Sunday, August 14, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

    [ክቡር ሚኒስትሩ አማካሪያቸውን ቢሮ አስጠሩት]

    • ፈለጉኝ ክቡር ሚኒስትር?
    • የቀረው ጉዳይ ላይ እንድንነጋገር ብዬ ነው፡፡
    • የምን የቀረ ጉዳይ?
    • የፕሬዚዳንቱ ጉብኝት ላይ የቀረ ነገር ካለ ብዬ ነው፡፡
    • ኧረ በፈጠርዎት ክቡር ሚኒስትር፡፡
    • ምን ሆነሃል?
    • አሁንስ ይህ ጉዳይ እጅ እጅ ነው ያለኝ፡፡
    • ለምን?
    • አሁንም ቴሌቪዥን ላይ መክፈቻ ዜና እኮ የፕሬዚዳንቱ ጉብኝት ነው፡፡
    • ታዲያ ምን ችግር አለው? ወሳኝ ጉዳይ እኮ ነው፡፡
    • ክቡር ሚኒስትር አሁን ወደ ኖርማል ሥራችን የምንመለስበት ጊዜ ነው፡፡
    • አትሳሳት ይኼም ቢሆን እኮ የሥራችን አካል ነው፡፡
    • ቢሆንም በቃን፤ አሁን ወደ ሌላ ሥራ መሸጋገር አለብን፡፡
    • ለማንኛውም ጥሩ ሥራ የሠራን ይመስለኛል፡፡
    • እኔ ግን አንድ ቅር ያለኝ ነገር ነበር፡፡
    • ምንድን ነው ቅር ያለህ?
    • ሰሞኑን ዩቲዩብ ላይ ያየሁት ቪዲዮ ነበር፡፡
    • ምን ላይ? ደግሞ እሱ ምንድን ነው ዴኤስቲቪ ላይ ያለ ፕሮግራም ነው?
    • አይደለም ኢንተርኔት ላይ ቪዲዮ ማሠራጫ ቻናል ነው፡፡
    • ሥራ ትተህ ኢንተርኔት ላይ ነው የምትውልልኝ አይደል?
    • ክቡር ሚኒስትር ይኼም እኮ የሥራዬ አካል ነው፡፡
    • እሱን ግምገማ ላይ ታወራለህ፤ ለመሆኑ ምንድነው ያየኸው?
    • አላገጠችብን አይደል እንዴ?
    • ማን?
    • ይህቺ የሩዝ ስም ያላት የአሜሪካ ባለሥልጣን ናታ፡፡
    • ምን ብላ?
    • ስለምርጫው ተጠይቃ የፌዝ ሳቅ ነው የሳቀችብን፡፡
    • የፌዝ መሆኑን በምን አወቅክ?
    • ታዲያ የምን ሳቅ ነው የሳቀችው?
    • የአድናቆት ነዋ፡፡
    • እንዴት ሆኖ?
    • አሜሪካን ረዳናት እኮ፡፡
    • እንዴት ሆኖ?
    • የአሜሪካ ወዳጅ የሆኑትን እነ ሳዑዲ ዓረቢያን አስብ፡፡
    • ምን ሆኑ እነሱ?
    • አሜሪካ ከእነሱ ጋር ባላት ወዳጅነት ሁሌም ትተቻለች፡፡
    • ለምን?
    • እነሱ ምርጫ አካሂደው አያውቁማ፡፡
    • እ…
    • እና ሁሌ በዚህ ጉዳይ አሜሪካ አንገቷን እንደደፋች ነው፡፡
    • በዚህ ጉዳይማ አሜሪካ ሁሌም ትተቻለች፡፡
    • እኛ ግን ምርጫ አካሂደን ሙሉ ለሙሉ ማሸነፍ እንደሚቻል አስመስክረናል፡፡
    • ለዚያ ነው ፕሬዚዳንቱ ‘ዴሞክራቲካሊ ኢሌክትድ’ ብለው ያሉት፡፡
    • እንዴታ?
    • ኋላ ላይ ግን ዴሞክራሲ ማለት ምርጫ ማካሄድ ብቻ አይደለም ብለው እኮ ጐሸም አደረጉን፡፡
    • ሰውዬ፣ አሁን እኛ ከአሜሪካ ጋር ዓለምን የምንመራበት ወቅት ነው፡፡
    • ማን እኛ?
    • አዎና፡፡
    • እንዴት ሆኖ?
    • አሜሪካ ዓለምን ትመራለች፤ እኛ ደግሞ አፍሪካን እንመራለን፡፡
    • ምን?
    • ለዚህ ነው ሕዝቡን ማብቃት አለብን የምልህ፡፡
    • በምን?
    • ዛሬ አንድ የክፍለ ከተማ አስተዳዳሪ መሆኑን አትይ፣ ነገ የአንድ የአፍሪካ አገር ከተማ ከንቲባ ሊሆን ይችላል፡፡
    • የምርዎትን ነው ክቡር ሚኒስትር?
    • ስቀልድ ታውቀኛለህ?
    • እንግዲህ ምኞት አይከለከሉም፡፡
    • ምኞት ሳይሆን እውን አድርጌ አሳይሃለሁ፡፡
    • ይሁንልዎት፡፡
    • ለመሆኑም ያንን ዶክመንት አነበብከው?
    • አንብቤዋለሁ ግን ጥቂት ይቀረኛል፡፡
    • ምን ያህል ፐርሰንት አንብበኸዋል?
    • 99.6 ፐርሰንት፡፡
    • ተመልሰንማ ወደ ኋላ አንሄድም፤ 100 ፐርሰንት ካላነበብከው መወያየት አንችልም፡፡
    • እሺ፡፡

