Sunday, August 14, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

    [ክቡር ሚኒስትሩ አማካሪያቸው በአስቸኳይ እንዲመጣ ነገሩት]

    • ፈለጉኝ ክቡር ሚኒስትር?
    • በሚገባ መዘጋጀት አለብን፡፡
    • የምን ዝግጅት ነው?
    • ለውይይቱ ነዋ፡፡
    • የትኛው ውይይት ክቡር ሚኒስትር?
    • የጂቲፒ 2 ውይይት ነዋ፡፡
    • እሱ ላይማ ከፍተኛ ዝግጅት ማድረግ አለብን፡፡
    • አዎና፣ የመጀመሪያው ምዕራፍ ተጠናቋል፤ ወደ ሁለተኛውም እየተሸጋገርን ነው፡፡
    • እንግዲህ የመጀመሪያው ምዕራፍ ለሁለተኛው ዋነኛ ግብዓት ይሆናል፡፡
    • ለመሆኑ ከእነማን ጋር ነው ውይይት የምናካሂደው?
    • ከወጣቶች ጋር፡፡
    • እነሱማ የእኛው ናቸው፡፡
    • ከሴቶች ጋር፡፡
    • እነሱም የእኛ ደጋፊዎች ናቸው፡፡
    • ከምሁራን ጋር፡፡
    • እነሱን ፍራ፡፡
    • ከግሉ ዘርፍ ጋር፡፡
    • እነሱም ሌላ የራስ ምታት ናቸው፡፡
    • ለምን ግን ክቡር ሚኒስትር?
    • ምሁራንና የግሉ ዘርፍ ቻሌንጅ ሊያደርጉን ይችላሉ፡፡
    • እኮ ለምን?
    • በመጀመሪያው ጂቲፒ ላይ የግሉ ዘርፍ ተሳትፎ እምብዛም ነበር፡፡
    • እሱማ ጥፋታችን ነው፡፡
    • ስለዚህ አሳማኝ ሐሳብ ይዘን መቅረብ አለብን፡፡
    • የምን አሳማኝ ሐሳብ?
    • ለምን በመጀመሪያው ጂቲፒ ትኩረት እንዳልሰጠናቸው ነዋ፡፡
    • ለእሱማ ይቅርታ መጠየቅ እንጂ አሳማኝ ሐሳብ ማቅረብ አይጠቅመንም፡፡
    • እሷ ነገር እኮ ናት ደስ የማትለኝ፡፡
    • የቷ ነገር?
    • ይቅርታ የሚሏት፡፡
    • እንዲያውም እኛ በዚህ እንጀምረው ብለን ነው እንጂ ያደለው ጋማ ቁንጥጫ አለ፡፡
    • የምን ቁንጥጫ?
    • ክቡር ሚኒስትር አንድ ጥያቄ ልጠይቅዎት፡፡
    • እሺ ቀጥል፡፡
    • አንድ ዜጋ የኤሌክትሪክ ሒሳቡን ካልከፈለ ምን ይደረጋል?
    • ኤሌክትሪክ ይቋረጥበታል በዚያ ላይ ቅጣት ይጣልበታል፡፡
    • መንግሥት ኤሌክትሪክ ሲያቋርጥስ ምን ይደረጋል?
    • ምንም፤ ደግሞ ምን እንዲደረግ ፈለግክ?
    • ይኼን ነው የምልዎት፡፡
    • እኮ ምንድነው የምትለኝ?
    • ሕዝቡ የኤሌክትሪክ ሒሳቡን ካልከፈለ፣ ይቋረጥበታል ደግሞም ይቀጣል፡፡
    • ያ መንግሥትን ኪሳራ ላይ ስለሚጥለው እኮ ነው፡፡
    • መንግሥት ግን ኤሌክትሪክ በማቋረጡ ሕዝቡ ላይ ለሚደርሰው ኪሳራ አይጠየቅም፡፡
    • እ…
    • ስለዚህ ቁንጥጫ ያልኩዎት ይኼንን ነው፡፡
