Thursday, August 11, 2022
ሌሎች ዓምዶች
    - ማስታወቂያ -
    - ማስታወቂያ -

    መንግሥት ከፍተኛ ወለድ ከሚያስከፍሉ ብድሮች ራሱን አገለለ

    - ማስታወቂያ -

    ተዛማጅ ፅሁፎች

    • ትኩረቱን በቻይና ቀጥተኛ ኢንቨስትመንት ላይ አድርጓል

    በኤክስፖርት መዳከም ምክንያት ከፍተኛ ወለድ ከሚያስከፍሉ ብድሮች መንግሥት ራሱን አገለለ፡፡ ትኩረቱን አነስተኛ ወለድ ምጣኔ በሚያስከፍሉ ቡድኖች ላይ ከማድረጉ በተጨማሪ የቻይና ኩባንያዎችን በመሳብ ላይ ነው፡፡

    መንግሥት ለበርካታ ዓመታት ከኤክስፖርት ቢሊዮን ዶላሮችን ለማግኘት ቢያቅድም አልሰመረለትም፡፡ ይህም በመሆኑ አበዳሪዎች ከሚጠይቁት መሥፈርት ዋነኛው የወጪና ገቢ ንግድ ምጣኔ መቀራረብ (ትሬድ ባላንስ) አንዱ በመሆኑ፣ በከፍተኛ ወለድ በአጭር ጊዜ ውስጥ የሚከፈሉ ብድሮችን ለማግኘት አልተቻለውም፡፡

    ይህም በመሆኑ መንግሥት ራሱን ከእነዚህ ከፍተኛ ወለድ ከሚጠይቁ ብድሮች ሙሉ በሙሉ ያገለለ ሲሆን፣ በአንፃሩ የልማት አጋሮቹ ከሆኑት ዓለም አቀፍ ተቋማትና ከመንግሥታት ትብብር በአነስተኛ ወለድ ለረዥም ጊዜ በሚሰጡት ብድሮች ላይ ትኩረት ማድረጉ ታውቋል፡፡

    ከዚህ በተጨማሪም በተለይ የቻይና ግዙፍ ኩባንያዎች በኢትዮጵያ ኢንቨስትመንት ላይ እንዲሰማሩ መጎትጎቱን ቀጥሎበታል፡፡ በበጀት ዓመቱ የመጀመርያው ስድስት ወራት ቤጂንግ የሚገኘው የኢትዮጵያ ኤምባሲ ሻንዶንግና ቾንቺን ግዛቶች የሚገኙ ሁለት ግዙፍ ኩባንያዎችን በማግባባት፣ ወደ ኢትዮጵያ መጥተው ኢንቨስት እንዲያደርጉ ፍላጎት እንዲያሳድሩ ማድረጉ ተመልክቷል፡፡

    የቻይና ግዙፍ ኩባንያዎች ከሰንሸንግ ኢንዱስትሪያል ግሩፕና ከፍዩኢ ግላስ ኢንዱስትሪ ግሩፕ ጋር በተናጠል በተካሄዱ ውይይቶች ኩባንያዎቹ ወደ ኢትዮጵያ ገብተው ኢንቨስት ለማድረግ ፍላጎት እንዳላቸው ገልጸው፣ የመሬት አቅርቦትን፣ የውጭ ምንዛሪ ሁኔታን፣ የጥሬ ዕቃ አቅርቦትን፣ የሚሰጡ ማበረታቻዎችን በተመለከተ ጥያቄ ማቅረባቸው ታውቋል፡፡፡

    ለጥያቄዎቹ በሚመለከታቸው መንግሥታዊ ተቋማት ምላሽ እየተሰጠ መሆኑን፣ ኩባንያዎቹም በተገቢው መንገድ ምላሽ ካገኙም ወደ ኢንቨስትመንት ለመግባት ፍላጎት እንዳላቸው ታውቋል፡፡

    ሁለቱ የቻይና ኩባንያዎች በሥራቸው በርካታ አምራች ኢንዱስትሪዎች የሚገኙ ሲሆን፣ መንግሥት ሁለቱ ኩባንያዎች ወደ ኢትዮጵያ እንዲገቡ ትኩረት በማድረጉ በገንዘብና ኢኮኖሚ ትብብር ሚኒስቴር የተመራ የልዑካን ቡድን በኢትዮጵያና በቻይና ተደጋጋሚ ውይይቶችን እያካሄደ መሆኑ ታውቋል፡፡ እነዚህ የቻይና ኩባንያዎች አቅማቸው ትልቅ በመሆኑ መንግሥት በጀመራቸው የኢንዱስትሪ ፓርኮች ጋር በመዳመር ከኤክስፖርት ቢሊዮን ዶላሮች ይገኛሉ ተብሎ በመታመኑ፣ መንግሥት ከጥቂት ጊዜያት በኋላ ወደ መደበኛው ብድር ይመለሳል ተብሎ ታምኖበታል፡፡

    መንግሥት ለረዥም ጊዜ የሚቆይ ብድር በአነስተኛ ወለድ ከሚሰጡ ዓለም አቀፍ ተቋማት፣ በተለይም ከዓለም ባንክ ለሚቀጥሉት አምስት ዓመታት ተግባራዊ የሚደረግ 4.8 ቢሊዮን ዶላር፣ እንዲሁም ከአውሮፓ ኅብረት 745 ሚሊዮን ዩሮ ተመድቦለታል፡፡

    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -
    - ማስታወቂያ -spot_img

    በብዛት ከተነበቡ ፅሁፎች