    [ክቡር ሚኒስትር ቤታቸው ሲገቡ ሚስታቸው ዘንጠው ሊወጡ ሲሉ አገኟቸው]

    • አንቺ እንደዚህ ሱፐር ሞዴል መስለሽ ወዴት ልትሄጂ ነው?
    • ያን ፕሮጀክታችንን የደረሰበት ለመመልከት ነው የምሄደው፡፡
    • በግል መኪናሽ?
    • እህሳ?
    • ወቅቱን ረሳሽው እንዴ?
    • የምን ወቅት ነው የምታወራው?
    • ወቅቱ እኮ የግምገማ ወቅት ነው፡፡
    • ቢሆንስ?
    • ሻሽ አስረሽ በመንቀሳቀሻሽ ጊዜ እንደዚሁ ተዘንጦ?
    • የአንተ ሚስት መሆኔን ረሳኸው እንዴ?
    • ለምንድን ነው ሹፌሩ የማይወስድሽ?
    • ፕሮጀክቱን ሰው ማወቅ የለበትም ብዬ ነዋ፡፡
    • በዚህ ወቅት በመኪና መንቀሳቀሱ ዓይን ውስጥ ነው የሚያስገባሽ፡፡
    • በምን ልሂድ ታዲያ?
    • በኮንትራት ታክሲ፡፡
    • ምነው ያለመጠን ፈራህ?
    • የዘንድሮን ግምገማ ካለፍን ከዚያ ማንም አያቆመንም፡፡
    • ማን ማንን ይገመግማል ብለህ ነው? አሁን ያልተጨማለቀ ይገኛል ብለህ ነው?
    • ቢሆንም መጠንቀቁ አይከፋም፡፡
    • ከተገመገምክም ያው መላውን ታውቀዋለህ፡፡
    • ምንድነው መላው?
    • ጨከን ብለህ ማልቀስ ነው፡፡
    • እ…
    • ኢሕአዴግ እኮ ሆደ ቡቡ ነው፡፡
    • እንዴት?
    • ስትገመገም ካለቀስክ፣ ወዲያው መለስ ይልልሃል፡፡
    • ለነገሩ እውነትሽን ነው፣ ግን ያው ወንድ ሆኖ ማልቀስ ይከብዳል ብዬ ነው፡፡
    • ለግምገማው ብለህ ጾታህን መቀየር አሰብክ?
    • ቢቻልማ ደስ ይለኝ ነበር፡፡
    • በቃ ዝም ብላችሁ እኩልነት ትላላችሁ እንጂ፣ ሴቶች አልቃሽ ወንዶች አስለቃሽ ናቸው ብለህ ነው አሁንም የምታስበው?
    • እንደሱ ማለቴ አይደለም፡፡
    • ለማንኛውም እንደዚህ ከፈራህ እኔ ከነልጆቹ ለምን ወጣ አልልም፡፡
    • እኔስ?
    • አንተማ ግምገማህን ተወጣ፡፡
    • የአንበሳ ጥርስ ውስጥ ብቻዬን ከታችሁኝ ልትሄዱ?
    • ታዲያ ሁላችንም እንግባ?
    • ለማንኛውም ጥንቃቄ አይለይሽ፡፡

