Thursday, August 18, 2022
ሌሎች ዓምዶች
    - Advertisement -
    - Advertisement -
    ዜናበ270 ሚሊዮን ብር የተገዙ ትራንስፎርመሮች ደረጃቸውን ያልጠበቁ በመሆናቸው ርክክብ አልተፈጸመም

    በ270 ሚሊዮን ብር የተገዙ ትራንስፎርመሮች ደረጃቸውን ያልጠበቁ በመሆናቸው ርክክብ አልተፈጸመም

    ቀን:

    –  ጉዳዩን ፍትሕ ሚኒስቴር ይዞታል

    የቀድሞ የኢትዮጵያ ኤሌክትሪክ ኃይል ኮርፖሬሽን በ2006 ዓ.ም. በ270 ሚሊዮን ብር የፈጸመው የትራንስፎርመር ግዥ፣ እስካሁን ርክክብ አልተፈጸመም፡፡ ርክክቡ ያልተፈጸመው ትራንስፎርመሩ ደረጃውን የጠበቀ አይደለም በማለት ኮርፖሬሽኑ ለመረከብ ፈቃደኛ ባለመሆኑ ነው ተብሏል፡፡

    የቀድሞው ኤሌክትሪክ ኮርፖሬሽን ይህንን ግዥ የፈጸመው በመንግሥት ግዥና ንብረት ማስወገድ አገልግሎት አማካይነት ሲሆን፣ በወቅቱ የወጣውን ጨረታ ያሸነፈው የህንድ ኩባንያ የሆነው ፌደረር ሎይድ ኮርፖሬሽን ሊሚትድ ነው፡፡

    ፌደረር ሎይድ ያቀረባቸው ትራንስፎርመሮቹ ጂቡቲ ወደብ ቢደርሱም፣ የኮርፖሬሽኑ ባለሙያዎች ትራንስፎርመሮቹ በተገቢው ውል መሠረት የቀረቡ ባለመሆናቸው ርክክብ ለመፈጸም አለመቻላቸው ተገልጿል፡፡

    ጉዳዩን ፍትሕ ሚኒስቴር የያዘው ሲሆን፣ እስካሁን ድረስ ሚኒስቴሩ የመጨረሻ ውሳኔ አለመስጠቱን ለማወቅ ተችሏል፡፡ ባለፈው ወር ዋና ኦዲተር መሥሪያ ቤት ባቀረበው ዓመታዊ ሪፖርት የመንግሥት ግዥና ንብረት ማስወገድ አገልግሎት ድርጅት፣ ወቅቱን ጠብቆ 666 ሚሊዮን ብር አላወራረደም በሚል ተችቶታል፡፡

    የመንግሥት ግዥና ንብረት ማስወገድ አገልግሎት ዋና ዳይሬክተር አቶ ይገዙ ዳባ ለሪፖርተር እንደገለጹት፣ ከተጠቀሰው ገንዘብ ውስጥ 270 ሚሊዮን ብር በቀድሞው የኢትዮጵያ ኤሌክትሪክ ኃይል ኮርፖሬሽን የተፈጸመው የትራንስፎርመሮች ግዥ ርክክብ ባለመፈጸሙ ነው፡፡

    የትራንስፎርመሮቹ ርክክብ ተፈጽሞ የባንክ ሰነዶች ባለመቅረባቸው፣ ሒሳቡን ማወራረድ አለመቻሉን አቶ ይገዙ ገልጸው፣ ጉዳዩ በፍትሕ ሚኒስቴር መያዙን ጠቁመዋል፡፡ በሌላ በኩልም 300 ሚሊዮን ብር የሚያወጡ ግዥዎች ሒሳብ በአሁኑ ወቅት መወራረዱንና ቀሪው የግዥ ሰነድ በመወራረድ ላይ መሆኑን አመልክተዋል፡፡

    ከዚህ ቀደም የኢትዮጵያ ኤሌክትሪክ ኃይል ኮርፖሬሽን በ24 ሚሊዮን ዶላር ግዥ የፈጸመባቸው 3,520 ትራንስፎርመሮች ከደረጃ በታች ናቸው በማለት የፌዴራል ሥነ ምግባርና ፀረ ሙስና ኮሚሽን ጉዳዩን ወደ ፍርድ ቤት መውሰዱ አይዘነጋም፡፡

    መንግሥት 170 የሚሆኑ የመንግሥት መሥሪያ ቤቶች በወል የሚፈልጓቸውን ዕቃዎች፣ አገራዊ ፋይዳ ያላቸውን ስትራቴጂካዊ ዕቃዎች፣ እንዲሁም ጥቅም ላይ የማይውሉ ንብረቶችን እንዲያስወግድና ግዥ እንዲፈጽም ከአምስት ዓመታት በፊት የመንግሥት ግዥና ንብረት ማስወገድ አገልግሎት ተቋም አቋቁሟል፡፡

    ተቋሙ ከተቋቋመ ጊዜ ጀምሮ በየዓመቱ ሰባት ቢሊዮን ብር የሚያወጡ ዕቃዎችን ግዥ እየፈጸመ የሚገኝ ሲሆን፣ በየዓመቱ በአማካይ 50 ሚሊዮን ብር የሚያወጡ ንብረቶችን በማስወገድ ላይ ይገኛል፡፡

    አቶ ይገዙ እንደገለጹት፣ ይህ ተቋም በመቋቋሙ በተለይ በ2005 ዓ.ም. መንግሥት 100 ሚሊዮን ብር፣ በ2006 ዓ.ም. ደግሞ 198 ሚሊዮን ብር ሊያጣ ይችል የነበረውን ገንዘብ ማዳን ችሏል፡፡ ወደፊትም አገልግሎት ተቋሙ አቅሙን እያሳደገ በርካታ ዕቃዎችን ወደ መግዛት ይሸጋገራል ሲሉ አቶ ይገዙ አስረድተዋል፡፡

    አቶ ይገዙ ለሪፖርተር እንደገለጹት፣ በዋና ኦዲተር መሥሪያ ቤት ያልተወራረደ ሒሳብ ማለት ተመዘበረ ማለት እንዳልሆነና እሳቸው የሚመሩት ተቋም በዚህ በኩል ስሙ መነሳቱ አግባብ እንዳልሆነ ገልጸው፣ ሒሳቡን ማወራረድ ባይቻልም በኢትዮጵያ ንግድ ባንክ ውስጥ እንደሚገኝ ገልጸዋል፡፡ ተመዝብሮ ቢሆን መንግሥት ዕርምጃ ይወሰድ ነበር ብለዋል፡፡

      

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    የኬንያ ምርጫ ቀጣናዊ አንድምታው

    በዘመናት ውስጥ ሳይናወጥ መዝለቅ የቻለ ይሉታል አንዳንዶች፡፡ የአገሮቹ መሪዎች...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...

    ሰበበኞች!

    ዛሬ የምንጓዘው ከሜክሲኮ ወደ አየር ጤና ነው፡፡ ዛሬም፣ ነገም...