    • እና መንግሥትም መቆንጠጥ አለበት፡፡
    • መንግሥት ሲያጠፋ መቆንጠጥ መጀመር አለበት፤ ባህልም ሊሆን ይገባል፡፡
    • ጥሩ ነጥብ ነው ያነሳኸው፡፡
    • ለምሳሌ ባለፈው የፈጠርነውን ትርምስ ያስታውሳሉ?
    • የምን ትርምስ?
    • ፕሮቪደንት ፈንድን አስመልክተን ባወጣነው ረቂቅ የተፈጠረው ትርምስ ነዋ፡፡
    • ረቂቁን ያወጣነው እኮ ለሕዝቡ አስበን ነው፡፡
    • ምን አሉኝ?
    • ረቂቁን ያወጣነው ለሕዝቡ አስበን ነው፡፡
    • እንዴት ሆኖ?
    • ሁሉም የግል ድርጅት ሠራተኞች በጡረታ ቢታቀፉ ያዋጣቸዋል፡፡
    • እንዴ ለምን?
    • ጡረታ ዘለቄታዊ ማኅበራዊ ዋስትና ይሰጣል፡፡
    • ፕሮቪደንትስ?
    • እሱ ክፍተቶች አሉበት፡፡
    • ክፍተቶቹን ማስተካከል ያለብን እኛው ነና፡፡
    • ለመሆኑ አንተ የትኛው ይሻላል ትላለህ?
    • እኔማ ከጡረታ ውጪ ምን አማራጭ አለኝ?
    • እኮ ምረጥ ብትባል የትኛውን ትመርጣለህ?
    • ፕሮቪደንትን ነዋ፡፡
    • ምን?
    • ፕሮቪደንትን ነው የምመርጠው፡፡
    • ኪራይ ሰብሳቢ ነህ ልበል፡፡
    • ኪራይ ሰብሳቢ ሆኜ አይደለም፡፡
    • ታዲያ ምን ሆነህ ነው?
    • በእርግጥ እንደሚሻል ስለማውቅ ነው፡፡
    • እኮ እንዴት?
    • ባለፈው ብቸኛ የሆነውን ወንድሜን ማሳከሚያ አጥቼ ሕይወቱ በማለፉ እስካሁን ከውስጤ አልወጣም፡፡
    • ይህ ከፕሮቪደንት ጋር ምን አገናኘው?
    • ፕሮቪደንት ፈንድ ቢኖረኝማ ወንድሜን አሳክሜ ሕይወቱን ባተረፍኩት ነበር፡፡
    • ታክሞም እኮ ላይተርፍ ይችል ነበር?
    • ቢያንስ ለእኔ የህሊና ቁስል አይሆንም፡፡
    • እሱስ ልክ ነህ፡፡
    • ከዚያ ውጪ የ40/60 ዕጣ ቢወጣልኝ ከየት እንደማመጣ እግዚአብሔር ነው የሚያውቀው፡፡
    • ቤት የለህም እንዴ?
    • ያው የመንግሥት ቤት ውስጥ ነው የምኖረው፡፡
    • እሱ አይበቃህም ታዲያ?
    • ቤቱ የሚኖረው መንግሥትን እስካገለገልኩ ድረስ ነው፡፡ ይህን ሥራዬን ከለቀኩ ቤተሰቤ ያለመጠለያ መቅረቱ ነው፡፡
    • ልክ ብለሃል፡፡
    • ለዚህ ነው ፕሮቪደንት ይሻላል የምለው፡፡
    • ታዲያ ረቂቁ ልክ አይደለም እያልከኝ ነው?
    • ረቂቁ መውጣት ካለበት ከጡረታ ሁሉም ወደ ፕሮቪደንት ይዙር ብለን ነው፡፡
    • እኛንም ጨምሮ?
    • ሠራተኛው ከመረጠው ምን ችግር አለው?
    • መንግሥት ገንዘብ አይኖረውማ፡፡
    • ቅድሚያ ሊታሰብ የሚገባው ለሕዝብ ነው፡፡
    • እሱስ ልክ ብለሃል፡፡