    [ክቡር ሚኒስትሩ ሕንፃቸውን የሚሠራላቸው ኮንትራክተር ጋ ደወሉ]

    • አቤት ክቡር ሚኒስትር፡፡
    • በዚህ ዓይነት ሌላ ሥራም ልሰጥህ አልችልም፡፡
    • ለምን?
    • አሁን እኮ ሕንፃዬ አልቆ መከራያ ጊዜው ነበር፡፡
    • ምን ላድርግ ክቡር ሚኒስትር?
    • እንዴት ምን ላድርግ ትላለህ? ጥፋቱማ የአንተው ነው፡፡
    • የምን ጥፋት?
    • ሕንፃውን መጨረስ አልቻልክም፡፡
    • ሌላም ሥራዎች እንዳሉኝ እንዳይረሱ፡፡
    • ስግብግብ ስለሆንክ እኮ ነው ሁሉንም ካልሠራሁ የምትለው?
    • ክቡር ሚኒስትር እውነቱን ንገረኝ ካሉ ችግሩ እናንተው ናችሁ፡፡
    • እንዴት?
    • ራሳችሁ ያወጣችኋቸው መመርያዎች የማያሠሩ ናቸው፡፡
    • መመርያዎቹ ባያሠሩህም እኔ እያስፈቀድኩልህ አይደል እንዴ?
    • ክቡር ሚኒስትር እንደነገርኩዎት እኔ የምሠራው የእርስዎን ሕንፃ ብቻ አይደለም፡፡
    • የእኔን ሕንፃ ብትጨርስ ኖሮ ሌላም ሁለት ቪላዎች ነበሩኝ፡፡
    • ክቡር ሚኒስትር እኔ መቼ ሥራ አጣሁ?
    • ታዲያ ምንድነው ያጣኸው?
    • የሚያሠራ መመርያ፡፡
    • ለማንኛውም ተጠንቀቅ፡፡
    • ስለምኑ?
    • ስለዚህ ሕንፃ ለሰዎች አታውራ፡፡
    • ለምን?
    • ወቅቱ የግምገማ ነው፡፡

    [ክቡር ሚኒስትሩ ወደ አንድ ወዳጃቸው ቀብር ከሾፌራቸው ጋር እየሄዱ ነው]

