Friday, August 19, 2022
ሌሎች ዓምዶች
    - Advertisement -
    - Advertisement -
    ዜናከቱርክ ኩባንያ ከ12.8 ሚሊዮን ብር በላይ የሚያወጣ ነዳጅ ለግል ጥቅማቸው አውለዋል የተባሉ...

    ከቱርክ ኩባንያ ከ12.8 ሚሊዮን ብር በላይ የሚያወጣ ነዳጅ ለግል ጥቅማቸው አውለዋል የተባሉ ሾፌሮች ተከሰሱ

    ቀን:

    በባቡር መስመር (ሐዲድ) ግንባታ ታዋቂ የሆነው የቱርኩ ያፒ ማርኬዚ ኢኒሼቲቭ ኩባንያ በኢትዮጵያ ቅርንጫፍ መሥሪያ ቤቱ በሾፌርነት የተቀጠሩ 32 ግለሰቦች፣ ከ12.8 ሚሊዮን ብር በላይ የሚገመት ነዳጅ ለግል ጥቅማቸው አውለዋል ተብለው ክስ ተመሠረተባቸው፡፡

    ሾፌሮቹ ነዳጅ እንዲቀዱበት የተሰጣቸውን የብድር ነዳጅ መቅጃ ካርድ (አቢሲኒያ ካርድ) ከነዳጅ ቀጂ ሠራተኞች ጋር በመመሳጠር 929,552 ሊትር ነዳጅ መውሰዳቸውን፣ ጠቅላይ ዓቃቤ ሕግ ለፌዴራል ከፍተኛ ፍርድ ቤት የመሠረተው ክስ ያስረዳል፡፡

    ተከሳሾቹ ከ33 ሺሕ እስከ ሦስት ሚሊዮን ብር የሚደርስ ነዳጅ ቀሽበው በመውሰድ፣ ከባድ የእምነት ማጉደል ወንጀል መፈጸማቸውን ዓቃቤ ሕግ በክሱ ገልጿል፡፡

    ተከሳሾቹ አቶ ዳንኤል ጥላሁን፣ አቶ ኤልያስ ተስፋዬ፣ አቶ መሐመድ ታጁ፣ አቶ ሰይድ ሁሴን፣ አቶ ኑሪ ኡስማን፣ አቶ ሀቢብ አቡበከር፣ አቶ ቃሲም ጀማልና አቶ ሙሉነህ ይመርን ጨምሮ 32 መሆናቸውን የዓቃቤ ሕግ ክስ ያስረዳል፡፡

    እያንዳንዳቸው መቅዳት ከሚችሉት ወይም የያዟቸው ተሽከርካሪዎች መያዝ ከሚችሉት በላይ በመቅዳት፣ በተከሳሾቹ በአጠቃላይ 12,839,815 ብር ለግል ጥቅም ማዋላቸውን ዓቃቤ ሕግ ስድስት የሰዎች ምስክሮችንና ሁለት የሰነድ ማስረጃዎችን ቆጥሮ ክስ መሥርቶባቸዋል፡፡

    ያፒ ማርኬዚ ዓለም አቀፍ ዕውቅና ያለው የቱርክ ኩባንያ ሲሆን፣ እ.ኤ.አ. በ1965 የተቋቋመ የግል ድርጅት ነው፡፡ በተባበሩት ዓረብ ኤምሬትስ፣ ኳታር፣ በሳዑዲ ዓረቢያ፣ አልጄሪያ፣ ሞሮኮና በኢትዮጵያ ቅርንጫፍ ጽሕፈት ቤቶች አሉት፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    መንግስት 8 የስኳር ፋብሪካዎችን ለጨረታ አቀረበ

    መንግስት ስኳር ኢንተርፕራይዞችን ወደግል ለማዛወር በወጣው ጨረታ ባለሐብቶች እንዲሳተፉ...

    የፌደራሉ መንግሥት በትግራይ ኃይሎች ላይ ጥቃት አልፈጸምኩም አለ

    የጠቅላይ ሚንስትሩ ፕሬስ ሴክሬታሪያት ቢልለኔ ስዩም ዛሬ ሐሙስ ነሐሴ...

    12ኛ ክልል እንዲቋቋም ህዝበ ውሳኔ እንዲካሄድ ተወሰነ

    የፌዴሬሽን ምክር ቤት በክልል የመደራጀት አቤቱታን ተቀብሎ በመመርመር ሕዝበ...