     

    [የክቡር ሚኒስትሩ ጓደኛ ሚኒስትር ደወሉላቸው] 

    • ጤና ይስጥልኝ ክቡር ሚኒስትር፡፡
    • እንዴት ነህ ወዳጄ?
    • የጂቲፒ 2 ስብሰባ እንዴት ይዝዎታል?
    • ያው ሁሉን ዝግጅት ጨርሰናል፡፡
    • እኔም አስፈላጊውን ዝግጅት አድርጌያለሁ፡፡ ለማንኛውም ዛሬ የደወልኩት ለሌላ ጉዳይ ነው፡፡
    • የምን ጉዳይ?
    • በቀጣይ አገራችን ትልቅ ዓለም አቀፋዊ ስብሰባ ታስተናግዳለች፡፡ በዚያ ላይ ኦባማ ወደ ኢትዮጵያ ይመጣል፡፡
    • ታዲያ ስንት መሪዎች ተቀብለናል አይደል እንዴ? ምን አዲስ ነገር አለው?
    • አይደለም ክቡር ሚኒስትር፣ ይህ አገራችንን ለማስተዋወቅ ወሳኝ አጋጣሚ ነው፡፡
    • ያው እንግዲህ እኔ የፕሬዚዳንቱን የአቀባበል ጉዳይ በተመለከተ የተዋቀረው ኮሚቴ ውስጥ ስላለሁ በሚገባ እከታተለዋለሁ፡፡
    • እኔም ኮሚቴው በአግባቡ ሥራውን እየሠራ አለመሆኑን ሰምቼ ነው የደወልኩት፡፡  
    • አታስብ እኔ አላሳፍርህም፡፡
    • ለማንኛውም አዳዲስ ሱፎችን መግዛት እንዳይረሱ፡፡
    • ምን እኔ የፕሮቪደንት ፈንድ የለኝ፤ ከየት አመጣለሁ ብለህ ነው?
    • ፕሮቪደንት ፈንድ እኮ ለወሳኝ ነገር እንጂ ለእንደዚህ ዓይነት ነገር መውጣት አይችልም፡፡
    • ያው እኛም ቢኖረን ጥሩ ነው ለማለት ነው፡፡
    • ምን?
    • ፕሮቪደንት ፈንድ፡፡

    [ክቡር ሚኒስትሩ ከሾፌራቸው ጋር ወደ ቤታቸው እየሄዱ ነው] 

    • ቀልድ ነው የተያዘው ክቡር ሚኒስትር?
    • የምን ቀልድ አመጣህ?
    • ባለፈው ቅዳሜ ጂቲፒ 2 ላይ ለመወያየት ቀበሌ ጠርተውኝ ሄጄ ነበር፡፡
    • እሺ፡፡
    • የመጀመሪያው ጂቲፒ አፈጻጸም ሪፖርት ተደረገ፡፡
    • ከዚያስ?
    • ከዚያማ ስለጂቲፒ 2 ተነቦልን ስብሰባው አለቀ፡፡
    • በቃ?
    • አዎና እኔ እኮ ጂቲፒ 2 ገና እየታቀደ በመሆኑ ለእሱ ግብዓት የሚሆን ነገር ለመስጠት ነው እንጂ የሄድኩት አልሄድም ነበር፡፡
    • ምን የምትሄድበት ቦታ አለ ደግሞ?
    • ኧረ ስንት ቦታ አለ፡፡ ሌላ ደግሞ፡፡
    • ደግሞ ሌላ ምን አለህ?
    • ኦባማ ሊመጣ ነው አሉ፡፡
    • አሁን ገና መስማትህ ነው?
    • እሱማ ቆየሁ፤ ለመሆኑ ምን ሊያደርግ ነው የሚመጣው?
    • ያው ልማታችንን ሊያደንቅና ሊያበረታታ ነዋ፡፡
    • አሜሪካ የግብረ ሰዶማውያንን መብት በሁሉም ስቴቶቿ ማፅደቋን ሰምተዋል አይደል?
    • ያፅድቁዋ፤ እኛ ምን አገባን? ያ የውስጥ ጉዳያቸው ነው፡፡
    • አይ የኦባማ ጉብኝት ሌላም ዓላማ አለው እየተባለ ነው፡፡
    • የምን ሌላ ዓላማ?
    • በአገራችን ያሉ ግብረ ሰዶማውያን መብት እንዲጠበቅ አድቮኬት ለማድረግ ነው ይባላል፡፡
    • እኔ በቁሜ እያለሁ?
    • መቼም ኦባማ ሲመጣ ይሞታሉ ብዬ አልገምትም፡፡
    • ኢትዮጵያ እኮ የእምነት አገር ናት፡፡
    • አሁን ክቡር ሚኒስትር እውነት እናውራ ከተባለ የእርስዎ ሃይማኖት አብዮታዊ ዲሞክራሲ አይደለም?
    • አብዮት ይብላህ፡፡
    • ለማንኛውም የድብቅ ዓላማውን ጉዳይ ነገር አደራ፡፡
    • ይህ በፍጹም ሊሆን አይችልም፡፡