    • ክቡር ሚኒስትር እኔ ግን ትንሽ አንገሽግሾኛል፡፡
    • ምኑ?
    • እኔ የተቀጠርኩት ሽንኩርትና ድንች ላመላልስ ነው?
    • ምን ማለት ፈልገህ ነው?
    • እኔ አሸዋና ብረት ልገዛም የተቀጠርኩ አይመስለኝም፡፡
    • ስላቀረብኩህ ነው?
    • ክቡር ሚኒስትር እኔ የእርስዎ ሾፌር ነኝ፡፡
    • እኮ ለቤቴ ቅርብ ስላደረኩህ ነው ይህ ሁላ ወቀሳ?
    • ቅርብ በመሆኔ ሥራውን እንድጠላው ነው የተደረግኩት፡፡
    • ለምንድነው የጠላኸው?
    • ይኸው ቅዳሜ የለ፣ እሑድ የለ፣ ሕይወቴ ሥራ ብቻ ሆነ፡፡
    • አገሪቱ እኮ በሥራ ነው የምትለወጠው፡፡
    • እኔ ሥራ ብቻ ነው እንጂ የተረፈኝ ለውጡን አላየሁትም፡፡
    • አይዞህ ቅርብ ነው ጊዜው፡፡
    • በተግባር ካላየሁት ወሬ ብቻ ምን ያደርግልኛል?
    • ምን አልክ አንተ?
    • እኔ ስለምቀርብዎት መጀመሪያ ልንገርዎት ብዬ ነው እንጂ ሌላ ሰውም ሲማረር ሰምቻለሁ፡፡
    • ማነው ሌላው ሰው?
    • አትክልተኛችን ነዋ፡፡
    • ደግሞ እሱ ምናለ?
    • እኔ የመሥሪያ ቤቱ አትክልተኛ እንጂ የሚኒስትሩ አትክልተኛ አይደለሁም ሲል ሰምቼዋለሁ፡፡
    • ከፍዬው አይደል እንዴ የሚሠራው?
    • ከሥራ ያባርሩኛል ብዬ ፈርቼ ነው እንጂ ክፍያው ኪሳራ ነው እያለ ነበር፡፡
    • ምን?
    • ምናልባትም ግምገማ ስለደረሰ መጠንቀቁ አይከፋም ብዬ ነው፡፡
    • የሰማኸው ነገር አለ እንዴ?
    • በርካታ ሰው በዚህኛው ግምገማ ምንም የሚደበቅ ነገር የለም እየተባለ ሲወራ ሰምቼያለሁ፡፡
    • ጉድ ፈልቷል በለኛ?
    • ምን ያልፈላ ነገር አለ?
    • ወይ ጣጣ፡፡

    [ክቡር ሚኒስትሩ ቀብሩ ላይ ከሌላ ሚኒስትር ጋር ተገናኙ]

    • አስመሳይ ሰው ነህ ልበል?
    • ለምን ክቡር ሚኒስትር?
    • እንደዚህ የሚያንሰቀስቅህ ምንድነው?
    • ወዳጃችን እኮ ጥሩ ሰው ነበር፡፡
    • ጥሩ ሰው?
    • አዎና፡፡
    • ለማን? ለአንተ ወይስ ለአገር?
    • ለአገር ነው እንጂ እኔ እንደዚህ ዓይነት ነገር ደስ እንደማይለኝ ያውቃሉ፡፡
    • እሱን እንኳን ተወው፡፡
    • እንዴት?
    • መስመር ላይ እስክንገናኝ ነው፡፡
    • ያው እንግዲህ ሰሞኑን ግምገማ ላይ እንገናኛለን፡፡
    • እ…
    • እርስዎ ግን ከመቼ ጀምሮ ነው እንደዚህ ጨካኝ የሆኑት?
    • የምን ጭካኔ ነው?
    • አንድ ዘለላ እንባ እንኳን የለዎትም?
    • ኧረ እየቆጠብኩት ነው፡፡
    • ለምንድን ነው የሚቆጥቡት?
    • ለግምገማ!

    በብዛት የተነበቡ ፅሁፎች

    በወለድ ነፃ የባንክ አገልግሎት የተሰበሰበው ከፍተኛ ሀብት ጥቅም ላይ እየዋለ አይደለም ተባለ

    በኢትዮጵያ ከወለድ ነፃ የባንክ አገልግሎት የተሰበሰበው የተቀማጭ ገንዘብ መጠን...

    የታላቁ የኢትዮጵያ ህዳሴ ግድብ ሁለተኛው ተርባይን ኃይል ማመንጨት ጀመረ

    ሦስተኛ ዙር ሙሌት በዛሬው ዕለት እንደሚጠናቀቅ ይጠበቃል የታላቁ የኢትዮጵያ ህዳሴ...

    በቴሌ ብር የማይሠሩ ማደያዎች ቀነ ገደብ ተቀመጠባቸው

    ሚኒስቴሩ ከኢትዮጵያ ንግድ ባንክ ጋር ለመሥራት እየመከረ ነው በኢትዮጵያ...
    - Advertisment -

    ትኩስ ፅሁፎች

    ለሰላም ድርድሩ ‹‹ከአፍሪካ ኅብረት አደራዳሪነት ውጭ ሌላው ተቀባይነት የለውም›› የውጭ ጉዳይ ሚኒስቴር

    የሰሜን ኢትዮጵያን ጦርነትና ግጭት በሰላማዊ መንገድ ለመፍታት የተጀመረው የአፍሪካ...

