    • በርካታ መረጃዎች ያገኙበታላ፡፡
    • እኔ መረጃ የሚሰጠኝ መቼ ጠፋ?
    • ለማንኛውም የጉለሌ ኮሙዩኒኬሽን የለጠፈው ግን በሳቅ ነው ያፈነዳኝ፡፡
    • ምን ብሎ ለጥፎ ነው?
    • በጉለሌ ክፍለ ከተማ ላሉ ነዋሪዎች ሥልጠና መስጠቱን ነዋ የለጠፈው፡፡
    • ሥልጠና መስጠት ምን ችግር አለው?
    • እሱ አይደለም ቁም ነገሩ ክቡር ሚኒስትር፡፡
    • ምንድነው ቁም ነገሩ ታዲያ?
    • ሥልጠናው ስለኒዮሊብራሊዝም መሆኑ ነዋ፡፡
    • ታዲያ ምን ችግር አለው?
    • የሥልጠናው ርዕሰ ‹‹ኒዮሊብራሊዝም ሸሸ ወይስ አፈገፈገ?›› የሚል ነበር፡፡
    • ምን ችግር አለው ታዲያ?
    • ክቡር ሚኒስትር አሁን እነትዬ ብርቄና እትዬ አስካለ ኒዮሊብራሊዝም ቢሸሽ ወይም ቢያፈገፍግ አይደለም ፈርጥጦ ቢጠፋ ምን አገባቸው?
    • አንተ ራስህ የኒዮሊብራሊዝም አመለካከት ነው ያለህ፡፡
    • ክቡር ሚኒስትር አሁን እትዬ ስርጉት ስለኒዮሊብራሊዝም ያውቃሉ ብለው ይገምታሉ?
    • አንተ ሕዝባችንን ስለምትንቀው ነው፡፡
    • እንዲያው ሕዝቡን የምትንቁትማ እናንተ ናችሁ፡፡
    • እንዴት?
    • ሕዝቡ የሚጠይቀው ሌላ እናንተ የምታወሩት ሌላ፡፡
    • ምን እያልክ ነው?
    • አሁን ፋብሪካ የሚቃጠለውና መንገድ የሚዘጋው ኒዮሊበራሊዝም በመሸሹ ወይስ በማፈግፈጉ ነው?
    • ምን?
    • ክቡር ሚኒስትር ይኼ ሕዝብ በጣም እየታዘባችሁ ነው፡፡
    • አንተ ውጭ ስለምትኖር የዚህን አገር ሕዝብ ብዙም አታውቀውም፡፡
    • ለነገሩ እኔ ፎቶዎቹንም ሳይ የሥልጠናው ዋናው ነገር ኒዮሊብራሊዝም አለመሆኑ ገብቶኛል፡፡
    • የሥልጠናው ዋናው ነገር ምንድነው ታዲያ?
    • አበሉ!

    [የክቡር ሚኒስትሩ የቀድሞ ወዳጅ ይደውሉላቸዋል]

    • ክቡር ሚኒስትር እዚህ አገር ላይ ምንድነው እየተካሄደ ነው ያለው?
    • ሰው ያለዚህ ጥያቄ የለውም እንዴ?
    • በዚህ ወቅት ሌላ ጥያቄ እንዴት ይጠየቃል?
    • ምን እያልክ ነው?
    • ሰላም ናፈቀን እኮ ክቡር ሚኒስትር፡፡
    • እኛም እንደ ሕዝብ ሰላም ፈላጊዎች ነን፡፡
    • እውነት ክቡር ሚኒስትር?
    • የሚሠራው እኮ አገር ሰላም ሲሆን ነው፡፡
    • የሚሰረቀው ማለትዎ ነው?
    • ብንከባበር አይሻልም?
    • መከባበር ያለብዎትማ ከሕዝቡ ጋር ነው፡፡
    • ምን ማለት ነው?
    • የሕዝብ ጥያቄ በአግባቡ ይመለስ፡፡
    • መቼ ነው እኛ የሕዝብ ጥያቄ አንመልስም ያልነው?
    • ከ27 ዓመት በላይ ሊሆናችሁ ነው፡፡
    • ከዚህ በላይ እንዴት ይመለስ?
    • ምን እያሉ ነው ክቡር ሚኒስትር?
    • እስረኛ እየለቀቅን ነው፡፡
    • የሕዝቡ ጥያቄ እሱ ብቻ አይደለም፡፡
    • እኔ የሕዝቡ ጥያቄ ምንም ሊገባኝ አልቻለም፡፡
    • ክቡር ሚኒስትር የሕዝቡን ጥያቄ ለመመለስ ፍላጎት ስለሌላችሁ እንጂ ጠፍቷችሁ አይመስለኝም፡፡
    • ሰውዬ ምን እያልክ ነው?
    • እናንተ ራስ ወዳድ ሆናችሁ ኪሳችሁን ማደለብ ስለምትፈልጉ እንጂ የሕዝቡ ጥያቄ ቀላል ነው፡፡
    • ከዚህ በላይ ምን እንደሚደረግ አይገባኝም፡፡
    • ክቡር ሚኒስትር ከእኔ በላይ የሚያውቅልህ የለም የሚለው አካሄድ አያዋጣችሁም፡፡
    • አሁን ምንድነው ጥፋታችን?
    • ያለአዋቂ ሳሚ ምን ይለቀልቃል ሲባል አልሰሙም?
    • ልትሞልጨኝ ነው እንዴ የደወልከው?
    • እኔማ የአገሪቷ ሁኔታ አስጨንቆኝ ነው፡፡
    • ምንም አትጨነቅ፡፡
    • ለነገሩ እኔ ከድሮም ጀምሮ አውቅዎታለሁ፡፡
    • አውቅዎታለሁ ስትል?
    • ያው በልጅነታችን ካርታ ስንጫወት ያስታውሳሉ፡፡
    • ሁሌም እኔ እንደ በላሁዋችሁ ነበር፡፡
    • አሁንም እየተጫወቱ ያሉ ነው የመሰለኝ፡፡
    • ምን?
    • ቁማር!