    [ክቡር ሚኒስትሩ ቤት ሲገቡ ሚስታቸውን አገኟቸው]

    • ሰሞኑን ትልቅ ስብሰባ እንዳለብኝ ታውቂያለሽ?
    • የምን ትልቅ ስብሰባ?
    • በርካታ መሪዎች ወደ አገራችን ይመጣሉ፡፡
    • ምን ሊያደርጉ?
    • ኦባማን ጨምሮ ሌሎች ታላላቅ መሪዎች በቅርቡ አገራችንን ይጐበኛሉ፡፡
    • ኦባማ ለምንድነው የሚመጣው?
    • የአገራችንን ዕድገት ሊያደንቅ ነዋ፡፡
    • ለመሆኑ ተቃዋሚዎቹስ ምን ይላሉ?
    • አሁን ኢንተርኔት ላይ አላነበብኩም ለማለት ፈልገሽ ነው?
    • ምን ዌብሳይቱን ሁሉ ዘግታችሁት የት አነባለሁ ብለህ ነው?
    • ምንም ቢሉ ኦባማ መምጣቱ አይቀርም፡፡
    • ግን የምር ምን ይላሉ?
    • ሁለት አይደለም ገና ሦስት ዓይነት ፀጉር ያበቅላሉ፡፡
    • ምን ዓይነት ፀጉር?
    • ነጭና ጥቁር…
    • ሌላስ?
    • ሰማያዊ!

    በብዛት የተነበቡ ፅሁፎች

    ሰርጌ ላቭሮቭ ለዲፕሎማቲክ ማኅበረሰቡ በአዲስ አበባ በሰጡት መግለጫ ምዕራባውያንን አጣጣሉ 

    የሩሲያ የውጭ ጉዳይ ሚኒስትር ሰርጌ ላቭሮቭ ለአፍሪካ አገሮች ላደረጉት...

    በወለድ ነፃ የባንክ አገልግሎት የተሰበሰበው ከፍተኛ ሀብት ጥቅም ላይ እየዋለ አይደለም ተባለ

    በኢትዮጵያ ከወለድ ነፃ የባንክ አገልግሎት የተሰበሰበው የተቀማጭ ገንዘብ መጠን...

    የታላቁ የኢትዮጵያ ህዳሴ ግድብ ሁለተኛው ተርባይን ኃይል ማመንጨት ጀመረ

    ሦስተኛ ዙር ሙሌት በዛሬው ዕለት እንደሚጠናቀቅ ይጠበቃል የታላቁ የኢትዮጵያ ህዳሴ...
    - Advertisment -

    ትኩስ ፅሁፎች

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...

    ለኬንያ ኤሌክትሪክ ኃይል የሚሸጥበት ታሪፍ ማሻሻያ ተደረገበት

    በቅርቡ ሙሉ ለሙሉ ስምምነቱ የተጠናቀቀው የኢትዮጵያና የኬንያ የኤሌክትሪክ ኃይል...
    spot_img

    ተዛማጅ ፅሁፎች

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡ አመሠግናለሁ ክቡር ሚኒስትር። በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል? ተቋራጩ ማን እንደሆነ አልነገርኩዎትም እንዴ? የትኛው ተቋራጭ...

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...

    [ክቡር ሚኒስትሩ የሚመሩት የሥራ አስፈጻሚ ኮሚቴ ስብሰባ አጀንዳ አድርጎ በያዘው ወቅታዊ የፀጥታና ደኅንነት ጉዳዮች ላይ ትኩረት በመስጠት ቢጀመርም በስተመጨረሻ አጀንዳውን ስቶ ስለ መዋደድ እየተጨቃጨቀ...

    በዛሬው መደበኛው መድረካችን አጀንዳ የተለመደው የፀጥታና ደኅንነት ጉዳይ ይሆናል። ሌላ አጀንዳ የምታስይዙት አጀንዳ ከሌለ በቀር ማለቴ ነው። ክቡር ሚኒስትር... እሺ ...ቀጥል አመሰግናለሁ ክቡር ሚኒስትር። መደበኛ አጀንዳው እንደተጠበቀ...