    በተጠናቀቀው የበጀት ዓመት በንብረት ላይ የደረሰው የትራፊክ አደጋ በ494 በመቶ ጨምሯል

    በትራፊክ አደጋ 3,971 ሰዎች ሕይወታቸውን አጥተዋል በአገር አቀፍ ደረጃ በተጠናቀቀው...

    አዲሱን የመንግሥት መዋቅር ዘርግተው ያጠናቀቁ ተቋማት 31 በመቶ ብቻ ናቸው

    በሲቪል ሰርቪስ ኮሚሽን ሥር ካሉት 160 የፌዴራል መንግሥት መሥሪያ...

    ለተቃርኖ ምክንያት የሚሆኑ ከንቱ ድርጊቶች ይወገዱ!

    ሰሞኑን የታላቁ የኢትዮጵያ ህዳሴ ግድብ ሦስተኛ ዙር የውኃ ሙሌት...

    ለኬንያ ኤሌክትሪክ ኃይል የሚሸጥበት ታሪፍ ማሻሻያ ተደረገበት

    በቅርቡ ሙሉ ለሙሉ ስምምነቱ የተጠናቀቀው የኢትዮጵያና የኬንያ የኤሌክትሪክ ኃይል...
    spot_img

    ተዛማጅ ፅሁፎች

    [ክቡር ሚኒስትሩ የሥራ አጥነት ችግሮችን የመፍታት ተልዕኮ የተሰጠው ተቋም በዋና ጽሕፈት ቤቱ ሕንፃና ቢሮዎች ላይ ያደረገውን ዕድሳት መርቀው በመክፈት ጉብኝት እያደረጉ ነው]

    እጅግ ውብ ዕድሳት ያደረጋችሁት! በእውነቱ በጣም ድንቅ ነው፡፡ አመሠግናለሁ ክቡር ሚኒስትር። በጣም ድንቅ ነው። ዕድሳቱን ያከናወነው ድርጅት ጥሩ ልምድ ያለው ይመስላል? ተቋራጩ ማን እንደሆነ አልነገርኩዎትም እንዴ? የትኛው ተቋራጭ...

    [ክቡር ሚኒስትሩ በስንዴ የተሸፈኑ ሰፋፊ እርሻዎች ያሉበትን ሁኔታ ለመገምገም ከስንዴ ምርት ድጋፍና ክትትል ኮሚቴ ሰብሳቢ ጋር እየመከሩ ነው] 

    ክቡር ሚኒስትር እንደነገርክዎት በሁሉም ስንዴ አብቃይ አካባቢዎቻችን ያሉ አርሶ አደሮች ጥሪያችንን ተቀብለው መሬታቸውን በኩታ ገጠም አርሰው በስንዴ ዘር ሸፍነዋል። በጣም ጥሩ ዜና ነው። በጣም እንጂ። የሚገርምዎት...

    [ክቡር ሚኒስትሩ የሚመሩት የሥራ አስፈጻሚ ኮሚቴ ስብሰባ አጀንዳ አድርጎ በያዘው ወቅታዊ የፀጥታና ደኅንነት ጉዳዮች ላይ ትኩረት በመስጠት ቢጀመርም በስተመጨረሻ አጀንዳውን ስቶ ስለ መዋደድ እየተጨቃጨቀ...

    በዛሬው መደበኛው መድረካችን አጀንዳ የተለመደው የፀጥታና ደኅንነት ጉዳይ ይሆናል። ሌላ አጀንዳ የምታስይዙት አጀንዳ ከሌለ በቀር ማለቴ ነው። ክቡር ሚኒስትር... እሺ ...ቀጥል አመሰግናለሁ ክቡር ሚኒስትር። መደበኛ አጀንዳው እንደተጠበቀ...