    [ክቡር ሚኒስትሩ ከሌሎች ባለሥልጣናት ጋር የፓርቲ ስብሰባ አድርገው ሊጨርሱ ነው]

    •  ክቡር ሚኒስትር በማጠቃለያው ምን ይላሉ?
    • አሁን ባፋጠኝ የሕዝቡን ጥያቄ መመለስ አለብን፡፡
    • እንዴት ማለት?
    • ከበርካታ ሰዎች ጋር አውርቼ የነገሩኝ አንድ ዓይነት ነገር ነው፡፡
    • ምንድነው እሱ?
    • እስረኛ መፍታት ችግሩን አይፈታም፡፡
    • ታዲያ ሌላ ምን ይደረግ?
    • ሌላው የሕዝቡ ጥያቄ ይሰማ፡፡

    [ሌላኛው ባለሥልጣን መናገር ጀመሩ]

    • እኔም ክቡር ሚኒስትሩ ያሉትን ሐሳብ እደግፋለሁ፡፡
    • የትኛውን?
    • የሕዝቡ ጥያቄ መመለስ አለበት፡፡
    • እሱማ ትክክል ነው፡፡
    • ስለዚህ እስከ ታች ድረስ ያለው ጥያቄ መመለስ አለበት፡፡
    • ሁላችንም ተስማምተናል፡፡

    [ክቡር ሚኒስትሩ የስብሰባው መጠናቀቅን አስመልክቶ ምን መደረግ እንዳለበት ሐሳብ ማሰባሰብ ጀመሩ]

    • እንግዲህ ስብሰባችንን ጨርሰናል፡፡
    • ምን ይደረግ ይላሉ ክቡር ሚኒስትር?
    • ትንሽ ብንዝናና ጥሩ ነው፡፡
    • እንግዲያው እኔ አንድ ሐሳብ አለኝ፡፡
    • ምድነው እሱ?
    • አንድ ብላክ ሌብል አወርዳለሁ፡፡

    [ሌላኛው ባለሥልጣን ማውራት ጀመሩ]

    • እኔ ጎልድ ሌብል አወርዳለሁ ክቡር ሚኒስትር፡፡
    • በጣም ደስ ይላል፡፡

    [ሌላኛው ባለሥልጣን በተራቸው ተናገሩ]

    • እኔ ብሉ ሌብል አወርዳለሁ ክቡር ሚኒስትር፡፡
    • ይኼ ደግሞ ጫን ያለ ነው፡፡
    • እርስዎ ምን ያወርዳሉ ክቡር ሚኒስትር?
    • ራሴን፡፡
    • ከምን?
    • ከሥልጣን!

     

    በብዛት የተነበቡ ፅሁፎች

    አዲስ አበባና ኦሮሚያ ወሰን ለማካለል ተስማሙ

    ኮዬ ፈጬ፣ ቱሉዲምቱ፣ ጀሞ ቁጥር 2 ወደ ኦሮሚያ ለቡ፣ ፉሪና...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...

    በፌዴራል መንግሥትና በሕወሓት መካከል የተጀመረው የድርድር ሒደት አሳታፊ እንዲሆን ተጠየቀ

    የኢትዮጵያ ሲቪል ማኅበረሰብ ድርጅቶች ምክር ቤት፣  በፌዴራል መንግሥትና በሕወሓት...

    ባንኮች እንዲዋሀዱ እስከ ማስገደድ ሊገባ እንደሚችል ብሔራዊ ባንክ ጠቆመ

    በአሁኑ ወቅት የባንኮች ቁጥር እየጨመረ መምጣቱ ችግር የሚሆንና የውጭ...
    - Advertisment -

    ትኩስ ፅሁፎች

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...
    spot_img

    ተዛማጅ ፅሁፎች

    [ክቡር ሚኒስትሩ ወዳጃቸው ከሆነ አንድ የተቃዋሚ ፓርቲ አመራር ጋር ሻይ ቡና እያሉ በኬንያ ስለተካሄደው ፕሬዚዳንታዊ ምርጫ እየተጫወቱ ነው]

    ኬንያ በዚህ ደረጃ ዲሞክራሲያዊ ምርጫ ታደርጋለች ብዬ አላሰብኩም ነበር ክቡር ሚኒስትር። አዎ። ጥሩ ዝግጅት አድርገውበታል። ቢሆንም... ቢሆንም ምን ክቡር ሚኒስትር?  እባክህ ክቡር ሚኒስትር የምትለውን ነገር አቁም። ወዳጅ...

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡ አመሠግናለሁ ክቡር ሚኒስትር። በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል? ተቋራጩ ማን እንደሆነ አልነገርኩዎትም እንዴ? የትኛው ተቋራጭ...

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...